Рʹебәри бона Лекʹолине

Кʹьламед Мә Әзбәри Һин бьн

«Гава әз хԝә беԛимәт тʹәхмин дькьм, Йаһоԝа мьн бь сайа кʹьламед сәр JW Бродкастинг^® ԛәԝи дькә» (Лорен, Америка).

Стьрандьна кʹьлама тʹьме пʹара һʹәбандьна Мәсиһийа бу (Колоси 3:16). Һәрге тӧ бь дьл ван кʹьлама һин би, әԝе тә һьнге жи ԛәԝи кьн, гава кʹьтеба кʹьлама, йан жи һащәтед електроник бал тә тʹӧнә бьн. Чь дькарә али тә бькә, ԝәки тӧ һьнә кʹьлама әзбәри һин би?

Гьлийед кʹьлама рʹьнд бьхунә, ԝәки нета ԝан фәʹм ки. Тӧ дьһа һеса дькари тьштәки бира хԝәда хԝәй ки, гава тӧ ве йәке фәʹм дьки. Гьлийед һʹәму кʹьлама, ӧса жи кʹьламед бона зарʹа, сәр jw.org һәнә. Пʹара Кʹьтебханеда бьжберьн Мьԛам.
Гьлийед кʹьлама бь дәсте хԝә сәр кʹахазәке бьньвисә. Ӧса тӧйе дьһа һеса кʹьлама бира хԝәда хԝәй ки (Ԛан. Дщр. 17:18).
Бь дәнге бьльнд бьстьре. Кʹьлам диса у диса бьхунә йан жи бьстьре.
Хԝә бьщерʹьбинә кӧ тә ча бира хԝәда хԝәй кьрийә. Хәбәра ӧса әзбәри һин бә, ԝәки кʹахазе нәньһерʹи. Паше хԝә бьщерʹьбинә, һәла тӧ ча һин буйи.