Бехофийа Жьна—Ньһерʹандьна Кʹьтеба Пироз

«Чахе әз зарʹ бум, бьре мьни мәзьн һьндава мьнда берʹәʹм бу у әԝи һәр рʹож мьн дькʹӧта у пе гьлийа әз беһӧрмәт дькьрьм. Чахе мьн мер кьр, хԝәсийа мьн жи һьндава мьнда сәрт у берʹәʹм бу. Әз бона хԝәси у хәзуре хԝә ча хӧлам бум. Жь бо ве һʹале хԝә, мьн дьхԝәст хԝә бькӧшта»—Мадхуa, Һьндьстан.

Тʹәшкиләта Сахләмийейә Һʹәмдьнйайе дьбежә, кӧ «зорбәтийа һьндава жьна нав тʹәмамийа дьнйайеда бәлабуйи йә». Ль гора лекʹолине, жь се жьна йәк, рʹасти зорбәтийа физики йан жи сексуали те.

Һәрге әв йәк тʹәви тә жи ԛәԝьми йә, дьԛәԝьмә тӧ хԝә бехофийеда тʹәхмин наки у тьрс дьле тәда һәйә, кӧ һәрге тӧ һәрʹи щики жи, ԝе тә бь гьлийа беһӧрмәт кьн, йан жи тӧйе рʹасти зорбәтийа физики, йан жи сексуали бейи. Жь бо ве йәке тӧ дькари дьшьрмиш би, кӧ һʹәчʹи зәʹф мәрьв дьфькьрьн ԝәки жьн гәрәке бәр тьштәкива һʹәсаб нәкьн. Ле гәло Хԝәде ча сәр ве йәке дьньһерʹә?

Ньһерʹандьна Хԝәде һьндава жьна

Рʹез: «Хԝәде мәри . . . ԛьсьме нер у ме хӧльԛандьн» (Дәстпебун 1:27).

Әв чь те һʹәсабе: Хԝәде жьн у мер әʹфьранд. Хԝәде дьхԝазә ԝәки ча ԛәдьре мера ӧса жи ԛәдьре жьна бьгьрьн, чьмки һәрд жи бәр чʹәʹве ԝи ԛимәт ьн. Хенщи ве йәке, әԝ дьхԝазә кӧ мер «жьна хԝә һʹьз бькә чаԝа хԝә», нә кӧ ле контрол кә, илаһи бь гьлийед сәрт у бь зорбәтийе (Әфәси 5:33; Колоси 3:19). Бәле, бона Хԝәде фәрз ә, ԝәки жьн бехофийеда бьн у хԝә хԝәйкьри тʹәхмин кьн.

«Чахе әз зарʹ бум, әз рʹасти зорбәтийе һатьм алийе мәрьвед хԝә. Чахе әз 17 сали бум, мәзьне хәбате мьн дьда тьрсандьне, кӧ һәрге әз сәре хԝә перʹа данәйньм, әԝе мьн жь хәбате дәрхә. Ле чахе әз мәзьн бум, мер, де-бав у щинаред мьн, һьндава мьнда беԛәдьр бун. Ле ахьрийеда әз дәрһәԛа Әʹфьрандаре мә Йаһоԝа пеһʹәсийамb. Әԝ һьндава жьнада бь ԛәдьр ә. Әв йәк мьн да баԝәркьрьне кӧ Әԝ мьн һʹәз дькә у әз бәр чʹәʹве ԝи ԛимәт ьм»—Мариа, Әргентина.

Чь дькарә али тә бькә кӧ емосийалида алийе башбуне һәрʹи?

Рʹез: «Һәвал жи һәнә жь бьраки четьр ьн» (Мәтʹәлок 18:24).

Әв чь те һʹәсабе: Һәвале рʹаст, ԝе али те бькә. Һәрге дьбә, дәрһәԛа һәстед хԝә ԝи мәрьвирʹа гьли кә, итʹбарийа хԝә кʹижани кӧ тӧ тини.

«Бист сал мьн тʹӧ кәсирʹа гьли нәкьрьбу, кӧ әз рʹасти зорбәтийа сексуали һатьмә. Ахьрийеда әз бебәхт бум, гәләк хәмгин бьбум у әз кʹәтьмә депресийайе. Ле чахе мьн дьле хԝә ԝи кәсирʹа вәкьр, кʹе кӧ һазьр бу гӧһ бьдә мьн, те бежи барәки гьран жь стийе мьн кʹәт»—Әлиф, Т′ьркйә.

Рʹез: «Һʹәму хәмед хԝә бавежьнә сәр [Хԝәде], чьмки әԝ бона ԝә хәм дькә» (1 Пәтрус 5:7).

Әв чь те һʹәсабе: Чахе тӧ дӧа дьки, Хԝәде дьбьһе (Зәбур 55:22; 65:2). Әв йәк кӧ әԝ бона тә хәм дькә, дькарә али тә бькә фәʹм бьки, ԝәки тӧ бона ԝи чьԛас ԛимәт и.

«Чахе әз дәрһәԛа Йаһоԝа педьһʹәсийам, бьринед дьле мьн һеди-һеди ԛәнщ дьбун. Ньһа әз дькарьм Хԝәдерʹа дӧа кьм у дьле хԝә ԝирʹа вәкьм. Әԝ мина һәваләки ӧса йә, кʹижан кӧ дькарә һәстед мьн бь тʹәмами фәʹм кә»—Ана, Белиз.

Гәло Хԝәде зорбәтийа һьндава жьна ԝе бьдә һьлдане?

Рʹез: «Йа Хӧдан . . . сәр диԝана сеԝи у бәләнгазда бьньһерʹә, ԝәки мәрьве дьне иди ԝи нәтьрсинә» (Зәбур 10:17, 18).

Әв чь те һʹәсабе: Зутьрәке Хԝәде ԝе һʹәму нәрʹасти у нәһәԛийе бьдә һьлдане у ӧса жи берʹәʹмти у зорбәтийа һьндава жьна.

«Бона мьн әԝ дьлбиникә мәзьн бу, чахе әз пеһʹәсийам кӧ Йаһоԝа берʹәʹмтийа һьндава жьна у кәчʹькед щаһьл, ԝе бьдә һьлданә. Бь сайа ве йәке, мьн әʹдьлайа дьл станд»—Роберта, Мәксика.

Сәва һе зедә пебьһʹәси, кӧ чь щурʹәйи Кʹьтеба Пироз дькарә гӧмане бьдә тә, ӧса жи чьрʹа тӧ дькари итʹбарийа хԝә созед ве кʹьтебе бини, у ча Шәʹдед Йаһоԝа бь сайа Кʹьтеба Пироз дькарьн али тә бькьн, жь ԝи мәрьви, бьхԝазә ԝәки әԝ сәрледана тә бькә.

Әԝа готара нәшьркьри бьдә кʹьшандьне.