Гәло Шәʹдед Йаһоԝа Ваксинасйе Инкʹар Дькьн?
На. Шәʹдед Йаһоԝа ваксинасйе инкʹар накьн. Ве пьрседа һәр кәс жь мә хԝәха сафи дькә, ваксине хԝә хә йан на. Гәләк Шәʹдед Йаһоԝа сафи кьрьнә ваксине хԝә хьн.
Әм методед ԛәнщкьрьне йед лапи баш хԝәрʹа дьжберьн, у әм пешдачуйина медисинайе гәләк ԛимәт дькьн, бь сайа кʹижана нәхԝәшийед гьран кем дьбьн. Әм гәләк жь дохдьра рʹази нә сәва хәбат у щәфе ԝанә гьран, илаһи ԝәʹде пандәмийайе.
Шәʹдед Йаһоԝа, тʹәви дохдьра һәвкʹарийе дькьн. Мәсәлә, жь дәстпека пандәмийа COVID-19, Шәʹдед Йаһоԝа сәр малпәра хԝә jw.org, сәр сәда зьмана әʹлам дькьрьн кӧ ча хԝә жь ԝе пандәмийе хԝәй кьн. Мәсәлә, дури мәрьва бьсәкьньн, карантине хԝәй кьн, дәсте хԝә бьшон, у бәрдәвка бьдьнә бәр дәве хԝә, ӧса жи дәʹԝакьрьнед дәԝләтейә дьн, биньнә сери (Рʹомайи 13:1, 2).
Шәʹдед Йаһоԝа бь дәһа сала әʹдәбйәтед хԝәда бәрдәԝам дькьн дина мәрьва бьдьнә сәр принсипед фәрз кӧ жере һатьнә дайине:
Бьжартьна методед ԛәнщкьрьне әԝ һәйә сафикьрьна шәхси (Галати 6:5).
«Әԝ журнал нә тʹӧ дәрман, нә жи тʹӧ методед ԛәнщкьрьне реклам накә, у ӧса жи методәкә ԛәнщкьрьне жь методәкә дьн четьр һʹәсаб накә, ле нета ԝе журнале әԝ ә, ԝәки пе избатийа али хԝәндәвана бькә, сәва әԝана хԝәха бь билани сафикьрьна бькьн» («Һʹьшйар Бьн!», 8 Сьбате, сала 1987 «Инглизи»).
«Һун гәрәке хԝәха сафи кьн, ваксинайе хԝә у зарʹед хԝә хьн йан на» («Һʹьшйар Бьн!», 22 Тʹәбахе, сала 1965 «Инглизи»).
Әм аликʹарийа дохдьра ԛәбул дькьн, чьмки әм жийине ԛимәт дькьн (Кʹаред Шандийа 17:28).
«Чахе Шәʹдед Йаһоԝа нәхԝәш дькʹәвьн, әԝана дьчьн щәм дохдьр, ԝәки хԝә ԛәнщ кьн. Әԝана жийине һʹьз дькьн, ләма жи ԝан методед ԛәнщкьрьне дьдьнә хәбате, йед кӧ мьԛабьли Кʹьтеба Пироз дәрнайен» («Бьрща Ԛәрәԝьлийе», 1 Тирмәһе, сала 1975 «Инглизи»).
«Шәʹдед Йаһоԝа, дәрмана дьдьнә хәбате, у аликʹарийа һʹәкима ԛәбул дькьн, әԝана дьхԝазьн сьһʹәт-ԛәԝата хԝә хԝәй кьн у әʹмьре хԝә дьреж кьн. Нава Шәʹдед Йаһоԝада гәләк дохдьр һәнә, чаԝа кӧ бәре нава Мәсиһийада дохдьр һәбун, мәсәлә, Луԛа. Шәʹдед Йаһоԝа, хәбата дохдьра йа бь дьл у щан гәләк ԛимәт дькьн, ӧса жи әԝана гәләк дьшекьриньн, ԝәки дохдьр алийе хԝәда һәр тьшти дькьн, кӧ еша нәхԝәша сьвьк кьн» («Бьрща Ԛәрәԝьлийе», 1 Сьбате, сала 2011).