ПЬРСЕД ЩАҺЬЛА
Гәло Һомосексуали Тьштәки Нормал ә?
«Чахе әз мәзьн дьбум чәтьнайикә мьн һәбу, мьн тʹәхмин дькьр, ԝәки гәдә мьн хԝәш тен нә кӧ ԛизьк. Мьнрʹа һеса нибу мьԛабьли ԝи һәсте хԝә шәрʹ бькьм. Мьн тʹьре ԝәʹдә шунда әԝ йәк ԝе дәрбаз бә, ле һʹәта ньһа әԝ һәст рʹьһʹәтийе надә мьн» (Девид 23 сали).
Девид, Мәсиһи йә, у дьхԝазә дьле Хԝәде ша кә. Ле гәло әԝ дькарә дьле Хԝәде ша кә, һәрге гәдә ԝи хԝәш тен? Ле ньһерʹандьна Хԝәде ча йә сәр һомосексуалийе?
Кʹьтеба Пироз дәрһәԛа ԝе йәке чь дьбежә?
Ньһерʹандьна сәр һомосексуалийе, тʹәви ԝәʹдә у културайе те гӧһастьне. Ле бона Мәсиһийа ньһерʹандьна гәләка, фәрз нинә у әԝана накʹәвьнә «бәр байе һәр һинкьрьнәке» (Әфәси 4:14). Ньһерʹандьна ԝан сәр һомосексуалийе, у сәр һәр рʹабун-руньштандьнәкә дьн, сәр һʹиме нормед Кʹьтеба Пироз ә.
Ньһерʹандьна Кʹьтеба Пироз сәр һомосексуалийе зәлал ә. Хәбәра Хԝәдеда те готьне:
«Сәре хԝә ԛьсьме мерарʹа данәйни чаԝа мина ԛьсьме жьне.» (Ԛануна Кʹаһинтийе 18:22).
«Хԝәде әԝ бь хԝәстьна дьле ԝан данә дәсте һʹәрамийе, . . . Бона ве йәке Хԝәде әԝ данә бенамусийе, һʹәта жьнед ԝан жи һʹәԝщәтийа хԝәйә әʹдәте дьне һʹәԝщәтийа әкʹсиәʹдәтийерʹа гӧһерʹин.» (Рʹомайи 1:24, 26).
«Нәхапьн! Нә бенамус, нә пʹутпʹарьст, нә зьнекʹар, нә ԛӧндә, нә кʹонә, нә дьз, нә тьмакʹар, нә сәрхԝәш, нә бӧхданбеж, нә жи тʹаланкьр Пʹадшатийа Хԝәде ԝе ԝар нәбә.» (1 Корьнтʹи 6:9, 10).
Бь рʹасти нормед Хԝәде бона һʹәму мәрьва нә, фьрԛи тʹӧнә, кʹе ԝан хԝәш те. Һәр мәрьвәк гәрәке хԝәгьртьне бьдә кʹьфше, чахе бал ԝи хԝәстьнед ӧса пешда тен, кӧ ԝан тьшта бькә чь кӧ бәр чʹәʹве Хԝәде рʹәш ьн (Колоси 3:5).
Әԝ те һʹәсабе кӧ . . . ?
Гәло әԝ те һʹәсабе, ԝәки Кʹьтеба Пироз һелан дькә, кӧ йед һомосексуал нәфрʹәт кьн?
На. Кʹьтеба Пироз һелан накә, ԝәки кәсәки нәфрʹәт кьн, нә йед һомосексуал нә жи, йед дьн. Дәԝсе әԝ һелан дькә, ԝәки «тʹәви һʹәмуйа әʹдьл бьн» фьрԛи тʹӧнә әԝана чь щурʹәйи дьжин (Ибрани 12:14). Ләма жи ԝе нәрʹаст бә, кӧ йед һомосексуал нәфрʹәт бькьн, йан жи зийана физики у емосийали бьдьнә ԝан.
Гәло әԝ те һʹәсабе, ԝәки Мәсиһи гәрәке мьԛабьли, ԝан ԛануна дәрен, йед кӧ изьне дьдьн, мер-мер бьстинә, жьн-жьн бьстинә?
Кʹьтеба Пироз дьдә кʹьфше, ԝәки анәгори нормед Хԝәдейә дәрһәԛа зәԝаще, гәрәке һәр зәԝащәкеда, мерәк у жьнәк бә (Мәтта 19:4-6). Ле бь рʹасти әԝ ԛанун, политикева гьредайи нә, нә нормед нав-намусийева. Кʹьтеба Пироз, Мәсиһийа һелан дькә, ԝәки али политикева тʹәвнәбуйине хԝәй кьн. (Йуһʹәнна 18:36). Ләма жи әԝана ԛануна дәԝләте йа дәрһәԛа зәԝаща һомосексуала, нә дьпарезьн нә жи мьԛабьл дәртен.
Ле һәрге . . . ?
Ле һәрге мәрьв һомосексуалийева мьжул дьбә, гәло әԝ дькарә бе гӧһастьне?
Әре. Избати әԝ ә, ԝәки һьнә мәрьвед ԛьрʹна йәкеда, һатьнә гӧһастьне! Чахе Кʹьтеба Пироз дьбежә, ԝәки йед һомосексуал ԝе нәкʹәвьнә Пʹадшатийа Хԝәде, паше ӧса дьбежә: «Жь ԝә һьнәк ӧса бун» (1 Корьнтʹи 6:11).
Гәло әԝ те һʹәсабе, ԝәки әԝед кӧ тʹәрка һомосексуали данә, ԝе иди тʹӧ хԝәстьн бал ԝан пешда нәйе, кӧ диса вәгәрʹьнә әʹмьре хԝәйи бәре. На. Кʹьтеба Пироз дьбежә: «Әԝи ну ль хԝә кьрийә. Әԝ мәрьве ну рʹож бь рʹож анәгори сурәте Әʹфьрандаре хԝә те ну кьрьне.» (Колоси 3:10). Сәва кӧ бенә гӧһастьне, гәрәке тʹьме сәр хԝә бьхәбьтьн.
Ле чь әм дькарьн бежьн дәрһәԛа ԝи мәрьви, йе кӧ дьхԝазә нормед Хԝәде бинә сери, ле диса жи хԝәстьна ԝийә һомосексуали, һʹьшйар дьбә?
Мәрьв хԝәха сафи дькә, хԝәстьне хԝә зәфт кә, йан рʹази кә. Әԝ чь щурʹәйи дькарә зәфт кә? Кʹьтеба Пироз дьбежә: «Бь сайа Рʹӧһʹе Пироз бьмәшьн у һуне хԝәстьнед бьнйатʹа инсен нәкьн.» (Галати 5:16).
Дина хԝә бьде, ԝе рʹезеда найе готьне, ԝәки бал мәрьв, ԝе тʹӧ хԝәстьнәкә бәдәни пешда нәйе. Ле мәрьве бькарьбә мьԛабьли ԝе хԝәстьне бә, һәрге һәр рʹож Кʹьтеба Пироз леколин бькә у дӧа бькә.
Девид, дәрһәԛа кʹижани жоре һатә гьликьрьне, рʹастийа ԝан гьлийа сәр хԝә тʹәхмин кьр, илаһи һьнге чахе әԝи де-баве хԝәйә Мәсиһирʹа гьли кьр, ԝәки мьԛабьли ԝе хԝәстьне шәрʹ дькә. Әԝ дьбежә «Барәки гьран сәр мьн һатә һьлдане, мьне зарʹотийа хԝәда шабунәкә һе мәзьн бьстанда һәрге, дьһа зу дәрһәԛа проблема хԝә, де-баве хԝәрʹа гьли кьра».
Рʹасти жи, чахе әм пе нормед Йаһоԝа дьжин, әм дьһа бәхтәԝар дьбьн. Әм баԝәр ьн, ԝәки нормед ԝи, «рʹаст ьн, дьле мерьв ша дькьн» у «йе пек тинә, хәлата ԝи пʹьрʹ мәзьн ә» (Зәбур 19:8, 11).