Гәло Кʹьтеба Пироз Һин Дькә, кӧ Әʹрд Пәʹн ә?

Щаба Кʹьтеба Пироз

На, Кʹьтеба Пироз һин накә, ԝәки әʹрд пәʹн ә.a Рʹаст ә Кʹьтеба Пироз нә кʹьтеба зандарийе йә, ле чь теда ньвисар ә һьмбәри зандарийе нинә. Хәбәред Кʹьтеба Пироз рʹаст ьн у «һʹәта-һʹәтайе һʹимгьрти нә» (Зәбур 111:8).

• Чь те һʹәсабе хәбәра Кʹьтеба Пироз «чар алийед әʹрде»?

• Чь щурʹәйи Мире-щьна «һʹәму пʹадшатийед дьнйайе» нишани Иса кьр?

Чь те һʹәсабе хәбәра Кʹьтеба Пироз «чар алийед әʹрде»?

Хәбәра Кʹьтеба Пироз «чар алийед әʹрде» йан жи «чар ньчʹькед әʹрде» гәрәке рʹастә-рʹаст фәʹм нәкьн, кӧ йан чь әʹрд чаргошә йә йан жи синоред ве һәнә (Ишайа 11:12; Ибо 37:3). Әшкәрә йә, әв хәбәр тенә һʹәсабе рʹуйе тʹәмамийа әʹрде. Бь ви щурʹәйи хәбәра чар алийед әʹрде те һʹәсабе тʹәмамийа әʹрде (Луԛа 13:29).

Ча те кʹьфше готьнед Ибрани йед кӧ һатьнә ԝәлгәрʹандьне ча «алийед әʹрде» у «ньчʹькед әʹрде» идийома йә, у нава веда хәбәр һәйә, йа кӧ те һʹәсабе «пʹәрʹ». Дь «The International Standard Bible Encyclopedia» те готьне: «Әв йәк кӧ чʹьвик пʹәрʹе хԝә вәдькә кӧ щущькед хԝә вәшерә, фькьрәкә ӧса дьдә кʹьфше ча ньчʹ йан жи дьрежайед синоркьри. Ӧса жи те готьне ԝәки дь Ибо 37:3 у Ишайа 11:12-да әв готьн те һʹәсабе ԛӧлб, синор йан жи ньчʹе рʹуйе әʹрде. b

Чь щурʹәйи Мире-щьна «һʹәму пʹадшатийед дьнйайе» нишани Иса кьр?

Чахе Мире-щьна хԝәст Иса бьщерʹьбинә, әԝи ԝи бьрә «сәр чʹийаки гәләки бьльнд» у «һʹәму пʹадшатийед дьнйайе», нишани ԝи кьр (Мәтта 4:1-8). Һьнә мәрьв дьфькьрьн кӧ әв рʹезед Кʹьтеба Пироз избат дькьн, ԝәки әʹрд пәʹн ә у жь бьльндщийәки, рʹьнд те кʹьфше. Ве дәрәщеда готьна «чʹийаки гәләки бьльнд» дьԛәԝьмә бь симболики йә у щики реали нинә. Ԝәред әм һьнә избатийа бьвиньн.

• Сәр әʹрде чʹийайәки ӧса тʹӧнә йә жь кʹижани кӧ һʹәму пʹадшатийед дьнйайе дькарьн бенә кʹьфше.

• Мире-щьна нә тʹәне һʹәму пʹадшатийед дьнйайе нишани Иса кьр, ле ӧса жи һʹәму «рʹәԝша» ԝан. Әшкәрә йә кӧ дурва рʹәԝш у рʹумәта тʹәмамийа әʹрде нькарә бе кʹьфше. Дьԛәԝьмә Мире-щьна әв йәк бь сайа хәйале нишани Иса кьр, мина кӧ иро бь сайа һащәтед әләктроники щурʹә-щурʹә щийед сәр әʹрде нишан дькьн.

• Дь Луԛа 4:5-да те готьне, кӧ Мире-щьна «дәԛеда һʹәму пʹадшатийед дьнйайе» нишани Иса кьр. Чʹәʹве мәрьв нькарә дәрбәкерʹа һаԛас тьшт бьвинә. Демәк Мире-щьна һʹәму пʹадшатийед дьнйайе бь щурʹәки нәтʹәбийәти нишани Иса кьр.