Сәрһати 67

Йеһошәфат Гӧмана Хԝә Дьдә Сәр Йаһоԝа

ЗАНИ әв мер кʹи нә у чь әԝана дькьн? Әԝана дьчьн ль шәрʹ, у мере кӧ пешийа ԝан дьчьн кʹӧлама дьбежьн. Ле дьбәк жи ньһа пьрсәкә тә һәйә: «Гәло чьрʹа шур у рьмед кʹӧламбежа тʹӧнә, нә әԝана дьчьн шәрʹ?» Кʹа әм пебьһʹәсьн.

Пʹадше дӧ бәрәкед исраелийа Йеһошәфат ә. Әԝ ԝан ԝәʹда пʹадшатийе дькә, чахе ль сәр 10 бәрәкед исраелийа Аһаб у Изабел пʹадшати дькьрьн. Ле Йеһошәфат пʹадшаки баш ә. Баве ԝи Асаф жи гәлә пʹадшаки баш бу. Ләма жи щьмәʹта дӧ бәрәкед исраелийа ида гәлә сал дь бәхтәԝарийеда дьжин.

Ле ньһа тьштәки ӧса ԛәԝьми кӧ тьрс кʹәтә дьле ԝан. Әʹламәтчи һатә бал Йеһошәфат у готә ԝи: «Әскәред жь ԝәлате Моԝаб, Аммон у жь чʹийайе Сәир тʹоп бун у бь гәлә әскәра тенә шәрʹ ль сәр тә». Ԝи чахи гәлә исраелийа һатьбун Оршәлиме кӧ аликʹари жь Йаһоԝа бьстиньн. Әԝана гьшк дь пʹарьстгәһеда тʹоп бун у ль ԝьр Йеһошәфат Хԝәдерʹа дӧа кьр: «Йа Хԝәдайе мьн Йаһоԝа, әм һаш пе тʹӧнә нә чь бькьн. Ԛәԝата мә нагижә кӧ пешбәри ԝан гәлә әскәра дәркʹәвьн. Гӧмана мә тʹәне тӧ йи, Хԝәдан».

Йаһоԝа дӧайе ԝан бьһист, у бь дәве ԛӧльхкʹарәки хԝә готә ԝан: «Әв шәрʹе ԝә нинә, әв шәрʹе Хԝәде йә. Дь ви шәрʹида һуне шәрʹ накьн, ле тʹәне бьсәкьньн у бьньһерʹьн чаԝа Йаһоԝа ԝе ԝә хьлаз кә».

Рʹожа дьне сьбәһ зу Йеһошәфат готә щьмәʹте: «Гӧмана ԝә бьра ль сәр Йаһоԝа бә!» Паше әԝи кʹӧламбеж пешийа әскәра да сәкьнандьне, сәва кӧ әԝана һьн рʹе һәрʹьн, һьн жи бь кʹӧламе наве Йаһоԝа рʹумәт кьн. Зани чь ԛәԝьми чахе әԝана незики мәйдана шәрʹкьрьне бун? Йаһоԝа ӧса кьр кӧ әскәред дьжмьна дәстпекьрьн һәврʹа шәрʹ бькьн, у һʹәта әскәред исраели гьһиштьнә щи, жь әскәред дьжмьна ԛә йәк жи сах нәма!

Әԝ кӧ Йеһошәфат гӧмана хԝә да сәр Йаһоԝа, бь рʹастийе жи гәлә билани бу! Ӧса нинә? Һәрге әм жи дьхԝазьн билан бьн, әм гәрәке гӧмана хԝә бьдьнә тʹәне сәр Йаһоԝа.

1 П’адшати 22:41-53; 2 Дирок 20:1-30.