Сәрһати 71

Хԝәде Щьнәте Соз Дьдә

ДӘРБӘКЕ Хԝәде щьнәте бәдәԝ нишани пʹехәмбәре хԝәйи Ишайарʹа кьрьбу. Дьбәк жи әԝ щьнәт һәма мина ви бахчәйи бу, кʹижани тӧ дь ви шькьлида дьвини. Ишайа паши мьрьна Уньс һатә буйине.

Чьԛас хас ә әв бахчә! Ӧса нинә? Ле те бира тә, кӧ шькьле ви щурʹәйи мә ида дитьбу? Бәле, әв шькьл мина бәхче Адәне йә йе кӧ Йаһоԝа дабу Адәм у Һеԝа. Ле гәло ԝәʹде ӧса ԝе бе, кӧ тʹәмамийа әʹрде бьбә щьнәт?

Йаһоԝа пʹехәмбәре хԝәйи Ишайарʹа готьбу, ԝәки әԝ дәрһәԛа щьнәта ну бьньвисә, йа кӧ зутьрке Хԝәде ԝе бьдә щьмәʹта хԝә. Хԝәде гот: «Гӧр ԝе тʹәви бәхька дь әʹдьлайийеда бьжин. Гольк тʹәви шере бьчʹук ԝе бьчʹерә, у зарʹ жи ԝе мьԛати ԝан бьн. Һәрге зарʹа бьчʹук незики мәʹра бьлизә, һәла һе ԝирʹа жи тʹӧ зийан ԝе тʹӧнә бә».

Ле гәләк дькарьн бежьн: «Әв йәк тʹӧ щар ԝе наԛәԝьмә. Кӧл-дәрдед дьнйайе тʹьме һәбун у һәр тʹьм жи ԝе һәбьн». Ле һәла дьшьрмиш бә, Йаһоԝа пешийе мала ча да Адәм у Һеԝа?

Хԝәде Адәм у Һеԝа дь щьнәтеда щиԝар кьр. Ле ԝана ӧнда кьр мала хԝәйә бәдәԝ, чьмки ԝана гӧрʹа Хԝәде нәкьр, у ахьрийе әԝана кал-пир бун у мьрьн. Ньһа Хԝәде соз дьдә, кӧ әԝ кʹи ԝи һʹәз бькә, ԝе пашда бьстинә ԝан һʹәму тьшта йе кӧ Адәм у Һеԝа ӧнда кьрьн.

Дь щьнәтеда, йе кӧ ида незик ә, кӧл у дәрд ԝе тʹӧнә бьн. Нав тʹәмамийа дьнйайе ԝе әʹдьлайи һәбә. Һʹәму мәри ԝе сьһʹәт-ԛәԝат у бәхтәԝар бьн. Һʹәму тьшт ԝе һәма ӧса бә, ча Хԝәде сәре-сәрида дьхԝәст. Паше әме пебьһʹәсьн ча Хԝәде ван нета ԝе бинә сәри.

Ишайа 11:6-9; Ә’йанти 21:3, 4.