Сәрһати 98

Ль Чʹийайе Зәйтʹуне

НЬҺА Иса ль сәр чʹийайе Зәйтʹуне рʹуньштийә, у чар шагьртед ԝи жи кʹеләка ԝи нә. Навед ԝан: Әндраԝьс, Пәтрус, Аԛуб у Йуһʹәнна йә. Пешийа ԝан, жь дурва пʹарьстгәһе Хԝәде ль Оршәлиме те кʹьвше.

Паши ԝе йәке ча Иса ль сәр щәʹшьке кʹәтә Оршәлиме, ԝәкә дӧ рʹож дәрбаз бун. Ньһа рʹожа сешәме йә. Сьбәһ зу Иса дьчә ль пʹарьстгәһе. Ль вьр һьнә кʹәшиша дьхԝәстьн Иса бьгьртана у бькӧштана. Ле чьмки щьмәʹт Иса гәлә һʹәз дькьр, кʹәшиш дьтьрсийан ве йәке бькьрана.

Ԝи чахи Иса сәрԝеред кʹьништарʹа гьлийед ӧса гот: «Һун мәʹрно у чʹежькед мәʹра!» Иса ӧса жи гот кӧ Хԝәде сәва шьхӧлед ԝанә хьрав ԝе щәза ԝан бинә. Паше Иса жь ԝьр ль чʹийайе Зәйтʹуне һьлкʹьшийа, у ль вьр чар шагьртед ԝи пьрс данә Иса. Зани әԝана чь жь Иса пьрс кьрьн?

Шагьрт дәрһәԛа ахьрийе жь Иса пьрс дькьн. Әԝана заньн кӧ ахьрийе Иса һʹәму нәһәԛи у хьрави жь әʹрде ԝе рәʹт кә. Ләма жи әԝана дьхԝазьн пебьһʹәсьн әв йәк ԝе кʹәнге бьбә? У кʹәнге Иса ԝе вәгәрʹә, ԝәки ча Пʹадша ль сәр әʹрде сәрԝерти бькә?

Ле Иса заньбу кӧ шагьртед ԝи ԝе нькарьбьн һатьна ԝи бьвиньн, чьмки Иса гәрәке жь әʹзмана сәрԝерти бькә, у шагьрт ль әʹзмана ԝе нькарьбьн ԝи бьвиньн. Ләма жи Иса һьнә нишан ԝанарʹа гьли кьр, ԝәки әԝана һатьна ԝи те дәрхьн. Иса гьли кьр, ԝәки чахе әԝ дәстпекә жь әʹзмана сәрԝерти кә, ль сәр әʹрде ԝе чь бьԛәԝьмьн. Ԝәрә әм пебьһʹәсьн әв нишан чь бун.

Иса гьли дькә кӧ шәрʹед мәзьн ԝе дәстпебьн, һʹәчʹи зәʹф жь мәрийа нәхԝәш кʹәвьн у бьрʹчи бьминьн, һьн жи әʹрд бь зӧлмийе ԝе тʹьжә бә у һʹәму щийа әʹрдһʹәже мәзьн ԝе бьбьн. Ӧса жи Иса гот кӧ Мьзгинийа Пʹадшатийе ԝе ль нав тʹәмамийа дьнйайе бе даннасинкьрьне. Ле ча тӧ тʹәхмин дьки әв йәк рʹожа иройин дьԛәԝьмьн? Бәле, ашкәрә дьԛәԝьмьн! Бь ве йәке әм дькарьн гӧман бьн, кӧ Иса ида ль сәр әʹзмана ча пʹадша пʹадшати дькә. Зутьрке Иса ԝе хьлазийа һʹәму зӧлмийе у хьравийе бинә.

Мәтта 21:46; 23:1-39; 24:1-14; Марԛос 13:3-10.