Сәрһати 97

Иса Ча Пʹадша Дькʹәвә Оршәлиме

ПАШИ ԝе йәке ча Иса дӧ мәрьве кор ԛәнщ кьр, әԝ чу гӧндәки незики Оршәлиме у готә шагьртед хԝә: «Һәрʹьнә ԝи гӧнди у һуне бәр кʹәрәкә гьредайи щәʹшьк бьбиньн. Ван кʹәра вәкьн биньнә щәм мьн».

Гава ԝана щәʹшьк анин щәм Иса, әԝ ль сәр щәʹшьке сийар бу у чу һʹәта Оршәлиме. Гава әԝ незики Оршәлиме бу әʹлаләтәкә гьран рʹасти ԝи һат. Гәләкә жь ԝан кʹьнщед хԝә ль сәр рʹе рʹахьстьн. Йед дьн жи, чʹьԛьлед хӧрма бьрʹин, ль сәр рʹе рʹадьхьстьн у һьн жи бь дәнге бьльнд дьготьн: «Бьмбарәк ә пʹадша кӧ бь наве Йаһоԝа те!»

Бәре дь Исраеледа әʹдәтәки ӧса һәбу, кӧ пʹадше тʹәзә гәрәке ль сәр щәʹшьке бькʹәта Оршәлиме, ԝәки хԝә нишани щьмәʹте кә. Иса һәма ӧса жи кьр. У щьмәʹт жи әʹйан дькә кӧ дхԝазә ԝәки Иса бьбә пʹадше ԝан. Ле һәбун мәрьвед ӧса йе кӧ нәдьхԝәстьн кӧ Иса бьбә пʹадша. Ԝәрә әм бьньһерʹьн дь пʹарьстгәһеда чь ԛәԝьми.

Дь пʹарьстгәһеда Иса мәрийед сәԛәт у кор ԛәнщ дькьр. Гава зарʹед бьчʹук әв йәк дитьн дәстпекьрьн Иса рʹумәт кьн. Жь бо ве йәке кʹаһин гәлә һерс кʹәтьн у готьнә Иса: «Тӧ дьбьһейи әв зарʹ чь дьбежьн?»

«Бәле». Иса ԝанарʹа гот. «Ԝә ԛә нәхԝәндийә кӧ дь Кʹьтеба Пирозда чь ньвисийә: ‹Хԝәде ԝе бь дәве зарʹа бьчʹук пәсьндайин бинә сәри?›» Ләма зарʹ диса жи пʹадше Хԝәде рʹумәт дькьрьн.

Әм жи дьхԝазьн мина ван зарʹа бьн, ӧса нинә? Һьнә жь мәрийа дьхԝазьн мә бьдьнә сәкьнандьне ԝәки әм дәрһәԛа пʹадшатийа Хԝәде хәбәр надьн. Ле кʹа әм диса жи гьли кьн мәрийарʹа дәрһәԛа кʹәрәмәта йе кӧ Иса ԝе зутьрке бькә, у хәвәрдана хԝә тʹәрк надьн.

Ньһа Иса һе ль сәр әʹрде йә, у ԝәʹдә һе нәгьһиштийа кӧ әԝ ча пʹадша сәрԝерти бькә. Ле гәло әв ԝәʹдә ԝе кʹәнге бе? Шагьртед Иса жи дьхԝәстьн ве йәке пебьһʹәсьн. Дәрһәԛа ве йәке әме дь сәрһатийа майинда бьхуньн.

Мәтта 21:1-17; Йуһ’әнна 12:12-16.