Сәрһати 114

Кʹотасийа Һʹәму Зӧлмийе

ҺӘЛА дина хԝә бьдә ви шькьли! Тӧ ван әскәра ль сәр һәспед боз дьвини? Бьньһерʹә кӧ әв һәсп кʹидәре банздьдьн. Бәле, әԝана ль әʹзмана сәр әʹԝра банздьдьн. Гәло әв чь һәсп ьн?

Әм заньн кӧ бь рʹастийе һәсп нькарьн ль сәр әʹзмана банздьн. Ле Кʹьтеба Пироз һәма дәрһәԛа һәспед ӧса гьли дькә, йе кӧ жь әʹзмана дьһатьн. Ле гәло чьрʹа?

Бәре һәспа сәва шәрʹкьрьне дьдан хәвате. Чьмки Кʹьтеба Пироз гьли дькә кӧ зутьрке Хԝәде ԝе тʹәви мәрьва шәрʹ бькә, ләма жи әв һәсп жь әʹзмана пәйа дьбун. Кʹьтеба Пироз дьвежә кӧ наве ви шәрʹи Һармәгәдон ә? зутьрке дь ви шәрʹида Хԝәде ԝе ԛьрʹа һʹәму зӧлмийе бинә.

Шәрʹа Һармәгәдоне бь сәркʹартийа Иса ԝе дәрбаз бә. Те бира тә, кӧ Йаһоԝа хԝәха ԝи кьрә пʹадша дь пʹадшатийа хԝәда. Ләма жи дина хԝә бьдә кӧ тʹаще пʹадша ль сәр сәре Иса йә, у шуре ԝи жи мәрʹа әʹйан дькә, кӧ әԝ ԝе ԛьрʹа һʹәму дьжмьнед Хԝәде бинә. Ле тәрʹа те баԝәр кьрьне кӧ Хԝәде рʹасти жи ԛьрʹа һʹәму мәрьвед зӧльм ԝе бинә?

Һәла кʹьтеба хԝә ль сәр сәрһатийа 10 вәкә. Ль вьр тӧ чь дьвини? Бь Селава Дьнйайе һʹәму мәрьвед хьрав һатьн ԛьрʹ кьрьне. Ле кʹи Селав ани сәр әʹрде? Бәле, Хԝәде Йаһоԝа. Ньһа дина хԝә бьдә сәрһатийа 15. Ль вьр тӧ чь дьвини? Йаһоԝа ԛьрʹа шәһәра Содом у Гомора бь агьре ани.

Вәкә сәрһатийе 33-йа. Дьвини чь һатә сәре һәспед у әʹрәбайед Мьсьрийа. Кʹи ӧса кьр кӧ ава бәʹре ль сәр ԝан жорда бе хԝәре? Бәле, әв жи Йаһоԝа кьр. Бь ве йәке Йаһоԝа щьмәʹта хԝә хьлаз кьр. Ле ньһа ԝәкә сәрһатийа 76 у дина хԝә бьдә кӧ Йаһоԝа һәла һе щьмәʹта хԝәйә исраели жи да ԛьрʹкьрьне, сәва нәһәԛийед ԝан у шьхӧлед ԝанә хьрав.

Ләма жи әм гәрәке дӧдьли нәбьн кӧ зутьрке Йаһоԝа ԝе әскәред хԝәйә әʹзмана бьшинә ль сәр әʹрде, сәва кӧ тʹәмамийа зӧлмийе бьдә ԛьрʹкьрьне. Тӧ тʹәне бьдә һʹәсаве хԝә әв чь те һʹәсаве! Ԝәрә әм вәкьн сәрһатийа 115 у пебьһʹәсьн.

Әʹйанти 16:15, 16; 19:10-16.