ПʹАРА 8
Пʹехәмбәртийед Кʹьтеба Пироз тенә сәри
Дь Кʹьтеба Пирозда нә кӧ тʹәне дәрһәԛа зәманед бәре тенә гьликьрьне, ле ӧса жи дәрһәԛа ахьрийе. Тʹӧ кәс жь мәрьва нькарә пешда бежә чь ԝе ахьрийе бьԛәԝьмә. Ләма жи әм сәд сәләф заньн, кӧ Кʹьтеба Пироз хәбәра Хԝәде йә. Ле гәло Кʹьтеба Пироз дәрһәԛа ахьрийе чь дьвежә?
Дь Кʹьтеба Пирозда те гьликьрьне дәрһәԛа шәрʹа мәзьн, ԝәʹде кʹижани Хԝәде ԝе тʹәмамийа әʹрде жь мәрийед зӧлм у жь нәһәԛийе тʹәмьз кә. Ле әԝ кʹи ԝирʹа ԛӧльх дькьн, ԝе хьлаз бьн. Пʹадшайе кӧ Хԝәде кʹьвш кьрийә, демәк Иса Мәсиһ, ԝе ӧса бькә ԝәки ԛӧльхкʹаред Хԝәде дь әʹдьлайийеда у бәхтәԝарийеда бьжин, у тʹӧ щар нәхԝәш нәкʹәвьн у нәмьрьн.
Чьԛас әм ша нә кӧ Хԝәде әʹрд ԝе пашда бькә щьнәт, ӧса нинә? Ле һәрге әм дьхԝазьн дь щьнәтеда бьжин, әм лазьмә тьштәки бькьн. Жь сәрһатийа пашьн әме пебьһʹәсьн, һәла әм чь гәрәке бькьн, ԝәки кʹәрәмәтед кӧ Хԝәде сәва ԛӧльхкʹаред хԝә һазьр дькә, бьгьһижьнә пʹара мә жи. Дә ԝәки ӧса нә, бьхунә пʹара ҺӘЙШТА у пебьһʹәсә һәла Кʹьтеба Пироз дәрһәԛа ахьрийе чь дьвежә.