ПʹАРА 2
Щьнәта Ӧндакьри
Мәләкәки рʹабәр Адәм у Һеԝайе һелан дькә, ԝәки әԝана сәрԝертийа Хԝәде инкʹар кьн. Паши ве йәке, гӧнә у мьрьн дәрбази инсанәте дьбә
ГӘЛӘК ԝәʹдә пешийа ԝе йәке кӧ мәри бьһатана әʹфьрандьне, Хԝәде гәләк мәләк әʹфьрандьн, йед кӧ рʹӧһʹ ьн у найенә дитьне. Бахче Еденеда мәләкәки рʹабәр кӧ һатә навкьрьне Шәйтʹан Мире-щьна, бь мьхәнәти Һеԝа һелан кьр, ԝәки әԝ бәре дара ԛәдәхәкьри бьхԝә.
Мире-щьна пе мәʹр хәбәр да у гот, ԝәки Хԝәде тьштәки баш жь ԝана вәдьшерә. Әв мәләке мьԛабьл готә Һеԝайе, кӧ һәрге әԝана жь дара ԛәдәхәкьри бьхԝьн ԝе нәмьрьн. Бь ве йәке Шәйтʹан Мире-щьна бӧхдан авитә Хԝәде, ԝәки әԝ мәрийа дьхапинә. Мире-щьна ӧса да кʹьфше, кӧ һәрге Адәм у Һеԝа гӧрʹа Хԝәде нәкьн, әв йәк ԝе рʹийа ԝан вәкә, ԝәки бьстиньн занәбуна мәхсус у азабуне. Ле әв дәрәԝ бу, дәрәԝийа пешьн сәр рʹуйе әʹрде. Бь рʹасти хәбәрдан дьчу дәрһәԛа изьна Хԝәде кӧ сәрԝертийе бькә, демәк дәрһәԛа сәрԝертийа ԝийә һьмзор, у ӧса жи дәрһәԛа ԝе йәке, кӧ һәла әԝ сәрԝертийа хԝә рʹаст у сәва кʹара бьнәлийед хԝә дьдә хәбате йан на.
Һеԝайе дәрәԝийа Мире-щьна баԝәр кьр. У һʹәԝаса ԝе әви бәрирʹа ӧса һат, кӧ әԝе һьлда у хԝар. Паше да мере хԝә у әԝи жи хԝар. Ӧса ԝана гӧнә кьр. Бь кьред хԝәйи ӧса Адәм у Һеԝа мьԛабьли Хԝәде дәркʹәтьн. Ԝана рʹьнд заньбу тʹәмийа Хԝәде, ле йәкә хԝәха сәрԝертийа Әʹфьрандаре хԝә инкʹар кьрьн, кʹижани кӧ һʹәму тьшт у ӧса жи әʹмьре беԛьсур, дабу ԝан.
Зӧрʹәт ԝе «сәре тә бьһʹьнщьрʹинә у те жи пәʹнийа ԝе бьгәзи» (Дәстпебун 3:15, ПКʹМ).
Хԝәде ӧса кьр ԝәки Адәм у Һеԝайа рʹабәр, щаба кьред хԝә бьдьн. Хԝәде соз да кӧ ԝәʹдә дәрбаз бә у кәсәк гәрәке бе, йе кӧ ԝе мәрийа хьлаз кә у ԛьрʹа Мире-щьна жи бинә. Йаһоԝа мьрьна Адәм у Һеԝайе паш хьст, у бь ве йәке әԝи һьндава зӧрʹәтед ԝан кӧ һе нәһатьбун буйине, рʹәʹмти нишан кьр. Демәк, Хԝәде дьхԝәст Хьлазкʹарәки бьшинә кӧ ԝе мә жь ԝан бәла у хәма хьлаз кә, йед кӧ жь бо гӧне Адәм у Һеԝайе дәстпебун, у ԝәки гӧмана мә һәбә. Гәло Хԝәде чаԝа ԛьрара хԝә дәрһәԛа Хьлазкʹаре создайи гәрәке бьанийа сери? У кʹи бә әв Хьлазкʹаре создайи? Әв йәк һеди-һеди ԝәʹде ньвисандьна Кʹьтеба Пироз дьһатә әʹйанкьрьне.
Хԝәде бәри Адәм у Һеԝайе да, жь щьнәте ԝана дәрхьст, әԝана гәләк дьчәрчьрин у гәләк щәфа дькʹьшандьн сәва пәʹри нан. Паше Һеԝа һʹәмлә дәркʹәт у зарʹа хԝәйә пешьн ани. Наве ԝи Ԛайин бу. Ԝәʹдә шунда Адәм у Һеԝайерʹа зарʹед дьн жи һатьн буйине, навед ԝан Һабил у Сет бу, йе кӧ кал-баве Нӧһ бу.
—Сәр һʹиме кʹьтебед Дәстпебун сәре 3 һʹәта 5; Әʹйанти 12:9.