Кʹи йә Хwәдайе рʹаст?

1. Чьрʹа әм гәрәке Хwәдерʹа qӧльх кьн?

Хwәдайе рʹаст әw ә, кʹи кӧ һʹәму тьшт әʹфьрандийә. Дәстпебун у хьлазбуна wи тʹӧнә йә (Зәбур 90:2). Хwәде һәйә канийа wан мьзгинийа, йед кӧ дь Кʹьтеба Пирозда ньвисар ьн (1 Тимотʹейо 1:11). Әwи әʹмьр дайә мә, ләма жи әм гәрәке тʹәне wирʹа qӧльх кьн. Бьхунә Әʹйанти 4:11.

2. Хwәде йәки ча нә?

Тʹӧ кәси жь мәрийа Хwәде нәдитийә, чьмки Хwәде рʹӧһʹ ә у әw найе дитьне. Әв те һʹәсабе, кӧ щурʹе әʹмьре Хwәде жь щурʹе әʹмьре мәрьва бьльндтьр ә (Йуһʹәнна 1:18; 4:24). Ле йәкә әм дькарьн һʹӧнӧред Хwәде жь әʹфьрандьнед wи бьбиньн у wи нас кьн. Мәсәлә, щурʹә-щурʹә кӧлирк у емиш, һʹәзкьрьн у биланийа Хwәде дьдьнә кʹьфше. Чапед әʹрд у әʹзман жи qәwата Хwәде әʹйан дькьн. Бьхунә Рʹомайи 1:20.

Һе зәʹф дәрһәqа Хwәде әм дькарьн пебьһʹәсьн жь хwәндьна Кʹьтеба Пироз. Мәсәлә wе дәре те готьне, кӧ чь Хwәде хwәш те у чь на, ӧса жи те гьликьрьне кӧ әw тʹәви мәрьва ча нә у чахе мәри qәнщи йан жи хьрабийе дькьн әw чь дькә. Бьхунә Зәбур 103:7-10.

3. Гәло наве Хwәде һәйә?

Иса Мәсиһ гот: «Баве мәйи әʹзмана! Наве тә пироз бә» (Мәтта 6:9). Рʹаст ә сәрнавед Хwәде гәләк һәнә, ле тʹәне навәки wи һәйә. Дь һәр зьманәкида, наве Хwәде щурʹәки те готьне. Мәсәлә ль сәр зьмане кӧрманщи, те готьне «Йаһоwа» йан жи «Йаһwәһ». Бьхунә Дәркʹәтьн 3:15 (спартьн).

Дь гәлә wәлгәрʹандьнед Кʹьтеба Пирозда, наве Хwәде дәрхьстьнә у дәwсе сәрнавәки дьн ньвисинә, мәсәлә Хwәде йан Хӧдан. Ле дь Кʹьтеба Пирозә орижиналеда, әв нав wәкә 7 000 щар һатийә ньвисаре. Чахе Иса Мәсиһ дәрһәqа Хwәде мәри һин дькьрьн, әwи тʹьме наве Хwәде мәрийарʹа әʹйан дькьр. Бьхунә Йуһʹәнна 17:26.

Видео: Гәло Наве Хwәде Һәйә?

4. Гәло Хwәде мә һʹәз дькә?

Әw йәк кӧ дәр-доре мә һаqас зӧлми у нәһәqи һәнә, те һʹәсабе, кӧ Хwәде бона мә хәм накә? Һьнәк дьшьрмиш дьбьн, кӧ Хwәде мә дьдә щәфе, сәва кӧ мә бьщерʹьбинә. Ле әв йәк нәрʹаст ә. Бьхунә Аqуб 1:13.

Хwәде мәри хәлат кьрийә бь qәдьрәки мәзьн, бь азайа бьжартьне. Әм гәрәке бьшекьриньн азабуна хwә, кӧ әм дькарьн хwәха бьжберьн Хwәдерʹа qӧльх кьн (Йешуа 24:15). Ле һʹәчʹи зәʹф жь мәрийа дьжберьн хьрабийе бькьн, ләма жи иро нәһәqи һаqас зедә дьбә. Чахе Хwәде һаqас нәһәqи у зӧлмийе дьбинә, дьле wи дешә. Бьхунә Дәстпебун 6:5, 6.

Йаһоwа Хwәде бона мә хәм дькә. Әw дьхwазә, wәки әм бәхтәwар бьн у дь әʹмьре хwәда ләзәте бьбиньн. Хwәде зутьрәке һʹәму зӧлма у wан кʹи кӧ ве йәке дькә, wе кʹӧта кә. Йаһоwа Хwәде wәʹдәлу дьһелә кӧ нәһәqи бьqәwьмьн чьмки, мәʹнийа ве йәке һәйә. Дәрһәqа ве мәʹнийе әме дь сәре 8-да пебьһʹәсьн. Бьхунә 2 Пәтрус 2:9; 3:7, 13.

5. Ча әм дькарьн незики Хwәде бьн?

Йаһоwа Хwәде мә тʹәглиф дькә, wәки әм незики wи бьн, демәк бь дӧакьрьне тʹәви wи хәбәр дьн. Әw дәрһәqа мә һәр кәси башqә дьшьрмиш дьбә (Зәбур 65:2; 145:18). Әw һазьр ә, бьбахшинә мә. Щарна бал мә найе стандьне, wәки әм ӧса бькьн ча Хwәде дьхwазә, ле әw тʹьме дьбинә һʹәму шьхӧлед мә, йед кӧ әм дькьн сәва кӧ wи ша кьн. Рʹаст ә әм мәрьвед гӧнәкʹар ьн, ле бь рʹастийе әм дькарьн незики Хwәде бьн у һәләqәтийа хwә тʹәви wи хwәйи кьн. Бьхунә Зәбур 103:12-14; Аqуб 4:8.

Йаһоwа әʹмьр дайә мә, ләма жи әм гәрәке гьшка зәʹфтьр wи һʹәз бькьн (Марqос 12:30). Һәгәр тӧ һе зедә пебьһʹәси дәрһәqа Йаһоwа Хwәде, у ча әw дьхwазә ӧса бьки, бь ве йәке тӧйе һʹәзкьрьна хwә дь һьндава Хwәдеда нишан ки, у һе незики wи би. Бьхунә 1 Тимотʹейо 2:4; 1 Йуһʹәнна 5:3.