Мьзгинийа кö Тәрʹа Һʹәwас бә Бьзаньби

Кәсәки qә щарәке тәрʹа тьштәки öса готийә, wәки тʹö кәсирʹа нәбежи?~a Мәсәлә дь Кʹьтеба Пирозда жи те готьне, кö щарәке Хwәде тьштәки öса гот, дәрһәqа чь жи тʹö кәс ньзаньбу. Һәла һе мьлйакʹәта жи дьхwәстьн һе зедә дәрһәqа ве йәке пебьһʹәсьн. Әв мьзгини бу. Ле тö дьхwази бьзаньби әв чь мьзгини бу?~

Wәʹде бәре Хwәде мер у жьна пешьн әʹфьрандьн. Наве wан Адәм у Һеwа бу. Хwәде маләкә бәдәw да wан, йе кö бахче Адәне дьһатә навкьрьне. Һәрге Адәм у Һеwа гöрʹа Хwәде бькьрана, һьнге әwана у зарʹед wан wе бькарьбуна әʹрд педа бькьрана щьнәт. У дь Щьнәтеда wе һʹәта-һʹәтайе бьжитана. Ле те бира тә Адәм у Һеwа чь кьрьн?~

Адәм у Һеwа гöрʹа Хwәде нәкьрьн, ләма жи әм иро дь щьнәтеда ль сәр әʹрде нажин. Ле Хwәде гот кö әw wе әʹрде педа бәдәw кә, у һәр кәс wе һʹәта-һʹәтайе бьжи у бәхтәwар бә. Гәло Хwәде wе ча әве йәке бькә? Гәләк wәхт мәрьв әв йәк ньзаньбун. Чьмки әв йәк wанарʹа әʹйан нибу.

Чахе Иса һат ль сәр әʹрде, дәрһәqа ве мьзгинийе әwи гәләк тьшт мәрийарʹа гьли дькьр. Әwи wанарʹа гот, кö әв мьзгини дәрһәqа Пʹадшатийа Хwәде бу. Иса wанарʹа дьгот кö дöа бькьн, wәки әв Пʹадшати бе. Чьмки әв Пʹадшати әʹрд wе бькә щьнәт.

Гава тö дәрһәqа ве мьзгинийе пеһʹәсийайи, әв тә хwәш һат?~ Бира хwәда хwәй кә, wәки тʹәне әw мәрьв wе дь Щьнәтеда бьжин, йед кö гöрʹа Йаһоwа дькьн. Кʹьтеба Пироз мәрʹа гәләк сәрһатийа гьли дькә дәрһәqа wан жьн у мера, йед кö гöрʹа Йаһоwа дькьрьн. Тö дьхwази дәрһәqа wан пебьһʹәси?~ Wәре әм дәрһәqа һьнәка жь ван пебьһʹәсьн, у бьзаньбьн кö чаwа әм дькарьн чʹәʹв бьдьнә wан.