Жьна Лут Биньн Бира Хԝә

Лут тʹәви апе хԝә Бьраһим, сәр әʹрде Кәнане дьжит. Ахьрийеда пʹәз-дәԝаред Бьраһим у Лут ӧса зедә бун, ԝәки щи тʹера ԝан нәдькьр. Бьраһим готә Лут: «Щийе мә тʹәнг буйә у тʹера мә накә. Жь кʹәрәма хԝә хԝәрʹа дәштәке бьжберә, кʹи алида тʹӧ дьхԝази, һәрʹә, ле әзе жи алийе дьнда һәрʹьм». Чаԝа те кʹьфше ԝе йәкеда Бьраһим кʹара хԝә нәдьгәрʹийа!

Лут дина хԝә дайе у незики шәһәре Содоме әʹрдәки бәдәԝ дит, кʹидәреда кани дькʹьшийан у тʹьжә шинкайи һәбу. Әԝи нәфәре хԝә һьлда у дәрбази ԝедәре бу.

Щьмәʹта Содоме у шәһәре незики ԝи Гоморайе, гәләк хьраб бун. Мәрьвед ԝан шәһәра ӧса хьраб бун, ԝәки Йaһоԝа сафи кьр ԛьрʹа ԝан бинә. Ле Хԝәде дьхԝәст Лут у малбәта ԝи хьлаз кә, ләма жи әԝи дӧ мәләк шанд, ԝәки бежьнә ԝи: «Зу бькә! Рʹабә жь ԝи шәһәри дәре! Йaһоԝа дьхԝазә ԛьрʹа ԝан шәһәра бинә».

Лут ләз нәкʹәт, ԝәки перʹа-перʹа жь шәһәр дәре. Ләма жи мәләк дәсте Лут, жьна ԝи у дӧ ԛизед ԝи гьртьн у ләзә-ләз жь шәһәр дәрхьстьн у готьнә ԝан: «Бьрʹәвьн! Хԝә хьлаз кьн у пәй хԝә нәньһерʹьн. Һәрге һун пәй хԝә бьньһерʹьн, һуне бьмьрьн!»

Чахе әԝана гьһиштьнә шәһәре Соһар, Йaһоԝа агьр у кʹьркʹут жь әʹзман баранд сәр Содом у Гоморайе. Әԝ дӧ шәһәр һатьнә кʹӧтакьрьне. Ле жьна Лут гӧрʹа Йaһоԝа нәкьр у зьвьрʹи, ԝе дәме әԝ бу стуна хԝе! Ле Лут у ԛизед ԝи һатьнә хԝәйкьрьне, чьмки гӧрʹа Йaһоԝа кьрьн. Рʹаст ә, кьред жьна Лут дьле малбәта ԝе ешанд, ле әԝана ша дьбун, ԝәки ԝана гӧрʹа Йaһоԝа кьр.