«Жьна Лут Биньн Бира Хwә»

Чьма жьна Лут пьш хwәва зьвьри чахе жь Содоме дьрʹәвийа? Кʹьтеба Пироз щаба ве пьрсе надә (Дсп. 19:17, 26). Ле жь гьлийед Иса һатә кʹьфше, кö дьqәwьмә әw һьзрәта wан тьшта бу, чь кö пьшт хwәва һиштьбу (Лq. 17:31, 32). Әм чь гәрәке бькьн, кö qәбулкьрьна Хwәде wәк жьна Лут, öнда нәкьн? Әм гәрәке нәһельн, кö тьштед материали жийина мәда щийе пешьн бьгьрьн (Мт. 6:33). Иса дьгот, кö «тʹö кәс нькарә дö ахар′а хöламтийе бькә» демәк һьм Хwәдерʹа һьм жи һʹәбукерʹа (Мт. 6:24). Ле чь бькьн һәрге мә дина хwә да, кö тьштед материали, wәʹде мә жь тьштед рʹöһʹани дьстиньн? Әм гәрәке Йаһоwарʹа дöа бькьн, wәки сәрwахтийе бьдә мә, кö әм бьвиньн, чьда гәрәке бенә гöһастьне. Öса жи әм гәрәке дöа бькьн кö Йаһоwа мерхасийе у qәwате бьдә мә, wәки бькарьбьн әwан гöһастьна нав хwәда бькьн.

БЬКЬНӘ БИРА ХWӘ ВИДЕОЙА ЖЬ СЕ ПʹАРА «ЖЬНА ЛУТ БИНЬН БИРА ХWӘ», У ПАШЕ ЩАБА WАН ПЬРСА БЬДЬН:

• 

  Чаwа хwәстьна Глорйайе кö гәләк пʹәра чекә, һʹöкöм дькьр ль сәр фькьр, хәбәрдан у кьред wе?

• Чьда жьна Лут, мәсәләки баш ә бона мә?

• Чаwа хәбьтандьна принсипед Кʹьтеба Пироз, али Щон у малбәта wи кьрьн?

• Чаwа һәвалед Аннайе, йед сәр хәбате, ль сәр рʹöһʹанийа wе һʹöкöм дькьрьн?

• Чьма мәрʹа мерхаси лазьм ә, гава мә һелан дькьн кö жийина хwәда, пʹәра ль сәр щийе пешьн дайньн?

• Чаwа Брайин у Глорйа, диса тьштед рʹöһʹани дь жийина хwәда ль сәр щийе пешьн данин?

• Дь ве видеойеда кʹижан принсипед Кʹьтеба Пироз һатьбун хәбьтандьне?