Иса Кʹи йә?

Тʹәрихийеда Иса йәк жь мәрьвед лапи навдар бу. Гәләк мәрьв наве ԝи заньн, ле дәрһәԛа ԝи гәләк тьшт ньзаньн. Ле занәбуна гәләка жь һәв щӧдә дьбә дәрһәԛа ве йәке, кӧ бь рʹасти Иса кʹи йә. Ле Кʹьтеба Пирозда чь те готьне дәрһәԛа ԝи?

1. Иса кʹи йә?

Иса мәләкәки гәләк ԛәԝи йә. Жь әʹфринед Йаһоԝа, йе пешьн Иса йә. Ләма жи сәр Иса те готьне «Ньхӧрийе . . . сәр һʹәму әʹфьринарʹа» (Колоси 1:15). Кʹьтеба Пироз Иса нав дькә «Кӧрʹе . . . тайе тʹәне», чьмки Йаһоԝа хԝәха Иса әʹфьрандийә (Йуһʹәнна 3:16). Ле һʹәму әʹфринед дьн, Йаһоԝа тʹәви Иса әʹфьрандийә (Бьхунә Мәтʹәлок 8:30.) Иса ньһа жи тʹәви Баве хԝә һәләԛәтийа незикда нә у жь ве йәке шабуне дьстинә. Әԝ бь амьни хьзмәт дькә ча хәбәрване Хԝәде, демәк «Хәбәр», йе кӧ мьзгини у рʹебәрийа ԝи әʹйан дькә (Йуһʹәнна 1:14).

2. Иса чьрʹа һатә сәр әʹрде?

Ԝәкә 2 000 сал пешда Йаһоԝа пе рʹӧһʹе хԝәйи пироз, бь щурʹе мәхсус әʹмьре Иса жь әʹзмен кьрә зьке ԛизәкә бькʹьр, наве кʹижане Мәрйәм бу. Ӧса Иса һатә буйине ча мәрьв (Бьхунә Луԛа 1:34, 35.) Йаһоԝа Иса шандә сәр әʹрде ча Мәсиһе создайи, сәва кӧ инсанәте хьлаз кә.a Һʹәму пʹехәмбәртийед дәрһәԛа Мәсиһ кʹижан Кʹьтеба Пирозда ньвисар ьн, сәр Иса һатьнә сәри. Әве йәке али мәрьва кьр, ԝәки тедәрхьн, кӧ бь рʹасти «Мәсиһ . . . Кӧрʹе Хԝәдейе сах» ә (Мәтта 16:16).

3. Ньһа Иса кʹидәре йә?

Чахе Иса мьр, Хԝәде әԝ жь мьрьне рʹакьр ча кәсе рʹӧһʹани у әԝ вәгәрʹийа ль әʹзмана. Ԝедәре «Хԝәде әԝ һе бьльнд кьр» (Филипи 2:9). Ньһа Иса мәләкәки гәләк ԛәԝи йә. Ԝи ԛәԝаттьр тʹәне Йаһоԝа йә.

4. Иса Хԝәдейе Һьмзор нинә

Рʹаст ә Кʹьтеба Пироз дьбежә кӧ Иса әʹфрине рʹӧһʹанийә ԛәԝат ә, ле әԝ гӧрʹа Баве хԝә Йаһоԝада нә. Вехә ВИДЕО у бьвинә Кʹьтеба Пирозда чь те готьне дәрһәԛа ԝе йәке, кӧ Иса чь щи дьгьрә у әԝ чьда жь Хԝәде щӧдә дьбә.

ВИДЕО: «Гәло Иса Хԝәде йә?» (3:22)

Рʹезед кӧ жере һатьнә дайине, али мә дькьн әм фәʹм кьн, кӧ Иса чьда жь Йаһоԝа щӧдә дьбә. Һәр рʹезәке бьхунә у паше щаба ван пьрса бьдә:

Бьхунә Луԛа 1:30-32.

• Мәләк ча фьрԛийа ортʹа Иса у Йаһоԝа Хԝәде «Йе Һәри Жорьн», да кʹьфше?

Бьхунә Мәтта 3:16, 17.

• Ԝәʹде ньхӧмандьна Иса, дәнге жь әʹзмана чь гот?

• Тӧ ча дьфькьри, әԝ дәнге кʹе бу?

Бьхунә Йуһʹәнна 14:28.

• Йе һәри мәзьн Кӧрʹ ә йан Бав ә? Һʹӧкӧмтийа кʹижани дьһа зәʹф ә?

• Иса Йаһоԝарʹа гот Баво. Әԝ йәк чь мә һин дькә?

Бьхунә Йуһʹәнна 12:49.

• Гәло Иса дьфькьри кӧ әԝ у Бав йәк ьн? Тӧ ча дьфькьри?

5. Чь избат дькә кӧ Иса һәйә Мәсиһ?

ВИДЕО: «Иса Пʹехәмбәртийе Тинә Сери» (3:03)

Бьхунә ԝан пʹехәмбәртийед Кʹьтеба Пироз, у паше ван пьрса шеԝьр кә:

Бьхунә Миха 5:2, ԝәки пебьһʹәси кӧ Иса кʹидәре гәрәке бьһата буйине.b

• Гәло әв пʹехәмбәрти һатә сери? (Мәтта 2:1).

Бьхунә Зәбур 34:20 у Зәкәрйа 12:10, ԝәки пебьһʹәси кӧ дәрһәԛа мьрьна Мәсиһ Кʹьтеба Пирозда чь һатьбу пʹехәмбәртикьрьне.

• Гәло әԝ пʹехәмбәрти һатьнә сери? (Йуһʹәнна 19:33-37).

• Ча тӧ дьфькьри, Иса дькарьбу һʹӧкӧм кьра сәр ве йәке, кӧ әԝ пʹехәмбәрти бьһатана сери?

• Әԝ йәк дәрһәԛа Иса чь тәрʹа избат дькә?

ТʹӘМАМКЬРЬН

Иса гәләк ԛәԝат ә. Әԝ Кӧрʹе Хԝәде йә у Мәсиһ ә.

Ԝәкʹьландьн

• Чьрʹа сәр Иса те готьне «Ньхӧрийе . . . сәр һʹәму әʹфьринарʹа»?

• Иса пешийа кӧ бьһата сәр әʹрде, чь дькьр?

• Әм жь кʹӧ заньн ԝәки Иса һәйә Мәсиһ?

ҺЕ ЗЕДӘ ПЕБЬҺʹӘСӘ

Һе зедә пебьһʹәсә кӧ әм жь кʹӧ заньн, ԝәки Иса һәйә Мәсиһ.

«Гәло Пʹехәмбәртийед Дәрһәԛа Мәсиһ ль сәр Иса Һатьнә Сери?» (Готара жь малпәре)

Жь Кʹьтеба Пироз пебьһʹәсә һәла Хԝәде ӧса буйә баве Иса, чаԝа кӧ мәрьв дьбьнә бав, йан на.

«Чьма сәр Иса те Готьне Кӧрʹе Хԝәде?» (Готара жь малпәре)

Пебьһʹәсә кӧ чьрʹа Сейәканә һинкьрьна жь Кʹьтеба Пироз нинә.

«Гәло Иса Хԝәде йә?» («Бьрща Ԛәрәԝьлийе», 1 Нисане, 2009)

Бьхунә кӧ ча әʹмьре кʹӧлфәтәке һатә гӧһастьне, гава әԝ пеһʹәсийа кӧ Кʹьтеба Пироз дәрһәԛа Иса чь һин дькә.

«Кʹӧлфәтәкә Ибрани Шьровәдькә кӧ Чьрʹа Әԝе Баԝәрийа Хԝә Леколин Кьр» («Һʹьшйар Бьн!», Гӧлан, 2013)