Гәло Һʹәму Щәжьн Хԝәде Хԝәш Тен?

Йаһоԝа дьхԝазә ԝәки әм жь жийине ләзәте бьвиньн у жь ԝәʹдәдәрбазкьрьна жи шабуне бьстиньн. Ле гәло һʹәму щурʹә ԝәʹдәдәрбазкьрьн Хԝәде хԝәш тен? У әм ча дькарьн ве пьрседа һʹьзкьрьна хԝә Йаһоԝарʹа бьдьнә кʹьфше?

1. Чьрʹа гәләк щәжьн Йаһоԝа хԝәш найен?

Дьбәкә тӧ әʹщебмайи бьмини чахе пебьһʹәси кӧ гәләк щәжьн сәр һʹиме Ньвисаред Пироз ниньн у религийа ԛәлпва гьредайи нә. Әԝ щәжьн дьбәкә сербазийева гьредайи бьн, йан жи сәр һʹиме ве һинкьрьне бьн, кӧ паши мьрьне рʹӧһʹе мәрьв бәрдәԝам дькә дьжи. Ле һьнә щәжьн сәр һʹиме һинкьрьнед ԛәлп ьн у баԝәрийа һьндава бәхтва гьредайи нә (Ишайа 65:11). Йаһоԝа хьзмәткʹаред хԝәрʹа дьбежә: «Жь нава ԝан дәрен, щӧдә бьн. Ль тьштед һʹәрам нәкʹәвьн» (2 Корьнтʹи 6:17).a

2. Йаһоԝа ча дьньһерʹә сәр ԝан щәжьна, кʹижан кӧ һӧрмәте дьдьнә мәрийа?

Йаһоԝа мәрʹа дьбежә ԝәки әм фәсал бьн у һӧрмәте нәдьнә мәрийа (Бьхунә Йерәмйа 17:5.) Мәсәлә, һьнә щәжьн сәрԝера йан жи әскәра һӧрмәт дькьн. Ле һьнә щәжьн жи һӧрмәте дьдьнә симболед мьләтийе у азайа ԝәлат (1 Йуһʹәнна 5:21). Һәнә щәжьнед ӧса жи, кʹижан кӧ политикайева у һьнә тʹәшкиләтава гьредайи нә, йед кӧ мәрьва саз кьрьнә. Йаһоԝа ԝе чь сәр хԝә тʹәхмин кә, һәрге әм һӧрмәте бьдьнә бәнда йан тʹәшкиләтәке, илаһи һәрге әԝана фькьред ӧса пешда тиньн, кʹижан кӧ мьԛабьли ԛьрара Хԝәде нә?

3. Жь бо чь һьнә щәжьн нәщайиз ьн?

Кʹьтеба Пироз «сәрхԝәши, кʹефкьрьна бь һарити, шәрабвәхԝарьна» беһʹәмде хԝә, сущдар дькә (1 Пәтрус 4:3). Сәр һьнә щәжьна мәрьв хԝә контрол накьн у тьштед нәщайиз дькьн. Ле әм гәрәке нав-намусийа хԝә тʹәмьз хԝәй кьн, сәва кӧ тʹӧ тьшт достийа мә тʹәви Йаһоԝа хьраб нәкә.

КʹУР ЛЕКОЛИН КӘ

4. Инкʹар кә щәжьнед ӧса, кʹижан кӧ Йаһоԝа беһӧрмәт дькьн

Бьхунә Әфәси 5:10, у паше ван пьрса шеԝьр кә:

• Әм гәрәке чьда баԝәр бьн, чахе сафи дькьн һәла щәжьне дәрбаз кьн йан на?

• Мьһала тәда кʹижан щәжьн бәлабуйи нә?

• Тӧ ча дьфькьри, әԝ щәжьн Йаһоԝа хԝәш тен йан на?

Мәсәлә, тӧ ԛә фькьрийи кӧ Хԝәде ча дьньһерʹә сәр щәжьна рʹожа буйине? Кʹьтеба Пирозда ԛә найе готьне, ԝәки кәсәк жь хьзмәткʹаред Йаһоԝа, рʹожа буйине дәрбаз дькьр. Ле дина хԝә дьдә рʹожед буйина ԝан дӧ мәрийа, кʹижан кӧ Йаһоԝарʹа хьзмәт нәдькьрьн. Бьхунә Дәстпебун 40:20-22 у Мәтта 14:6-10, у паше ван пьрса шеԝьр кә:

• Әԝ һәрд рʹожед буйине чьда мина һәв ьн?

• Ль гора ԝан дӧ сәрһатийа, Йаһоԝа ча дьньһерʹә сәр рʹожа буйине?

Дьԛәԝьмә тӧ дьфькьри: «Гәло бона Йаһоԝа йәк ә кӧ әз рʹожа буйине у щәжьнед нә сәр һʹиме Ньвисаред Пироз, дәрбаз дькьм йан на?» Бьхунә Дәркʹәтьн 32:1-8, паше вехә ВИДЕО, у ван пьрса шеԝьр кә:

ВИДЕО: «Щәжьнед кӧ Хԝәде Хԝәш Найен» (5:07)

• Чьрʹа әм гәрәке бьзаньбьн, кӧ Йаһоԝа чь ԛәбул дькә у чь на?

• Ча әм дькарьн әве йәке бьзаньбьн?

Әм ча дькарьн пебьһʹәсьн һәла щәжьн Хԝәде хԝәш те йан на?

• Гәло әв щәжьн сәр һʹиме Ньвисаред Пироз ә? Сәва кӧ щаба ве пьрсе бьстини, һʹиме ве щәжьне леколин кә.

• Гәло әв щәжьн һӧрмәте дьдә мәрьва, тʹәшкиләта йан симболед мьләтийе? Бәри пешьн әм һӧрмәте дьдьнә Йаһоԝа у баԝәр дькьн, кӧ тʹәне әԝ дькарә проблемед инсанәте сафи кә.

• Гәло әʹдәт у кьред ве щәжьне мьԛабьли Кʹьтеба Пироз ьн йан на? Әм гәрәке һʹәму алийада тʹәмьз бьминьн.

5. Бь мәʹрифәт бә ԝәки мәрьв ԛәдьре баԝәрийа тә бьгьрьн

ВИДЕО: «Бь Мәʹрифәти Дәрһәԛа Баԝәрийа Хԝә Шьровәкә» (2:01)

Бьхунә Мәтта 7:12, у паше ван пьрса шеԝьр кә:

• Ль гора ве рʹезе, гәло тӧ гәрәке нәфәред хԝәрʹа бежи, ԝәки кʹижан щәжьне изьна ԝан тʹӧнә дәрбаз кьн?

• Тӧ ча дькари нәфәред хԝә бьди баԝәркьрьне, ԝәки рʹаст ә тӧ ԝан щәжьна дәрбаз наки, ле әԝ найе һʹәсабе кӧ тӧ ԝана һʹьз наки у ԛимәт наки?

6. Йаһоԝа дьхԝазә әм бәхтәԝар бьн

Йаһоԝа дьхԝазә ԝәки әм тʹәви малбәт у һәвалед хԝә ԝәʹдә дәрбаз кьн у шабуне бьстиньн. Бьхунә Ԝаиз 8:15, у паше әве пьрсе шеԝьр кә:

• Әв рʹез ча дьдә кʹьфше, кӧ Йаһоԝа дьхԝазә ԝәки әм бәхтәԝар бьн?

Йаһоԝа дьхԝазә ԝәки щьмәʹта ԝи тʹәвайи ԝәʹдә дәрбаз кьн у шабуне бьстиньн. Вехә ВИДЕО, кӧ бьвини ԝәки ча әԝ йәк зәлал те кʹьфше сәр щьватед мәзьнә һʹәмдьнйайе.

ВИДЕО: «Меванһʹьзйа Хушк-Бьра Ԝәʹде Щьватед Мәзьнә Һʹәмдьнйайе» (5:40)

Бьхунә Галати 6:10, у паше ван пьрса шеԝьр кә:

• Гәло әм гәрәке щәжьна дәрбаз кьн, кӧ мәрьва хԝәш бен у ӧса «ԛәнщийе» бькьн?

• Чь щурʹә ԛәнщи тә дьһа бәхтәԝар дькә, гава тӧ жь борщдарийе тьштәки дьки, йан жь дьл?

• Шәʹдед Йаһоԝа щарна тʹәви зарʹед хԝә тʹоп дьбьн, ԝәки зарʹ тʹәвайи ша бьн, у һьм жи пʹешкʹеша дьдьнә ԝан. Һәрге зарʹед тә һәнә, тӧ чь дькари бона ԝан бьки, ԝәки әԝана ша бьн?

ТʹӘМАМКЬРЬН

Йаһоԝа дьхԝазә ԝәки әм тʹәви малбәт у һәвалед хԝә ԝәʹдә дәрбаз кьн у шабуне бьстиньн. Ле әԝ ӧса жи дьхԝазә, ԝәки әм хԝә дур бьгьрьн жь щәжьнед кӧ ԝи хԝәш найен.

Ԝәкʹьландьн

• Әм кʹижан пьрса дькарьн бьдь-нә хԝә, ԝәки тедәрхьн кʹижан щәжьн Йаһоԝа хԝәш найен?

• Әм ча дькарьн малбәт у һәвалед хԝәрʹа дәрһәԛа сафикьрьнед хԝә щәжьнава гьредайи, шьровәкьн?

• Әм жь кʹӧ заньн кӧ Йаһоԝа дьхԝазә ԝәки әм бәхтәԝар бьн у шабуне бьстиньн?

ҺЕ ЗЕДӘ ПЕБЬҺʹӘСӘ

Пебьһʹәсә дәрһәԛа һьнә щәжьнед кӧ Мәсиһи дәрбаз накьн.

«Чьрʹа Шәʹдед Йаһоԝа Щәжьнед Бәлабуйи Дәрбаз Накьн?» (Готара жь малпәре)

Пебьһʹәсә дәрһәԛа чар мәʹнийа, кʹижан кӧ дьдьнә кʹьфше ԝәки чьма әм баԝәр дькьн, кӧ щәжьна рʹожа буйине Хԝәде хԝәш найе.

«Чьрʹа Шәʹдед Йаһоԝа Рʹожа Буйине Дәрбаз Накьн?» (Готара жь малпәре)

Бьньһерʹә кӧ ча мәкʹтәбеда ԛәрфе хԝә щаһьләки кьрьн, жь бо баԝәрийа ԝи һьндава Щәжьна Рʹожа Буйина Иса.

«Тӧ бона Йаһоԝа Ԛимәт и» (11:35)

Бь милйона Мәсиһийа сафи кьрьнә, кӧ Щәжьна Рʹожа Буйина Иса дәрбаз нәкьн. Ле ԝана чьрʹа ӧса сафи кьрийә?

«Ԝана Тьштәки Дьһа Баш Дит» («Бьрща Ԛәрәԝьлийе», 1 Кануна Пешьн, 2012)