ДӘРСА 59
Тӧ Дькари Нава Зерандьнада Тәйах ки
Зу йан дәрәнг ԝе һʹәму Мәсиһийа бьзериньн йан жи пәй ԝан кʹәвьн. Ле гәло жь бо ве йәке әм гәрәке бьтьрсьн?
1. Әм чьма әʹщебмайи наминьн, кӧ тенә зерандьне?
Кʹьтеба Пироз зәлал дьбежә: «Һәр кәсе кӧ дьхԝазә йәктийа Мәсиһ Исада бь хԝәденаси бьжи ԝе бе зерандьне» (2 Тимотʹейо 3:12). Иса һатә зерандьне, чьмки әԝ пʹара дьнйа Мире-щьна нибу. Әм жи пʹара ве дьнйайе ниньн, ләма жи әм әʹщебмайи наминьн, ԝәки сәрԝеред дәԝләте йан жи һьнә религийа, мә дьзериньн (Йуһʹәнна 15:18, 19).
2. Әм ча дькарьн хԝә бона зерандьн у пәйкʹәтьна һазьр кьн?
Тӧ гәрәке ида ньһада итʹбарийа хԝә һьндава Йаһоԝа ԛәԝи ки. Һәр рʹож хԝәрʹа ԝәʹдә бьвинә, кӧ дӧа бьки, Хәбәра Хԝәде бьхуни у чьԛас дькари щьвата бәрнәдә. Әв һʹәму тьшт ԝе ԛәԝате бьдьнә тә, кӧ бькарьби бь мерхаси һʹәму зерандьн у пәйкʹәтьнада тәйах ки, һәла һе жи һәрге нәфәред мала тә, мьԛабьли тә дәртен. Паԝлосе шанди, кʹижан кӧ гәләк щар дьһатә зерандьне, ӧса ньвиси: «Хӧдан пьштоване мьн ә у әз натьрсьм» (Ибрани 13:6).
Чахе әм һәргав мьзгинийа хере бәла дькьн, әв йәк жи мерхасийа мә зедә дькә. Бәлакьрьна мьзгинийе мә һин дькә, ԝәки итʹбарийа хԝә Йаһоԝа биньн у тьрса хԝәйә жь мәрьва, бьдьнә һьлдане (Мәтʹәлок 29:25). Һәрге ньһада тӧ мерхасийе нав хԝәда пешда тини, кӧ мьзгинийе бәла ки, ӧса тӧйе хԝә рʹьнд һазьр ки, ԝәки бәрдәԝам ки һьнге жи мьзгинийе бәла ки, гава сәрԝеред дәԝләте шьхӧле мә ԛәдәхә кьн (1 Тʹесалоники 2:2).
3. Әм чь кʹаре дьстиньн, чахе нава зерандьнада Йаһоԝарʹа амьн дьминьн?
Һәмьки әм нахԝазьн бенә зерандьне, ле чахе әм нава зерандьнада амьн дьминьн, баԝәрийа мә дьһа ԛәԝи дьбә. Әм дьһа незики Йаһоԝа дьбьн, чьмки әм ԛәԝата Йаһоԝа сәр хԝә тʹәхмин дькьн, илаһи чахе дьфькьрьн кӧ әме ида нькарьбьн тәйах кьн (Бьхунә Аԛуб 1:2-4.) Дьле Йаһоԝа дешә гава дьвинә кӧ әм ча дьчәрчьрьн, ле чахе әԝ дьвинә, кӧ әм амьн дьминьн, дьле ԝи ша дьбә. Кʹьтеба Пироз дьбежә: «Һәгәр һун бона ԛәнщикьрьне щәфе бьбиньн у сәбьр кьн, һун ль бәр Хԝәде бәхтәԝар ьн» (1 Пәтрус 2:20). Һәрге әм Йаһоԝарʹа амьн бьминьн, әԝ ԝе мә бь жийина һʹәта-һʹәтайе хәлат кә. Һьнге һʹәмуйед кӧ дьнйа тʹәзәда бьжин, ԝе Йаһоԝарʹа хьзмәт кьн, у тʹӧ кәс ԝе мьԛабьли ԝан дәрнәйе (Мәтта 24:13).
КʹУР ЛЕКОЛИН КӘ
Пебьһʹәсә, кӧ чьрʹа әм дькарьн бежьн, ԝәки мәрьв нава зерандьнада дькарә Йаһоԝарʹа амьн бьминә, у ча амьнийа мә ԝе бе хәлаткьрьне.
4. Тӧйе бькарьби тәйах ки, гава нәфәред мала тә мьԛабьли тә дәрен
Иса заньбу, кӧ дьбәкә нәфәред мала мә хԝәш нәйе, ԝәки әм Йаһоԝарʹа хьзмәт кьн. Бьхунә Мәтта 10:34-36, у паше әве пьрсе шеԝьр кә:
Чахе кәсәк дәстпедькә Йаһоԝарʹа хьзмәт кә, нәфәред мала ԝи дьбәкә ча хԝә бьдьнә кʹьфше?
Сәва кӧ һе зедә пебьһʹәси, вехә ВИДЕО, у паше әве пьрсе шеԝьр кә:
Тӧйе чь бьки, һәрге пьсмам йан һәваләки тә бьхԝазә тә жь хьзмәткьрьна Йаһоԝа дур хә?
Бьхунә Зәбур 27:10 у Марԛос 10:29, 30. Паши хԝәндьна һәр рʹезәке, әве пьрсе шеԝьр кә:
Чаԝа әв рʹез дькарә али тә бькә, һәрге нәфәред тә йан һәвалед тә мьԛабьли тә дәртен?
5. Бәрдәԝам кә нава пәйкʹәтьнада жи Йаһоԝарʹа хьзмәт кә
Бь рʹасти гава мәрьв мьԛабьли мә дәртен, мәрʹа мерхаси лазьм ә кӧ тәйах кьн. Вехә ВИДЕО, у паше әве пьрсе шеԝьр кә:
Ве видеойеда чь тӧ ԛәԝи кьри?
Бьхунә Кʹаред Шандийа 5:27-29 у Ибрани 10:24, 25. Паши хԝәндьна һәр рʹезәке, әве пьрсе шеԝьр кә:
Чьма фәрз ә бәрдәԝам ки һьнге жи Йаһоԝарʹа хьзмәт ки, чахе шьхӧле бәлакьрьна мьзгинийе у щьват тенә ԛәдәхәкьрьне?
6. Йаһоԝа ԝе али тә бькә тәйах ки
Шәʹдед Йаһоԝа һьм щаһьл, һьм жи йед әʹмьрда мәзьн нав тʹәмамийа дьнйайеда, карьбун нава пәйкʹәтьнада амьн бьминьн у бәрдәԝам кьн Йаһоԝарʹа хьзмәт кьн. Сәва кӧ пебьһʹәси, ԝәки чь али ԝан кьр, вехә ВИДЕО, у паше әве пьрсе шеԝьр кә:
Ча жь ве видеойе һатә кʹьфше, чь али ԝан Шәʹдед Йаһоԝа кьр, ԝәки тәйах кьн?
Бьхунә Рʹомайи 8:35, 37-39 у Филипи 4:13. Паши хԝәндьна һәр рʹезәке, әве пьрсе шеԝьр кә:
Ча әв рʹез тә дьдә баԝәркьрьне, ԝәки тӧйе бькарьби һʹәму пәйкʹәтьнада тәйах ки?
Бьхунә Мәтта 5:10-12, у паше әве пьрсе шеԝьр кә:
Тӧ чьма дькари нава пәйкʹәтьнада жи шабуна хԝә ӧнда нәки?
Бь милйона Шәʹдед Йаһоԝа ԝәʹде зерандьн у пәйкʹәтьна Йаһоԝарʹа амьн ман. Тӧ жи дькари!
ҺЬНӘ МӘРЬВ ДЬБЕЖЬН: «Әзе нькарьбьм пәйкʹәтьнада тәйах кьм.»
Тӧ кʹижан рʹезе дькари бьди хәбате, ԝәки ԝан мәрьва ԛәԝи ки?
ТʹӘМАМКЬРЬН
Йаһоԝа гәләк ша дьбә, чахе дьвинә, кӧ әм нава пәйкʹәтьнада жи тʹәрка хьзмәтийе надьн!
Ԝәкʹьландьн
Әм чьма әʹщебмайи наминьн, кӧ тенә зерандьне?
Тӧ ида ньһада чь дькари бьки, сәва кӧ бона пәйкʹәтьна һазьр би?
Чь дькарә али тә бькә, ԝәки баԝәр би, кӧ тӧйе бькарьби нава һʹәму чәтьнайада амьн бьмини?
ҺЕ ЗЕДӘ ПЕБЬҺʹӘСӘ
Бьньһерʹә, кӧ ча Йаһоԝа али бьраки кьр, ԝәки амьн бьминә, кʹижан кӧ жь бо тʹәвнәбуйине кьрьбунә кәле.
Пебьһʹәсә, кӧ чь али жьн-мерәки кьр, ԝәки нава гәләк салада ԝәʹде пәйкʹәтьнада жи Йаһоԝарʹа амьн ман.
Пебьһʹәсә, кӧ чаԝа тӧ дькари нава зерандьнада жи мерхасийа хԝә ӧнда нәки.
«Ида Ньһада бона Зерандьне Һазьр бьн» («Бьрща Ԛәрәԝьлийе», Тирмәһ, 2019)
Әм чь дькарьн бькьн, ԝәки тʹәви нәфәред мала хԝә, йед кӧ мьԛабьли мә дәртен, әʹдьлайеда бьн, һьм жи Йаһоԝарʹа амьн бьминьн?
«Рʹасти нә кӧ Әʹдьлайе Тинә, ле ‹Шур›» («Бьрща Ԛәрәԝьлийе», Щотмәһ, 2017)