ТʹЕМА ЖЬ РʹУЙЕ ЖУРНАЛЕ | КʹИ НӘ ШӘʹДЕД ЙАҺОԜА?
Гәло Шәʹдед Йаһоԝа чь баԝәр дькьн?
Шәʹдед Йаһоԝа баԝәр дькьн кӧ «тʹәмамийа ньвисаре жь бина бәр Хԝәде йә у керһати йә» (2 Тимотʹейо 3:16). Әм Кʹьтеба Пироз дьдьнә хәбате чаԝа рʹебәри, кʹижан кӧ мә һин дькә дәрһәԛа Әʹфьрандар у ча бь жийина рʹаст бьжин.
Кʹьтеба Пироз дьбежә: «Бьла бь ве йәке, бьзаньбьн кӧ наве тә, Йаһоԝа йә! У йе кӧ ль сәр тʹәмамийа гәрдуне Һәри Бьльнд ә, тʹәне тӧ йи» (Зәбур 83:18, АБ). Ләма жи, әм тʹәне Йаһоԝа Хԝәдерʹа ԛӧльх дькьн у чаԝа Шәʹдед ԝи, чьԛас дькарьн һʹәму тьшти дькьн, сәва кӧ наве ԝи мәрьварʹа әʹйан кьн (Ишайа 43:10-12).
Чаԝа Мәсиһи әм баԝәр дькьн кӧ Иса, «Кӧрʹе Хԝәде»,a һатә сәр әʹрде у бу Мәсиһ (Йуһʹәнна 1:34, 41; 4:25, 26). Паши мьрьна хԝә, Иса чу ль әʹзман (1 Корьнтʹи 15:3, 4). Паше әԝ бу Пʹадша дь Пʹадшатийа Хԝәдеда (Әʹйанти 11:15). Әԝ Пʹадшати сәрԝертийа реали йә, кʹижан кӧ ԝе диса щьнәте сәр әʹрде вәгәрʹинә (Данийел 2:44). Кʹьтеба Пироз дьбежә: «Ԝе нәфсбьчʹук [мьлук] мьраз бьстиньн ԝәлат, жь зедәһийа аштийе [әʹдьлайе] бьвиньн ләзәт» (Зәбур 37:11, 29, ИМ).
«Әԝана чахе Кʹьтеба Пироз дьхуньн, баԝәр дькьн кӧ Хԝәде тʹәви ԝан хәбәр дьдә. Чахе проблем рʹасти ԝан тен, әԝана һьлдьдьн Хәбәра Хԝәде у ведәре сафикьрьна дьгәрʹьн. . . . Хәбәра Хԝәде сах ә бона ԝан» (Кʹәшише Католик Бенжамин Черайат, рʹожнамә «Münsterländische Volkszeitung», Алманйа).
Шәʹдед Йаһоԝа баԝәр дькьн кӧ Кʹьтеба Пироз дькарә иро жи кʹаре бьдә мәрьва (Ишайа 48:17, 18). Ләма жи әм принсипед Кʹьтеба Пироз дьдьнә хәбате. Мәсәлә, Кʹьтеба Пироз мәрʹа пешда дьбежә, кӧ әм хԝә дур бьгьрьн жь тьштед ӧса кʹижан кӧ һʹьш у бәдәне хьраб дькьн, ләма жи әм щьхаре накʹьшиньн у наркотика жи надьнә хәбате (2 Корьнтʹи 7:1). Әм ӧса жи тьштед ӧса накьн, кʹижан кӧ Кʹьтеба Пироз рʹастә-рʹаст ԛәдәхә дькә, мәсәлә сәрхԝаши, бенамуси, у дьзи (1 Корьнтʹи 6:9-11).
a Кʹьтеба Пироз сәр Иса ӧса жи дьбежә «Кӧрʹе Хԝәдейи тайе тʹәне», чьмки әԝ бу йе пешьн у әʹфьрине тʹәк, кʹижан кӧ Хԝәде хԝәха әʹфьрандийә (Йуһʹәнна 3:18; Колоси 1:13-15).