Хәрще ԛӧльхкьрьна мә ча те дадане?

Һәр сал, әм нәшьр дькьн у бәла дькьн бь сәда милйона һʹәв Кʹьтеба Пироз у әʹдәбйәтед сәр һʹиме Кʹьтеба Пироз. Әм нава тʹәмамийа дьнйайе филиала ава дькьн у дьдьнә хәбате мәкʹинед нәшьркьрьне. Ӧса жи бь дәһа һʹәзара щьват тенә дәрбазкьрьне дь щийед һʹәԝас у башда, кʹижан кӧ әм нав дькьн щийед ԛӧльхкьрьне, демәк Одед Щьвата. Ле гәло пʹәрә бона ԝан тьшта жь кʹӧ те?

Хәрще бона шьхӧле мә те дадане бь сайа ԛӧрбанкьрьнед бь рʹәзәдьли (2 Корьнтʹи 9:7). Сала 1879, дь журнала «Бьрща Ԛәрәԝьлийе» дәрхьстьна дӧдада [әв журнал бәре дьһатә навкьрьне «Бьрща Ԛәрәԝьлийе йа Сийоне»], һатьбу готьне: «Әм баԝәр дькьн кӧ ЙАҺОԜА пьштгьрийа дәрхьстьна дькә, у ләма әме тʹӧ щар жь мәрьва нә лавайа бькьн нә жи һиви кьн, кӧ аликʹарийе бьдьнә мә». Ве йәкеда әм тʹӧ щар дӧдьли набьн.

Пʹәре ԛӧрбанкьрьне дьшиньн ль филиала, йан жи давежьнә ԛӧтʹийед кӧ һәр Одәкә Щьватада һәнә. Ле әм тʹӧ щар пʹәра тʹоп накьн, у нә жи һәԛ дьстиньн бона ԛӧльхкьрьна хԝә йан бона әʹдәбйәта. Әм бона даннасинкьрьне, бона һинкьрьна дь щьватада, у бона авакьрьна авайед бона ԛӧльхкьрьне, пʹәра настиньн. Чьмки Иса гот: «Ԝә беһәԛ стандийә, беһәԛ жи бьдьн» (Мәтта 10:8). Һʹәму ԛӧльхкʹар йед кӧ дь филиалада у офиса сәрәкәда дьхәбьтьн, у ӧса жи әндәмед Кʹома Рʹебәрийейә Шәʹдед Йаһоԝа, һәԛ настиньн.

Пʹәре ԛӧрбанкьрьне ӧса жи те хәбьтандьне бона аликʹарийе, чахе тʹәшԛәлә йан хәзәб дьԛәԝьмьн. Мәсиһийед бәре бь рʹәзәдьли аликʹари дьданә ԝан, йед кӧ дькʹәтьнә зийане (Рʹомайи 15:26). Әм жи мина ԝан аликʹарийе дьдьнә ԝана, йед кӧ жь бо хәзәбе зийан стандьнә. Әм малед ԝан у ӧса жи щийед ԛӧльхкьрьна мә тʹәзә дькьн, у бь хԝарьне, кʹьнща у дәрмана али ԝан дькьн.