Те Бира Wә?
Wә рʹьнд дина хwә да готаред жь «Бьрща Qәрәwьлийе» йа wан пашwәхтийа? Хwә бьщерʹьбиньн, һәла һуне бькарьбьн щабед wан пьрса бьдьн:
Кʹижан чар тьшт дькарьн али мә бькьн wәки әм рʹьнд бьстьрен?
Әм гәрәке рʹаст бьсәкьньн у кʹьтеба хwә бьльнд бьгьрьн. Öса жи рʹаст бина хwә бькʹьшиньн, дәве хwә фьрә вәкьн у öса бьстьрен. Wи щурʹәйи әме һе бь дәнге бьльнд бьстьрен (w17.11, рʹупʹ. 5).
Чьрʹа щи у рʹийед шәһәред сьтʹарбуне фәрз бун?
Һәбун шәш шәһәр кö нава wәлатда щурʹә-щурʹә щийада бун. Рʹийед wан рʹьнд чекьри бун. Мәрьве рʹәви дькарьбу зу у һеса бьгьһижә wан шәһәра (w17.11, рʹупʹ. 14).
Чьрʹа пʹешкʹеша Хwәдейә кʹьрʹине, демәк qöрбана Иса, пʹешкʹеша һәри мәзьн ә бона мә?
Әw пʹешкʹеш нета әʹмьр дьдә мә, у мә жь гöнә у мьрьне хьлаз дькә. Хwәде зöрʹәта Адәм һʹьз дькә, ләма әwи Иса кьрә qöрбан бона мә, гава әм һе гöнәкʹар бун (wp17.6, рʹупʹ. 6-7).
Зәбур 118:22 ча пʹехәмбәрти кьр дәрһәqа рʹабуна Иса жь мьрьне?
Иса чаwа Мәсиһ һатә инкʹаркьрьне у кöштьне. Сәва кö әw бьбуйа «сәре әʹнишке», әw гәрәке жь мьрьне рʹабуйа (w17.12, рʹупʹ. 9-10).
Гәло йед кö дькʹәтьнә рʹеза рʹькʹьнйата Мәсиһ, гәрәке гьшк ньхöри буна?
Рʹеза рʹькʹьнйата Мәсиһда һʹәмушк ньхöри нибун. Мәсәлә Даwьде кöрʹе Йеша ньхöри нибу; ле Мәсиһ жь рʹькʹьнйата wи һат (w17.12, рʹупʹ. 14-15).
Алийе медисинайеда чь принсип һәнә Кʹьтеба Пирозда?
Бәре ль гора Qануне, мәрьвед бь һьнә нәхwәшийа щики башqәда гәрәке бьжитана. Һәрге дәсте мәрьва щьнйаз кʹәта, wана гәрәке сәре хwә бьшуштана. Öса жи Qануне дәʹwа дькьр, wәки әʹдәба хwә чʹәл кьн. Сьнәткьрьн жи рʹожа һʹәйшта дьһатә кьрьне, чьмки wи wәʹдәйи хун ида тир дьбә (wp18.1, рʹупʹ. 7).
Чьрʹа һәрге Мәсиһи һьнәки хwәһʹьз ә әw хьраб нинә?
Әм гәрәке һәвалед хwә wәкә хwә һʹьз бькьн (Марq. 12:31). Мер гәрәке жьнед хwә һʹьз бькьн, «чаwа бәдәна хwә» (Әфәс. 5:28). Һәмьки, һәрге мәрьв гәләк хwәһʹьз ә, әw ида нәрʹаст ә (w18.01, рʹупʹ. 23).
Әм дькарьн кʹижан гава бавежьн сәва рʹöһʹанида пешда һәрʹьн?
Әм гәрәке Хәбәра Хwәде леколин бькьн у сәр бьфькьрьн, öса жи чь кö һин дьбьн бьдьнә хәбате. Әм гәрәке һʹьш у дьле хwә вәкьн, wәки рʹöһʹе пироз сәр мә һʹöкöм бә у öса жи әм гәрәке аликʹарийа мәрьва qәбул кьн (w18.02, рʹупʹ. 26).
Чьрʹа стәйрнаси у кʹочʹәкти нькарә бь рʹасти әʹйан кә ахьрийе?
Һәнә щурʹә-щурʹә мәʹни, ле мәʹнийа сәрәкә әw ә кö Кʹьтеба Пироз qәдәхә дькә wан шьхöла (wp18.2, рʹупʹ. 4-5).
Әм ча гәрәке qәбул кьн тʹәглифкьрьна сәр нанхwарьне?
Һәрге әм qайил бунә wәки әме һәрʹьн меванти, әм гәрәке хwәйе гьлийе хwә бьн (Зәб. 15:4). Һәрге мәʹнийа фәрз тʹöнә сәва нәчьн, әм гәрәке хwәйе созе хwә бьн, чьмки әwе кö мә тʹәглиф дькә дьбәкә щәфа кʹьшандийә у һазьр буйә сәва һатьна мә (w18.03, рʹупʹ. 18).
Бьред щабдар чь дькарьн һин бьн жь Тимотʹейо?
Тимотʹейо бона мәрьва хәм дькьр у тьштед рʹöһʹани дьда щийе пешьн. Әw гәләк хирәт бу хьзмәтийеда у чь жи жь йед дьн һин дьбу дьда хәбате. Әw хwәха хwә жи һин дькьр у итʹбарийа хwә рʹöһʹе Йаһоwайи пироз дьани. Рʹуспи у бьред дьн wан тьштада дькарьн чʹәʹв бьдьнә Тимотʹейо (w18.04, рʹупʹ. 13-14).