Те Бира Wә?

Wә рʹьнд дина хwә да сәр готаред жь «Бьрща Qәрәwьлийе» йа wан пашwәхтийа? Хwә бьщерʹьбиньн, һәла һуне бькарьбьн щабед wан пьрса бьдьн:

Де-бав кö кʹочбәр ьн, чьрʹа гәрәке сафикьрьне бькьн дәрһәqа зьман, сәва кö алийе рʹöһʹанида али зарʹед хwә бькьн?

Зарʹ дьбәкә мәкʹтәбеда у нав һәвалед хwәда зьмане хәриб һин бьн. Бь рʹастийе зарʹ wе кʹаре бьстиньн һәрге 2 зьмана зедәтьр бьзаньбьн. Де-бав гәрәке дина хwә бьдьне кö зарʹед wан рʹастийе сәр кʹижан зьмани һе рʹьнд фәʹм дькьн, wәки рʹöһʹанида пешда һәрʹьн. Мәсәлә әwана гәрәке сафи кьн, һәла щьвата кʹижан зьмани бьжберьн, йа зьмане хәриб йан йа зьмане де. Де-бав кö Мәсиһи нә, гәрәке рʹöһʹанийа зарʹед хwә жь хwәстьнед хwә бьльнд бьгьрьн (w17.05, рʹупʹ. 9-11).

Чахе Иса жь Пәтрус пьрси: «Тö мьн жь wан зедәтьр һʹьз дьки», әwи дәрһәqа кʹе гот чахе гот «wан»? (Йуһʹн. 21:15, ДТʹ)

Ча те кʹьфше Иса дәрһәqа мәʹсийа у хәбата нечʹирванийе гот. Паши мьрьна Иса Пәтрус диса вәгәрʹийа шьхöле хwәйи бәре, демәк нечʹирванийе. Жь ве йәке те кʹьфше кö Мәсиһи гәрәке хwә бьщерʹьбиньн һәла дьле wанда хәбат чь щийи дьгьрә (w17.05, рʹупʹ. 22-23).

Чьрʹа Бьраһим готә жьна хwә, wәки әw бежә, кö әw хушка wи йә? (Дәстп. 12:10-13)

Бь рʹастийе Сәра у Бьраһим алийе баведа хушк-бьра бун. Һәрге Сәрайе бьгота кö әw жьна wи йә, Бьраһим wе бьһата кöштьне, у öса зöрʹәта кö Хwәде соз да wи, wе wанрʹа нәбуйа (wp17.3, рʹупʹ. 14-15).

Елйас Һутер чь метод да хәбате сәва али wан мәрьва бькә, йед кö дьхwәстьн зьмане Ибрани һин бьн?

Елйас дьхwәст wәки әw мәрьв Кʹьтеба Пирозда бьвиньн фьрqийа орʹта кʹокед хәбәред Ибрани у һәр пешгьр у пашгьра. Әwи кʹока һәр хәбәре зәлал әʹйан кьр, ле пешгьр у пашгьр әwи данә хәбате әʹламәтийа зедәда у ида бь һʹәрфед щöдәкьри ньвиси. Метода wи щурʹәйи спартьнада һатийә хәбьтандьне, дь wәлгәрʹандьна «Nеw World Translation of thе Holy Scripturеs—With Rеfеrеncеs» (wp17.4, рʹупʹ. 11-12).

Гәло Мәсиһирʹа изьнә тʹьвьнга wи һәбә бона хwә хwәй кә?

Ль wьр һәнә һьнә принсип: Бәр чʹәʹве Хwәде әʹмьр пироз ә. Иса шагьртед хwә һелан нәкьр, wәки шур һьлдьн сәва хwә хwәй кьн (Луqа 22:36, 38). Әм гәрәке шуред хwә бькьн һʹәсьнед qаньке (гисьн). Әʹмьр дьһа qимәт ә, нә кö тьштед материали. Әм qәдьре исафа мәрьвед дьн дьгьрьн у дьхwазьн мәсәла баш бьн (2 Корн. 4:2) (w17.07, рʹупʹ. 31-32).

Чьрʹа Мәтта у Луqа сәрһатийа дәрһәqа буйина Иса у бьчʹуктайа wи, мина һәв нә ньвисинә?

Мәтта ньвисара хwәда дина хwә һе зәʹф дьдә сәр Усьв, мәсәлә ча әwи хwә да кʹьфше чахе пеһʹәсийа кö Мәрйәм гьран ә, у öса жи чахе хәwнеда мьлйакʹәт жерʹа гот кö бьрʹәвә Мьсьре у паше вәгәрʹә. Ле Луqа һе зәʹф дина хwә дьдә сәр Мәрйәме, мәсәлә чахе әw чу тʹәсәлийа Елизабете бькә, у әwе ча хwә да кʹьфше чахе Иса пʹарьстгәһеда ма (w17.08, рʹупʹ. 32).

Чь чәтьнайада Кʹьтеба Пироз һатийә хwәйкьрьне?

Фәʹмкьрьна хәбәр у гьлийед кö Кʹьтеба пирозда һатьнә хәбьтандьне, нава qьрʹна дьһатьнә гöһастьне. Öса жи гöһастьнед алийе политикида сәр зьмане щьмәʹте һʹöкöм дьбу. Һьн жи һәбун мәрьв кö мьqабьл бун сәва Кʹьтеба Пироз нәйе wәлгәрʹандьне сәр wан зьмана кö щьмәʹте фәʹм дькьр (w17.09, рʹупʹ. 19-21).

Гәло мәләкед мә һәнә кö мә хwәй дькьн?

На. Иса дәрһәqа шагьртед хwә гот, кö мәләкед wан ль әʹзмана тʹьме рʹуйе Хwәде дьвиньн (Мәт. 18:10). Әwи бь wан гьлийа да кʹьфше кö мәләк дина хwә дьдьн шагьртед wи, нә кö бь кʹәрәмәт һәр йәки жь wан хwәй дькьн (wp17.5, рʹупʹ. 5).

Һʹьзкьрьна лапә бьльнд кʹижан ә?

Һʹьзкьрьна лапә бьльнд агапе йә, кʹижан кö сәр һʹиме принсипа йә. Нава ве һʹьзкьрьнеда öса жи назькайи у дьлгәрми йә. Әw һʹьзкьрьн принсипед бьльнд әʹйан дькә, мәсәлә нә кö кʹара хwә дьгәрʹә ле кʹара йед майин (w17.10, рʹупʹ. 7).