Чахе Һәвалзәԝащ Нәамьн ә

«Чахе мере мьн гот, ԝәки әԝ мьн дьһелә, кӧ бьгьһижә йәкә щаһьл, мьн нәдьхԝәст бьжим. Дьле мьн гәләк дешийа, хут чахе мьн дькьрә бира хԝә, кӧ сәва хатьре ԝи, мьн чьԛас тьшт ԛӧрбан кьр». –Марйа жь Испанйайе.

«Чахе жьна мьн ньшкева әз һиштьм, ԛәй те бежи ниве бәдәна мьн мьр. Һʹәму хԝәстьн, нет у һевийа мә тʹәрʹьбин. Һәбун рʹожед ӧса, чахе мьн дьхԝәст һьнәки бемә сәр һʹьше хԝә у проблемед хԝә бьдьмә алики, ле әз диса жи дькʹәтьмә мьтала». –Бил жь Испанйайе.

НӘАМЬНИ зәԝащеда тьштәкә гәләк чәтьн ә. Ле һьнәка сафи кьрьнә бьбахшиньнә һәвалзәԝаще хԝә у диса һәләԛәтийа хԝә баш кьн.a Чахе бәндә педьһʹәсә дәрһәԛа нәамьнийа һәвалзәԝаще хԝә, фьрԛи тʹӧнә әԝ зәԝаща хԝә хԝәй дькә йан на, йәкә әв гәләк ԝәхт дьлтәнг дьминә. Гәло чь дькарә али ԝи бәндәйи бькә, кӧ бәрдьлийе бьстинә?

БӘРДЬЛИЙА ЖЬ КʹЬТЕБА ПИРОЗ

Рʹаст ә нәамьнийа һәвалзәԝащ ешәкә ԛайим тинә, ле диса әԝед кӧ ве дәрәщеда зьраре кʹәтьнә, дьлбини жь Ньвисаред Пироз стандьнә. Әԝана пеһʹәсийанә, ԝәки Хԝәде һесьр у еша дьле ԝан дьвинә у бона ԝан хәм дькә (Малахи 2:13-16).

«Дәма хәм һӧндьре мьн бьгьрьн, хәмрәвинен тә дьле мьн кʹефхԝәш дькьн» (Зәбур 94:19).

Бил дьбежә: «Чахе мьн әԝ рʹез дьхԝандьн, мьн тʹәхмин дькьр чаԝа Йаһоԝа мина бавәки бь һʹьзкьрьне тʹьжә, еша дьле мьн сьвьк дькә».

«Тӧ амьнарʹа амьн и» (Зәбур 18:25).

Кармен мере кʹижане кӧ нәамьнийа хԝә бь мәһа вәдьшарт, дьбежә: «Мере мьн, мьнрʹа нәамьн бу. Ле әз избат бум ԝәки Йаһоԝа тʹьме амьн ә. Әԝе тʹӧ щар нәһелә әз бькʹәвьм».

«Бона т′ӧ тьшти хәм нәкьн, ле хԝәстьна ԝә бьра бь дӧа-дьрозга, р′азибунева т′әвайи, Хԝәдева ә′йан бә. У ә′дьлайийа Хԝәде кӧ жь һәр һ′ьш-аԛьли дәрбазтьр ә, ԝе дьл у фькьред ԝә йәктийа Мәсиһ Исада хԝәй кә» (Филипи 4:6, 7).

Маша дьбежә: «Мьн һәр щар әв рʹез дьхԝандьн. У чьԛас һе зедә мьн Хԝәдерʹа дӧа дькьр, һаԛас һе зәʹф Хԝәде әʹдьлайа дьл дьда мьн».

Әԝ һʹәму мәрьв дәрһәԛа кʹижана кӧ жоре һатийә готьне, ԛӧдум кʹәтьбун. Ле ԝана итʹбарийа хԝә Йаһоԝа Хԝәде анин у жь Хәбәра Ԝи бәрдьли дьстандьн. Бил дьбежә: «Чахе жийина мьн пашопе чу, баԝәрийа мьн, нета жийина мьн зедә кьр. Рʹаст ә әз бәр дәве мьрьне бум, ле диса жи Хԝәде «тʹәви мьн» бу (Зәбур 23:4).

a Сәва һе зедә әʹламәти, дәрһәԛа ԝе йәке бьбахшиньн йан на, бьньһерʹьн журнала «Һʹьшйар Бьн!» сала 1999, 22 Нисане, готара «Чахе Һәвалзәԝащ Нәамьн ә».

Ча Һьнәка Тәйах Кьрьнә

Сәр рʹезед жь Кʹьтеба Пироз бьфькьрә.

Бил дьбежә: «Мьн кʹьтеба Ибо у Зәбур дьхԝанд у хәз дькьрьн әԝ рʹез, кʹижан кӧ хут дәрәща мьнва гьредайи бун. Мьн фәʹм кьр, ԝәки ньвискʹарен Кʹьтеба Пироз жи еш у дьлтәнгийа ӧса сәр хԝә тʹәхмин дькьрьн, чаԝа мьн тʹәхмин дькьр».

Рʹьһʹәтийе мьԛамада бьвинә.

Кармен дьбежә: «Чахе евара хәԝн нәдькʹәтә чʹәʹве мьн, мьн гӧһ дьда мьԛама. Әве йәке гәләк дьле мьн рʹьһʹәт дькьр». Данйел дьбежә: «Әз һин бум сәр гитаре мьԛама лехьм у мьн фәʹм кьр, ԝәки мьԛама али мьн кьрьн, кӧ мьн рʹьһʹәти у әʹдьлайа дьл станд».

Дәрһәԛа һәстед хԝә хәбәр дә.

Данйел дьбежә: «Мьн дәрһәԛа һәстед хԝә хәбәр нәдьда. Ле чәнд һәвалед мьни баш һәбун, тʹәви кʹижана мьн һәр рʹож хәбәр дьда. Бь сайа нәʹма у хәбәрдане, мьн ԝана дьда һʹәсандьне, кӧ чь дьле мьнда нә. Әве йәке бь рʹасти жи али мьн кьр». Маша дьбежә: «Аликʹарийа малбәта мьн, гәләк бона мьн фәрз бу. Дийа мьн тʹьме бәр мьн бу. Чахе мьн дьхԝәст хәбәр дьм, әԝе тʹьме ԝәʹдә дьдит кӧ гӧһ бьдә мьн. Жь алийе баве хԝә жи мьн һʹьзкьрьн у дьлбини дьстанд. Әԝи али мьн кьр у әз һеди-һеди рʹабум сәр ньга».

Бәрдәԝам кә дӧа бькә.

Кармен дьбежә: «Мьн тʹьме дӧа дькьр. Мьн тʹәхмин дькьр, ԝәки Хԝәде кʹеләка мьн ә, гӧһ дьдә мьн, у али мьн дькә. Ԝи ԝәʹде чәтьнда, әз гәләк незики Хԝәде бум».