Рʹастийа Дәрһәԛа Ахьрийе
Дьԛәԝьмә һун дьфькьрьн гәло чь ахьри һивийа мә йә? Кʹьтеба Пироз дәрһәԛа тьштед фәрз гьли дькә, чь кӧ ԝе зутьрәке бьԛәԝьмьн у ль сәр инсанәте һʹӧкӧм бьн.
Иса гот «бьзаньбьн кӧ П′адшатийа Хԝәде незик ә» (Луԛа 21:31). Әԝи пʹехәмбәрти кьр, ԝәки мьләте һьмбәр мьләт дәрен, әʹрдһәжед мәзьн, хәлайи-щәлайе у нәхԝәшийед һʹал ԝе һәбьн. Иро әм шәʹде ԝан тьшта нә (Луԛа 21:10-17).
Кʹьтеба Пироз дьбежә ԝәки «рʹожед ахрийе», рʹабун-рʹуньштьна мәрийа ԝе хьраб бә. Дәрһәԛа ԝе йәке һун дькарьн бьхуньн 2 Тимотʹейо 3:1-5-да. Гава тӧ ԝан тьшта дор-бәре хԝә дьвини, бешьк тӧ фәʹм дьки ԝәки пʹехәмбәртийа Кʹьтеба Пироз дәрһәԛа рʹожед ахьрийе, рʹаст ә.
Әв чь те һʹәсабе? Ԝәʹдә незик буйә, кӧ Падшатийа Хԝәде гӧһастьнед мәзьн бькә ль сәр әʹрде, чь кӧ ԝе жийина мәрьва баш кә (Луԛа 21:36). Хԝәде бь Кʹьтеба Пироз тьштед баш соз дьдә бона әʹрде у мәрьва. Ԝәрә чәнд мәсәла шеԝьр кьн.
СӘРԜЕРТИЙА БАШ
«Жерʹа [Исарʹа] сәрԝәри у мәзьнаһи у ԛьраләти һатә дайин; сәрԝәрийа ԝи сәрԝәрийәк кӧ ԝе дәрбас нәбә у абадин бә у ԛьраләтийа ԝи ԛьраләтийәк кӧ хәраб набә» (ДАНИЙЕЛ 7:14).
Әԝ чь те һʹәсабе: Тӧ дькари жь жийина бьн сәрԝертийа Хԝәдеда, ләзәте бьстини, кʹижанеда Иса йә Пʹадша.
СЬҺʹӘТ-ԚӘԜАТА БАШ
«Йе ль ԝьр рудьне, ԝе нәбежә: ‹Әз нәхԝәш ьм›» (ИШАЙА 33:24).
Әԝ чь те һʹәсабе: Тӧйе тʹӧ щар нәхԝәш нәкʹәви у ԛӧдум нәкʹәви; те һʹәта-һʹәтайе бьжийи.
ӘʹДЬЛАЙА ТʹАМ
«Шәрʹа дьдә сәкьнандьне, һәр чар ԛӧлбед дьнйайе» (ЗӘБУР 46:9).
Әԝ чь те һʹәсабе: Шәрʹ-дәʹԝ ԝе иди тʹӧнәбьн у һʹәму мәнийед чәрчьрандьна мә ԝе бенә һьлдане.
ӘʹРД БЬ МӘРЬВЕД БАШ ԜЕ ТʹЬЖӘ БӘ
«Һьнәки шунда нәпʹаке бәтавәбә, . . . Ле бәле мьлуке әʹрде ԝар бьн» (ЗӘБУР 37:10, 11).
Әԝ чь те һʹәсабе: Мәрьвед зӧлм ԝе ида тʹӧнә бьн, тʹәне әԝе һәбьн, кʹижан кӧ ԝе гӧрʹа Хԝәде бькьн.
ӘʹРД ПЕДА ԜЕ БЬБӘ ЩЬНӘТ
«У ԝе ханийан ава бькьн у рʹунен у рʹәзан дайньн у меԝа ԝе бьхԝьн» (ИШАЙА 65:21, 22).
Әԝ чь те һʹәсабе: Мәрьв ԝе әʹрде бь тʹәмами бәдәԝ кьн. Хԝәде ԝе дӧайед мә бинә сери, демәк ԛьрарʹа ԝи, «сәр ә′рде» ԝе бе сери (Мәтта 6:10).