Компанийа Тʹәглифкьрьне ль сәр Евара Биранине, 22 Адаре Дәстпедьбә
Дь ве саледа компанийа тʹәглифкьрьне ль сәр Евара Биранине, ԝе 22 Адаре, Шәмийе дәстпебә. Әм һʹәмушка һелан дькьн, кӧ дь ве компанийеда бь тʹәмами шьхӧлкʹарийе бькьн. Рʹожа Шәмийе у Ләʹде әме ӧса жи һәгәр дәст бьдә, бәла кьн журналед ве мәһе. Шәмийа пешьн йа мәһа Нисане, әме һе дина хԝә бьдьнә бәлакьрьна тʹәглифкьрьна, нә кӧ дәстпекьрьна һинкьрьна Кʹьтеба Пироз. Ле һәгәр әм рʹасти мәрьвәки ӧса һатьн, кʹижан кӧ дьхԝазә һе зедә пебьһʹәсә, һьнге әм дькарьн тʹәви ԝи һинкьрьна Кʹьтеба Пироз дәстпекьн. Бәрпьрсийаре хьзмәтийе дькарә сафи кә, кӧ ван тʹәглифкьрьна ль ԝан щийа жи бәла кьн, кʹидәре кӧ гәләк мәрьв ьн. Метода ӧса ԝе али щьвате бькә, кӧ бькарьбьн дь мьһала хԝәда һе зедә мәрьв тʹәглиф кьн. Хенщи ԝе йәке, ида ньһа хԝәрʹа бьньвисә, кӧ кʹе ԝәʹде компанийе дьхԝази тʹәглиф ки. Мәсәлә пьзмам, һәвал-хәбаткʹар, әԝед тʹәви кʹижана кӧ дь мәкʹтәбеда һин дьби, у ӧса жи ԝана кʹижанарʹа кӧ сәрледана дӧбарә дьки у насед хԝәйә дьн. Әм баԝәр ьн, кӧ гәләка ԝе тʹәви мә әве щәжьне дәрбаз кьн, чьмки ль ԝьр һʹәзкьрьна Йаһоԝа у Иса Мәсиһә пʹьрʹ мәзьн һьндава мә те кʹьфше (Йуһʹәнна 3:16; 15:13).