Тʹәглифкьрьна Мәхсус
1. Компанийа щьвата мәзьнә серʹожи йа сала 2014 ԝе кʹәнге дәстпебә?
1 Бьдә һʹәсабе хԝә ԝәки тә рʹожәк кʹьфшкьрийә у хԝарьнәкә мәхсус һазьр дьки, сәва кӧ һәвал йан жи малбәта хԝә тʹәглиф ки. Рʹаст ә, тӧйе һьнге гәләк ԛәԝате бьди хәбате у гәләк хәрщ жи ԝе бенә кьрьне. Ле йәкә тӧйе бь дьл-әʹшԛ меванед хԝә тʹәглиф ки. Анәгори ве йәке гәләк тьшт тенә кьрьне у һазьркьрьне, сәва рʹожәкә мәхсус. Әв һәйә щьвата мәзьнә серʹожи йа сала 2014. Се һʹәфти пешийа ве йәке чаԝа кӧ әв щьвата серʹожи дәстпебә, Йаһоԝа мәщале дьдә мә кӧ әм ль сәр ве рʹожа мәхсус мәрьвед майин жи тʹәглиф кьн. Ле чь ԝе али мә бькә, кӧ бь дьл у щан мәрийа тʹәглиф кьн
2. Ԝе чь мә һелан кә кӧ бь тʹәмами дь ве компанийеда кʹар бькьн?
2 Һәгәр әм дьшьрмиш бьн дәрһәԛа ԝе йәке кӧ чь кʹар әм дькарьн бьстиньн жь ве рʹожа мәхсус, кʹижан кӧ Йаһоԝа мәрʹа һазьр кьрийә, һьнге әме һелан бьн ԝәки бь тʹәмами дь ве компанийеда кʹар бькьн (Иша. 65:13, 14). Әм гәрәке бира хԝәда хԝәй кьн, диса тьштәки, ԝәки әв компанийа кʹижан кӧ һәр сал дәрбаз дьбә бәред баш тинә. Һьнә мәрьв кʹижана кӧ мә тʹәглиф кьрийә ԝе тʹәви мә бен ль сәр щьвата мәзьн. Фьрԛи тʹӧнә ԝе чьԛас мәрьв бен ль сәр ве щьвате, чь жи һәбә чахе әм бь дьл-щан ԝәʹде ве компанийе кʹар дькьн, бь ве йәке әм пәсна дьдьнә Йаһоԝа у дьлрʹәʹмийа ԝи дьдьнә кʹьфше (Зәб. 145:3, 7; Әʹйан. 22:17).
3. Чаԝа бәлгед тʹәглифкьрьне ԝе бенә бәлакьрьне?
3 Һәр кʹомәкә рʹуспийа гәрәке сафи кә, кӧ чаԝа щьват дькарә гәләк бәлгед тʹәглифкьрьне бәла кә. Ӧса жи гәрәке сафи кә, кӧ бәлгед тʹәглифкьрьне бьһельн ԝан мәрийарʹа, йед кӧ малда ниньн йан жи бәла кьн ль ԝе територийа хԝә кʹидәре кӧ гәләк мәрьв ьн. Шәмийа у Ләʹда һәгәр дәст дьдә гәрәке тʹәви бәлгед тʹәглифкьрьне ӧса жи журнала бәла кьн. Һәгәр Шәмийа пешьн йа мәһа тʹәзә дькʹәвә ль сәр рʹожа компанийе, һьнге әм гәрәке һе зедә дина хԝә бьдьнә ль сәр бәлакьрьна бәлгед тʹәглифкьрьне, нә кӧ дәстпекьрьна һинкьрьна Кʹьтеба Пироз. Паши хьлазкьрьна компанийе, әме ша бьн пебьһʹәсьн кӧ дь ви шьхӧлида мә чьԛас бь дьл-әʹшԛ кʹар кьрийә. Әме ӧса жи ша бьн кӧ мә карьбу гәләк мәрьв тʹәглиф кьра, сәва кӧ әԝана тʹәви мә ль сәр ԝе рʹожәкә мәхсус бен, кʹижан кӧ Йаһоԝа мәрʹа һазьр кьр.