Тʹәглифкьрьн
1. Кʹәнге ԝе дәстпебә кампанийа тʹәглифкьрьне сәва щьвата мәзьн?
1 Дьбәкә тӧ ԛайил и, кӧ чахе хԝарьнәкә мәхсус һазьр дьки сәва малбәте йан жи һәвала, тӧ гәләк ԛәԝат сәва ве йәке дьди хәбате, рʹьнд хԝә һазьр дьки у паше жи бь хирәт тʹәглиф дьки. Анәгори ве йәке, гәләк шьхӧл те кьрьне сәва һазьркьрьна щәжьн у сьфра рʹӧһʹани, йа кӧ ԝе ль сәр щьвата мәзьн бә, кʹижан кӧ незик дьбә. Сәва мә ԛәдьрәки мәзьн ә жь Йаһоԝа, ԝәки се һʹәфти пешийа дәстпебуна щьвата мәзьн, әм дькарьн йед дьнена жи тʹәглиф кьн. Чь ԝе али мә бькә, ԝәки һе бь хирәт тʹәглифкьрьна бәла кьн?
2. Чь ԝе мә һелан кә бь тʹәмами дь ве кампанийеда кʹар бькьн?
2 Ль сәр щьватед мәзьн Йаһоԝа рʹебәрийе дьдә мә, кʹижан кӧ сәва мә кʹар ә у рʹьһʹәтийе жи тинә. У әв йәк ԝе мә һелан кә, ԝәки һе бь хирәт у тʹәмами, дь кампанийеда кʹар бькьн (Иш. 65:13, 14). Әм ӧса жи гәрәке бира хԝәда хԝәй кьн, ԝәки кампанийед мәйә һәрсали бәред баш тиньн. (Бьньһерʹә чаргошә «Әв Йәк Бәред Баш Тинә».) Һьнә мәрьвед кӧ әм тʹәглиф дькьн, ԝе бенә ль сәр щьвата мәзьн, йед дьн жи ԝе нәйен. Чь жи һәбә, йәкә бь ве йәке кӧ әм бь дьл ԛәԝате дьдьнә хәбате дь ве кампанийеда, әм пәʹсьн дьдьнә Йаһоԝа у мәрданийа ԝи жи әʹйан дькьн (Зб. 145:3, 7; Әʹнт. 22:17).
3. Чаԝа бәла кьн тʹәглифкьрьна?
3 Һәр кʹома рʹуспийа гәрәке сафи кә, ԝәки чаԝа әԝана дькарьн һе зедә тʹәглифкьрьна бәла кьн. Мәсәлә лазьм ә ԝәки әван тʹәглифкьрьна бьһельн ԝан мәрийарʹа йед кӧ малда ниньн, йан жи ԝана бәла кьн ль ԝе територийа щьвата хԝәда, кʹидәре кӧ гәләк мәрьв тʹоп дьбьн. Шәмийа у Ләʹда дәст дьдә, тʹәви журнала гәрәке тʹәглифкьрьна жи бәла кьн. Хьлазийа кампанийе әме чьԛаси ша бьн чахе пебьһʹәсьн, кӧ жь бо хирәта мә дь ви шьхӧлида, гәләк мәрьв һатьн ль сәр ве щәжьна рʹӧһʹани кӧ Йаһоԝа һазьр кьрийә, у тʹәви мә бунә йәк!