Һин бә ԝәки дь Ԛӧльхкьрьнеда Һе Щерʹьбанди би; Дьшьрмиш бә Дәрһәԛа Мәрийа
Әв йәк Чьрʹа Фәрз ә: Иса дәрһәԛа һәр мәрьвәки башԛә дьшьрмиш дьбу, у әԝи бь һʹьзкьрьне әв йәк дьда кʹьфше. Мәсәлә щарәке чахе Иса рʹасти мәрьвәки кәрʹ һат, дьле ԝи бона ԝи мәрьви шәԝьти. Ләма жи Иса жь әʹлаләте әԝ башԛә кьр у ԛәнщ кьр (Марԛ. 7:31-35). Иса шагьртед хԝә жи рʹьнд фәʹм дькьр. Демәк әԝи фәʹм дькьр ԝәки чьԛас дьгьһижә ԛәԝата ԝан кӧ бькарьбьн фәʹм бькьн у чьԛас на, ләма жи әԝи щарәкирʹа гәләк тьшт шагьртарʹа гьли нәдькьр (Йуһʹн. 16:12). Һәла һе ньһа жи чахе Иса ль әʹзмен ә, әԝ диса жи дәрһәԛа мәрийа дьшьрмиш дьбә (2 Тимтʹ. 4:17). Әм жи чаԝа ԛӧльхкʹаред Иса, дьхԝазьн дь ве йәкеда чʹәʹв бьдьнә ԝи (1 Пәт. 2:21; 1 Йуһʹн. 3:16, 18). Хенщи ԝе йәке әме бькарьбьн даннасинкьрьнеда сәрфьраз бьн, һәрге дәрһәԛа хԝәйе мале дьшьрмиш дьбьн. Мәсәла, һьлдьн һʹәсаб дәрәщед у хәмед мәрийа, у ӧса жи хәбәр дьн дәрһәԛа ԝан тьшта чь кӧ ԝанарʹа һʹәԝас ә. Һәрге хԝәйе мале дьвинә, ԝәки тӧ нә кӧ тʹәне сәва ԝе йәке һати, кӧ мьзгини йан жи әʹдәбйәта бьһели, ӧса жи шәхси сәва ԝи жи дьшьрмиш дьби, һьнге әԝе һе һазьр бә гӧһ бьдә тә.
Чаԝа Бькьн:
• Рʹьнд һазьр бә. Сәрбәст бә, бьра бәшәра тә хԝәш бә у һʹәвалһʹьз бә.
• Сәрԝахт бә. Бь чь нишана тӧ дькари тедәрхи ԝәки зарʹе ԝи мәрьви һәнә? ԝәки ԝи хԝәш те бахчева мьжул бә йан жи һʹәйԝанед мале хԝәй дькә? ӧса жи ԝәки әԝ хԝәйе чь религийайе йә? Тӧ дькари пешанинед хԝә, анәгори ԝан дәрәща һьнәки бьгӧһези.
• Чахе тӧ пьрсәке дьди кәсәки, бьхәбьтә кӧ пебьһʹәси һәла әԝ дәрһәԛа ве йәке чь дьшьрмиш дьбә. Хәбәрдана ԝи нәбьрә у рʹьнд гӧһ бьде. Бь һʹәвалһʹьзийе ԝи бьньһерʹә, сәва кӧ нишан ки ԝәки гӧһе тә ль сәр ԝи йә. Рʹазибуна хԝә бьдә кʹьфше сәва щабед ԝи, у бь һʹәлали пʹайе ԝи бьдә. Нәкʹәвә дәʹԝе.
• Пешанине бьгӧһезә. Һәрге лазьм ә, пешанина хԝә бьгӧһезә сәва кӧ тʹәви мәрийа дәрһәԛа хәмед ԝан хәбәр ди. Дь бәлавокада, брошурада у журналед мәда гәләк тʹемә һәнә дәрһәԛа щурʹә-щурʹә пьрса, у тӧ дькари пешанинед хԝә сәр һʹиме ве йәке бьгӧһези. Һәрге тӧ ԝәʹдәки ӧса һати, чахе әв мәрьв бәтал нинә, пешанина хԝә кьн кә.
Әве йәке Ве Мәһеда Бьдә Хәбате:
• Ԝәʹде ԛӧльхкьрьна тʹәви малбәте, һазьр бә у тʹәмаше нишан кә, ԝәки чаԝа тӧ даннасин дьки у пешанина хԝә ӧса дьгӧһези, кӧ хәбәрди тʹәви мәрийа, дәрһәԛа тьштед кӧ ԝанарʹа һʹәԝас ә.
• Бьре кӧ щьвата даннасинкьрьне дәрбаз дькә, дькарә шеԝьр бькә дәрһәԛа ԝе йәке кӧ чаԝа әм дькарьн нишан кьн, ԝәки дәрһәԛа мәрийа дьшьрмиш дьбьн йан жи дькарә әве йәке бь тʹәмаше нишан кә.