Һин бә ԝәки дь Ԛӧльхкьрьнеда Һе Щерʹьбанди би; Шәʹдәтикьрьн ԝан Мәрьварʹа, йед кӧ ль сәр Зьмане Дьн Хәбәр Дьдьн
Әв Йәк Чьрʹа Фәрз ә: Сәва Йаһоԝа гәләк фәрз ә ԝәки мәрьвед жь «һәр мьләти», рʹӧһʹанида һʹалхԝаш бьн (Кʹар. Шанд. 10:34, 35). Хенщи ԝе йәке Иса готьбу кӧ мьзгинийа хере «ль нав тʹәмамийа дьнйайе», у «һʹәму мьләтарʹа» ве бе даннасинкьрьне (Мәт. 24:14). Зәкәрийа пʹехәмбәрти кьр, ԝәки мәрьвед жь һәр зьмани у мьләти, ԝе мьзгинийе ԛәбул кьн (Зәкәр. 8:23). Ль гора дитьнока Йуһʹәннайе шанди, әԝ мәрьвед кӧ жь рʹожа тәнгасийа мәзьн ԝе хьлаз бьн, әԝана жи ԝе «жь һәр мьләти, жь һәр бәрәке, жь һәр щьмәʹте у жь һәр зьмани» бьн (Әʹйан. 7:9, 13, 14). Ләма жи һәрге әм мьһала хԝәда рʹасти мәрьвәки ӧса тен, йе кӧ ль сәр зьмане дьн хәбәр дьдә, әм гәрәке бьхәбьтьн кӧ шәʹдәти бьдьн.
Әве Йәке ве Мәһеда Бьдә Хәбате:
Ԝәʹде Ԛӧльхкьрьна Хԝәйә Тʹәви Малбәте, тʹәмаше һазьр кьн, кӧ чаԝа һун шәʹдәти дьдьн ԝи мәрьвирʹа, йе кӧ ль сәр зьмане дьн хәбәр дьдә.