МИНА ИСА БЬЖИН
Мьзгинийе Бәла Дькьн Мәрьвед жь Щурʹә-Щурʹә Мьләтарʹа
Гава мәрьв ль сәр зьмане хwә дьбьһен мьзгинийа Пʹадшатийе, гәләк щара әwана бь һазьрбун гöһ дьдьн. Рʹаст ә Щьһу рʹьнд заньбун зьмане Ибрани у Йунани, ле Йаһоwа öса кьр, кö ль Рʹожа Пенщийе Һʹәсабе, сала 33 Д.М., «щьһуйед хwәдехоф . . . жь нав һ′әму мьләтед бьн п′әр′е ә′зменда» ль сәр зьмане хwә мьзгинийа хере бьһистьн (Кʹр.Шн. 2:5, 8). Иро һьнә щьватед кö ль сәр щурʹә-щурʹә зьмана дәрбаз дьбьн, ль сәр територийәке хьзмәт дькьн. Гәло чь щурʹәйи хьзмәткʹаред wан щьвата, дькарьн тʹәви һәв шьхöлкʹарийе бькьн, wәки һәр кәсирʹа шәʹдәтийе бьдьн у һьм жи wана әʹщьз нәкьн?
Шеwьр кә (Мтʹл. 15:22): Бәрпьрсийаред хьзмәтийе, гәрәке тʹәви һәв шьхöлкʹарийе бькьн, у мәщале бьвиньн кö һәр кәс дь щьватеда бькарьбә һе рʹьнд мьзгинийе бәла кә. Жь бо мьһалед бьчʹук, әв щьватед кö мьзгинийе ль сәр зьманед дьн бәла дькьн, дьqәwьмә бьхwазьн wәки тö нәчи ль територийа wан. Щарна әв щьват wе нькарьбьн мьһала хwәда бь тʹәмами мьзгинийе бәла кьн, чьмки мьһаләкә мәзьн ә. Ләма жи дьqәwьмә әwана wе тәрʹа бежьн тö һәрʹи wи мьһале, у һәрге кәсәк жь мьһала wан бьхwазә һе зедә пебьһʹәсә, тö гәрәке навнишана wи мәрьви wанарʹа бежи (od 93 ¶37). Йан дьбәкә әwана wе бьхwазьн кö щьвата дьн, али wан бькә мьһала wанда хьзмәт кьн, wәки бьвиньн wан мәрийа йед кö ль сәр зьмане щьвата wан хәбәр дьдьн у паше навнишана wан жи тʹәсмили щьвата wан кьн (km 7/12 5, чаргошә). Ле бир нәкә, wәки маләкида дькарьн сәр чәнд зьмана хәбәр дьн. Әw бьра, йед кö рʹебәрийа ви шьхöли дькьн, гәрәке һьлдьн һʹәсаб qанунед wәлата хwә, кʹижан кö гьредайийә тʹәви әʹламәтийа шәхси йа мәрийа.
Шьхöлкʹари Бькә (Әф. 4:16): Рʹьнд гöһ бьдә wе рʹебәрийе, кʹижан кö бәрпьрсийаре хьзмәтийе дьдә тә. Ле тö дәрбаз дьки һинкьрьна Кʹьтеба Пироз тʹәви кәсәки, кʹи кö сәр зьмане дьн хәбәр дьдә у жь мьләтәки дьн ә? Шагьрт wе зу рʹöһʹанида пешда һәрʹә һәрге тö навнишана wи бьди wе щьвате, кʹижан кö ль сәр зьмане wи хәбәр дьдә.
Хwә Һазьр кә (Мтʹл. 15:28; 16:1): Һәрге мьһала тәда, рʹасти тә һат мәрьве кö ль сәр зьманәки дьн хәбәр дьдә, мәщалә бәрнадә кö дәрһәqа мьзгинийа хере тʹәв хәбәр ди. Пешда бьфькьрә кö мьһала тәда мәрьвед жь кижан мьләти wе рʹасти тә бен, у хwә һазьр кә. Демәк пешда хwәрʹа бьдә кʹьшандьне ль сәр тʹела хwә, wәлгәрʹандьнед Кʹьтеба Пироз ль сәр чәнд зьмана у һьнә видео. Тö öса жи дькари бьди хәбате JW Language app, сәва кö һьнә хәбәра ль сәр wан зьмана хwәрʹа һин би.