Дь Хьзмәтеда Һе Щерʹьбанди бьн​—Мьзгинийе Бәла кә Һʹәмушкарʹа йед кö Мьһала Тәда ньн

ӘВ ЙӘК ЧЬМА ФӘРЗ Ә: Зәкәрйа пʹехәмбәрти кьр кö мәрьвед жь һʹәр мьләти у зьмани, wе бь шабун мьзгинийа хере qәбул кьн (Зәк. 8:23). Ле гәло кʹи wе wана һин кә? (Рʹм. 10:13-15). Борщдарийа мә әw ә, кö һʹәму мәрийарʹа йед кö дь мьһала мәда рʹасти мә тен, мьзгинийа хере бәла кьн (od 84 ¶10-11).

ЧАWА БЬКЬН:

• Хwә һазьр кә. Тö рʹасти мәрьвед öса тей, йед кö ль сәр зьмане дьн хәбәр дьдьн? Тö дькари бьди хәбате JW Languagе app, сәва кö пешанинед һеса һин би. Йан жи тʹела хwәйә мобиле бьдә хәбате у мәрьврʹа нишан кә, кö чаwа әw дькарә әʹламәтийа зедә ль сәр зьмане хwә ль сәр jw.org бьвинә

• Рʹьнд дина хwә бьдә. Һәрге тö мал бь мал хьзмәт дьки, диса жи мәщале бәрнәдә кö хәбәр ди тʹәви wан мәрийа, йед кö рʹеда рʹасти тә тен, йан әwед кö автеда һивийе нә. Һәрге тö хьзмәт дьки wе дәре, кʹидәре кö гәләк мәрьв һәнә, йәкә нета хwә бир нәкә кö шәʹдәтийе бьди

• Хирәт бә. Бәрдәwам кә qәwате бьдә хәбате кö бьвини wан мәрийа, йед кö сәр сәрледана тәйи пешьнда малда нибун. Бьла нета тә әw бә, кö бәр һәр дери тʹәви кәсәки хәбәр ди. Тö дькари wәʹдәки дьнда бей, йан жи рʹожәки дьн. Дьqәwьмә wе лазьм бе кö һьнәкарʹа бь нәʹма хәбәр ди, бь тʹеле, йан жи рʹева шәʹдәти бьди

• Пек бинә. Һәрге дьвини кö мәрьв һʹәwаса хwә дайә кʹьфше, паш нәхә у зу сәрледане бькә. Чахе дьвини кö мәрьв ль сәр зьмане дьн хәбәр дьдә, кәсәк дькари бьвини, йе кö ль сәр зьмане wи хәбәр дьдә wәки аликʹарийе бьде. Бәрдәwам кә сәрледане бькә wи мәрьвирʹа, һʹәта кö хьзмәткʹаред кö ль сәр зьмане wи хәбәр дьдьн, бен (od 94 ¶39-40)

БЬНЬҺЕРʹӘ ВИДЕО БӘЛАКЬРЬНА МЬЗГИНИЙЕ «ЛЬ ЩИЙЕ ЛАПИ ДУРДА», У ПАШЕ ЩАБА WАН ПЬРСА БЬДӘ:

• 

  Хушк-бьра чаwа хwә һазьр кьрьн, сәва кö бькарьбьн хәбәр дьн тʹәви wан мәрийа йед кö дур дьжитьн? (1 Кр. 9:22, 23)

• 

  Чь чәтьнайада wана карьбун тәйах кьн?

• 

  Wана чь кʹәрәм стандьн?

• Тö чь дькари бьки, сәва кö бькарьби хәбәр ди тʹәви һе зедә мәрьва дь мьһала хwәда?