Хԝәде бона Тә Хәм Дькә
КʹЬТЕБА Пироз ширәтед лапә баш дьдә мә, чьмки әԝ ширәт жь Хԝәде нә. Рʹаст ә әԝ нә кʹьтеба медисинайе йә, ле әԝ бь щурʹе лапи мәхсус дькарә али мә бькә, кӧ бәр стресе тәйах кьн. Ӧса жи һьмбәри фькьр, емосийед негатив у нәхԝәшийа физики шәрʹ кьн.
Кʹьтеба Пироз мә дьдә баԝәркьрьне кӧ Әʹфьрандаре мә Йаһоԝа Хԝәде,a жь һʹәмуйа четьр һәст у фькьред мә фәʹм дькә. Әԝ тʹьме һазьр ә һʹәму чәтьнайада али мә бькә. Мәсәлә, бьфькьрьн дәрһәԛа дӧ рʹезед жь Кʹьтеба Пироз, йед кӧ бәрдьлийе дьдьн:
«Хӧдан незики дьлшкәстийа йә у мәʹрьм-бәләнгаза дьдәбьринә» (ЗӘБУР 34:18).
«Чьмки әз, Хԝәдайе тә Хӧдан, бь дәсте тә йе рʹасте дьгьрьм. Йе кӧ жь тәрʹа дьбежә: ‹Нәтьрсә, әзе жь тәрʹа бьбьм аликʹар› әз ьм» (ИШАЙА 41:13, ИМ).
Ле диса жи чаԝа Йаһоԝа дькарә али мә бькә, кӧ әм бәр нәхԝәшийед емосийали тәйах кьн? Готаред дьнда һуне пебьһʹәсьн кӧ чаԝа Йаһоԝа нишан дькә, ԝәки һʹәму алийава бона мә хәм дькә.
a Йаһоԝа, наве Хԝәде йә (Зәбур 83:18).