Рʹебәри бона Леколине

Пешийе Тӧ Чь Дькари Леколин ки?

Ԝәʹде мә һʹәмуйа бона леколина шәхси синоркьри йә. Гәло әм чаԝа дькарьн әв ԝәʹдә бь щурʹе лапи баш бьдьнә хәбате? Йа пешьн, епʹещә ԝәʹдә бона ве йәке вәԛәтинә. Дәԝса кӧ тӧ гәләк информасийа зу-зу бьхуни, дьһа баш ә, ԝәки тӧ әʹдәбйәта кʹур леколин бьки.

Паше, бьфькьрә кӧ тьште лапә фәрз чь йә (Әфәси 5:15, 16). Вьра чәнд ширәтед керһати һатьнә дайине:

• Кʹьтеба Пироз һәр рʹож бьхунә (Зәбур 1:2). Тӧ дькари бь бәрнама хԝәндьна Кʹьтеба Пироз дәстпеки, йа кӧ бона щьвина Мина Иса Бьжин у Хьзмәт кьн һатийә дайине.

• Хԝә бона Леколина Бьрща Ԛәрәԝьлийе у щьвина Мина Иса Бьжин у Хьзмәт кьн һазьр кә у ӧса жи щабед хԝә бона щьвате һазьр кә (Зәбур 22:22).

• Жь кʹәрәма хԝә, ԝәʹдә вәԛәтинә кӧ журнал, видео у әʹдәбйәтед сәр jw.org бьхуни йан бьньһерʹи.

• Ве тʹемайе леколин кә, йа кӧ тәрʹа һʹәԝас ә. Бәʹса хәбәре тӧ дькари тʹемаке дәрһәԛа проблема хԝә леколин ки, дәрһәԛа пьрсәке кӧ щәм тә пешда һатийә, йан жи пʹарәкә жь кʹьтеба Пироз, йа кӧ тӧ дьхԝази дьһа баш фәʹм бьки.