Хьзнед Рʹӧһʹани Бьвинә у жь Ԝана Кʹаре Бьстинә

Гава тӧ Кʹьтеба Пироз дьхуни, хьзнед рʹӧһʹани бьгәрʹә. Гәло тӧ чаԝа дькари жь ве легәрʹине һе зедә кʹаре бьстини?

Кʹур лекʹолин кә: Пʹарәке кӧ тӧ дьхуни кʹур лекʹолин бькә. Мәсәлә, бьньһерʹә һәла кʹе әв пʹар ньвиси, бона кʹе у кʹәнге һатийә ньвисаре. Тедәрхә кӧ ԝе дәме һʹал чаԝа бу у фәʹм кә кӧ пешийе у паше чь ԛәԝьми.

Дәрса һин бә: Сәр пьрсед ӧса бьфькьрә: «Чь сәр хԝә тʹәхмин дькьрьн, ван мәрьва дәрһәԛа кʹе жи әз дьхуньм? Кʹижан һʹӧнӧред ԝан һәбун? Чьма лазьм ә кӧ әз ван һʹӧнӧра щәм хԝә пешда биньм, йан жи хԝә дур бьгьрьм?»

Ван дәрса бьдә хәбате: Тьштед кӧ тӧ һин буйи бьдә хәбате, мәсәлә хьзмәтийеда йан шьхӧлед дьнда. Гава тӧ ӧса дьки, тӧ нишан дьки ԝәки биланийа Хԝәде гьһиштийә дьле тә (Зәбур 107:43).

• Ширәт: Дина хԝә бьде кӧ пʹара хьзнед Кʹьтеба Пироз йа Фькьред Ԛимәт жь Хәбәра Хԝәде чаԝа али мә дькә, ԝәки әм тьштед кӧ әм һин дьбьн, бьдьнә хәбате. Ве пʹареда, гәләк щара пьрсед кӧ әм дькарьн жь хԝә бьпьрсьн, фькьред кӧ әм дькарьн сәр ԝан кʹур бьфькьрьн у мәсәлед кӧ әм дькарьн лекʹолин бькьн һәнә.