К′ЬТЕБХАНӘЙА ОНЛАЙН йа Бьрща Qәрәwьлийе
К′ЬТЕБХАНӘЙА ОНЛАЙН
Йа Бьрща Qәрәwьлийе
К′öрди Кöрманщи (Кирили)
ö
  • һ
  • ә
  • w
  • q
  • ö
  • К′ЬТЕБА ПИРОЗ
  • Ә′ДӘБЙӘТ
  • ЩЬВАТ
  • w15 2/1 рʹупʹ. 17–20
  • Бәрдәԝан кьн бь Хирәт Даннасин кьн

Дәрһәqа wе йәке т′ö видео т′öнә

Бьбахшиньн, wәʹде вехьстьна видео шаши пешда һат.

  • Бәрдәԝан кьн бь Хирәт Даннасин кьн
  • Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә — 2015
  • Бьхунә ль Бьрща Ԛәрәԝьлийе
  • Бьнсәри
  • Т′емед Мина Wе
  • АЛИ ЙЕД НӘЩЕРʹЬБАНДИ БЬКӘ
  • ТʹӘВИ ҺӘВАЛԚӦЛЬХКʹАРЕ ХԜӘ ХӘБӘР ДӘ
  • ХԜӘРʹА БЬКӘ ХӘЙСӘТ ҺИНБУНА ШӘХСИ ДӘРБАЗ КИ
  • ГӦҺ БЬДӘ ШИРӘТА
  • НЕТЕД АԚЬЛ ДАЙНЬН ПЕШИЙА ХԜӘ
  • Тӧ Хьзмәтийа Хԝә бь Тʹәмами Тини Сери?
    Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) — 2019
  • Хьзмәтеда Шабуна Хԝә Ӧнда Нәкә
    Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) — 2021
  • Һин бә ԝәки дь Ԛӧльхкьрьнеда Һе Щерʹьбанди би; Аликʹарийе Бьдә Йед Тʹәзә
    Ԛӧльхкьрьна Мәйә Пʹадшатийе 2015
  • Хьзмәтийеда Чʹәʹв Бьдьнә Хирәта Иса
    Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә (Бона Һинбуне) —2025
Һе Зедә Бьньһер′ә
Бьрща Ԛәрәԝьлийе Дәрһәԛа Пʹадшатийа Йаһоԝа Әʹлам Дькә — 2015
w15 2/1 рʹупʹ. 17–20
Даннасинкʹар рʹасти ԝан дәрәща те: 1. Хԝәйе мале малда нинә; 2. Хԝәйе мале нәԛайил ә; 3. Хԝәйе мале һерс дькʹәвә

Бәрдәԝан кьн бь Хирәт Даннасин кьн

ИРО даннасинкьрьн шьхӧләкә гәләк фәрз ә. Һьлбәт, тӧ чаԝа ԛӧльхкʹаре Йаһоԝа, ԛимәт дьки ве йәке, кӧ тӧ жи дькʹәви нава шьхӧле һазьркьрьна шагьрта. Ле дьбәкә тӧ ԛайил би, ԝәки щар щара ԛӧльхкʹар йан жи пешәнг дькарьн хирәта хԝә һьндава даннасинкьрьне ӧнда кьн.

Даннасинкʹар ша дьбә чахе дәри дьхә

Чь дькарә али тә бькә ԝәки даннасинкьрьнеда хирәта хԝә ӧнда нәки?

Һьнә ԛӧльхкʹар дьлтәнг дьбьн жь бо ве йәке, кӧ ԝәʹде даннасинкьрьна мал бь мал, нькарьн мәрьварʹа хәбәр дьн. Мәʹни әԝ ә кӧ гәләк мәрьв малда ниньн. Йан жи хԝәйе мале һьндава мьзгинийа мә бетʹалаш ьн, йан дьбәкә бь дьжмьнати сәр мә бьньһерʹьн. Ле һьнәк жи, бәрхԝәдькʹәвьн жь бо ве йәке, кӧ мьһала ԝан гәләк мәзьн ә, у әԝана дьтьрсьн нькарьбьн шьхӧле хԝә хьлаз кьн. Ле һьнәк ԛӧльхкʹар жи, ида гәләк салә кӧ даннасин дькьн, ле ԛә һивийе ни бун кӧ һаԛас сал даннасинкьрьн ԝе лазьм бә, у ләма дьлтәнг дьбьн.

Щьмәʹта Йаһоԝа жь бо чәтьнайа, дькарә шьхӧле даннасинкьрьнеда шабуне ӧнда кә. У әм әʹщебмайи наминьн, ԝәки гәләк чәтьн ә мьзгинийа хере жь Хԝәде, даннасин кьн, чьмки дьнйа бьн һʹӧкӧме «йе хьрабда йә», демәк Шәйтʹан (1 Йуһʹәнна 5:19).

Ԝәʹде даннасинкьрьна мьзгинийа хере, тӧ рʹасти чь чәтьнайа жи бейи, баԝәр бә кӧ Йаһоԝа дькарә али тә бькә, ԝәки тӧ ԝан чәтьнайада тәйах ки. Ԝәрен әм пебьһʹәсьн һьнә ширәта, йе кӧ ԝе али мә бькьн, ԝәки хирәта хԝә даннасинкьрьнеда ӧнда нәкьн.

АЛИ ЙЕД НӘЩЕРʹЬБАНДИ БЬКӘ

Даннасинкʹаре щерʹьбанди дь даннасинкьрьнеда али йе нәщерʹьбанди дькә

Һәр сал, бь һʹәзара мәрьв тенә ньхӧмандьне, ԝәки Йаһоԝарʹа ԛӧльх кьн. Һәрге тӧ тʹәзә һати ньхӧмандьне, хушк у бьрайед кӧ гәләк сал ә даннасин дькьн у щерʹьбанди нә, ԝе али тә бькьн. Ле һәрге гәләк сал ә кӧ ԛӧльх дьки, тӧ дькари тьштәки ԛимәт бьки, демәк дь даннасинкьрьнеда али ԝан бьки кʹижан нәщерʹьбанди нә.

Иса заньбу кӧ шагьртед ԝирʹа рʹебәри лазьм ә, ԝәки даннасинкʹаред баш бьн, әԝи ԝанарʹа нишан дькьр кӧ ча гәрәке даннасин бькьн (Луԛа 8:1). Иро жи, лазьм ә әм али хушк бьра бькьн, ԝәки даннасинкʹаред баш бьн.

Әм гәрәке һивийе нибьн ԝәки даннасинкʹаре тʹәзә, һәрге дәрте сәр даннасинкьрьне, әԝ ԝе хԝәха һин бә у щерʹьбанди бә даннасинкьрьнеда. На, ԝирʹа лазьм ә дәрсдар, кʹижан кӧ ԝе бь һʹьзкьрьн у нәрм ԝи һин кә. Дәрсдар гәрәке ԝи һин кә ԝәки әԝ бьзаньбә чаԝа 1) пешанине һазьр кә, кӧ даннасинкьрьнеда бьдә хәбате, 2) хәбәрдане дәстпекә тʹәви хԝәйе мале йан жи рʹасти кʹе тен, 3) әʹдәбйәте бьдә, 4) һʹәԝаса мәрийа пешда бинә, у 5) дәстпекә һинбуна Кʹьтеба Пироз. Һәрге йе тʹәзә рʹьнд дина хԝә бьдә дәрсдар у чʹәʹв бьдә ԝи, әԝ йәк ԝе гәләк кʹаре бинә (Луԛа 6:40). Йе нәщерʹьбанди ԝе гәләк рʹази бә, һәрге һәвалԛӧльхкʹаре ԝи рʹьнд гӧһе хԝә бьдә ԝи, у һәрге лазьм ә али бькә. Әԝ ӧса жи ԝе кʹаре бьстинә һәрге пʹайе ԝи бьдьн у ширәтед керһати бьдьне (Ԝаиз 4:9, 10).

ТʹӘВИ ҺӘВАЛԚӦЛЬХКʹАРЕ ХԜӘ ХӘБӘР ДӘ

Даннасинкʹар һәвалԛӧльхкʹаре тʹәви хԝә хәбәрдә

Дьбәкә тӧ һʹәму тьшти дьки кӧ ԝәʹде даннасинкьрьне хԝәйе малерʹа бькʹәви хәбәрдане. Ле әԝ жи фәрз ә кӧ тʹәви һʹәвалԛӧльхкʹаред хԝә хәбәр ди. Бира хԝәда хԝәй кә ԝәки, Иса шагьрт «дӧдӧ-дӧдӧ» дьшандә сәр даннасинкьрьне (Луԛа 10:1). Бь ве йәке ԝана дькарьбун һәвдӧ бьшьдиньн у һелан кьн. Демәк чахе әм тʹәви хушк у бьра дәртен сәр даннасинкьрьне, әԝ ԝәʹдә мәрʹа мәщаләкә баш ә ԝәки әм «дьл бьдьн бәр һәв» (Рʹомайи 1:12).

Ле дәрһәԛа чь һун дькарьн һәврʹа хәбәрдьн? Ԝан пашԝәхьтийада ԛәԝьмандьнед һʹәԝас тʹәви ԝә кәсәки ԛәԝьми нә? Йан жи ԝәʹде һинбуна шәхси йан ԛӧльхкьрьна тʹәви малбәте, тʹемәк гәләк ԝә хԝәш һатийә? Йан дьбәкә сәр щьвате фькьрәкә баш ԝә бьһист, бь кʹижани һун шьдийан. Щара, дьбәкә тӧ тʹәви ԝи мәрьви даннасин ки, тʹәви кʹижани кӧ нә һәргав даннасин дьки. Һьнге тӧ дькари ԝе бьпьрси, һәла әԝ ча һатийә нава рʹастийе? Әԝи ча баԝәр кьрийә, кӧ тʹәшкиләта Шәʹдед Йаһоԝа, әԝ һәйә тʹәшкиләта Хԝәде? Әԝ кӧ Шәʹдед Йаһоԝа йә, чь ԛәдьр стандийә у чь ԛәԝьмандьнед шьдандьне тʹәви ԝи ԛәԝьминә? Һун дькарьн ԛәԝьмандьнед хԝә жи гьли кьн. Чахе тʹәви кәсәки дәртейи сәр даннасинкьрьне, фьрԛи тʹӧнә мәрьв гӧһ дьдьнә ԝә йан на, әԝ ԝәʹдә мәщаләкә баш ә ԝәки «аликʹарийа һәвдӧ бькьн» (1 Тʹесалоники 5:11).

ХԜӘРʹА БЬКӘ ХӘЙСӘТ ҺИНБУНА ШӘХСИ ДӘРБАЗ КИ

Даннасинкʹар һинбуна хԝәйә шәхси дәрбаз дькә

Һәрге әм нәхԝазьн хирәта хԝә ӧнда кьн дь даннасинкьрьнеда, әм гәрәке хԝәрʹа бькьнә хәйсәт һинбуна шәхси дәрбаз кьн у леколина бькьн. «Хӧламе амьн у сәрԝахт» бона мә щурʹә-щурʹә тʹема дәрдьхә (Мәтта 24:45). Демәк бона мә гәләк тʹема һәнә, кʹижан кӧ әм дькарьн леколин бькьн у рʹӧһʹани тʹер бьн. Ԝәрен әм хәбәрдьн дәрһәԛа тʹемәки кʹижан кӧ ԝе баш бә әм леколин кьн ԝәʹде һинбуна шәхси: «Чьрʹа даннасинкьрьна мьзгинийа Пʹадшатийе гәләк фәрз ә?» Дина хԝә бьдьн ве чаргоше, кʹидәре кӧ һатийә ньвисаре һьнә мәʹни кӧ чьрʹа әԝ йәк фәрз ә.

Һәрге тӧ бьхуни әԝе чаргоше, әԝ дькарә тә һелан кә кӧ бәрдәԝан ки бь хирәт даннасин ки. Тӧ дькари ԝәʹде һинбуна шәхси леколин бьки, кӧ диса чь мәʹни һәнә ԝәки даннасинкьрьна мьзгинийа Пʹадшатийе гәләк фәрз ә. Паше бьфькьрә сәр ԝан мәʹнийа у сәр рʹезед жь Кʹьтеба Пироз, кʹижан кӧ избат дькьн әве йәке. Бь ԝи щурʹәйи тӧйе һе зедә бьхԝази кӧ бь хирәт даннасин ки.

ГӦҺ БЬДӘ ШИРӘТА

Дӧ даннасинкʹар бона даннасинкьрьне пешанине һазьр дькьн

Тʹәшкиләта Йаһоԝа тʹьме мәрʹа ширәта дьдә, йед кӧ али мә дькьн ԝәки даннасинкьрьна хԝә һе баш кьн. Хенщи даннасинкьрьна мал бь мал, әм дькарьн бь щурʹәки дьн жи даннасин кьн. Мәсәлә, пе нәʹме, пе тʹеле, даннасин кьн кʹуче йан дь щийед кӧ гәләк мәри һәнә, у ӧса жи даннасинкьрьна нәформал йан жи щийед кʹаркьрьне. Һьн жи, әм дькарьн шьхӧле хԝә ӧса бьгӧһезьн кӧ бькарьбьн даннасин кьн ԝан щийа, кʹидәре кӧ һьндьк те даннасинкьрьне.

Һун һазьр ьн кӧ әԝан ширәта бьдьнә хәбате у бь ԝан щурʹа даннасин кьн? Әԝед кӧ әԝ ширәт данә хәбате, бәред баш анинә у шабун стандьнә. Ԝәрен әм бьньһерʹьн се мәсәла.

Мәсәла пешьн мәрʹа нишан дькә, кӧ чьԛас баш ә чахе ширәта дьдьнә хәбате, кʹижан кӧ дь «Ԛӧльхкьрьна Мәйә Пʹадшатийеда» һәнә. Хушк бь наве Еприл, дайә хәбате ширәта дь «Ԛӧльхкьрьна Мәйә Пʹадшатийеда», дәрһәԛа ве йәке кӧ чаԝа дәстпекьн һинбуна Кʹьтеба Пироз. Әԝе се һәвалхәбаткʹаред хԝә тʹәглиф кьр кӧ һинбуна Кʹьтеба Пироз дәрбаз бьн, у әԝ әʹщебмайи ма чахе ԝан се мәрьва, дәстпекьрьн һинбуна Кʹьтеба Пироз, у һьн жи дәстпекьрьн бенә сәр щьвате.

Мәсәла дӧда, ширәт дәрһәԛа бәлакьрьна әʹдәбйәтед мә. Дь «Ԛӧльхкьрьна Мәйә Пʹадшатийеда» һәбу ширәт кӧ әм журнале бь тʹемайа бьжберьн, ԝәки кʹижан тʹема мәрийарʹа ԝе һʹәԝас бә. Бәрпьрсийаре мьһале дь Америкайеда, әԝ ширәт дайә хәбате. Әԝи дь мьһала хԝәда, журнала «Һʹьшийар Бьн» кʹижанеда кӧ һәбу тʹема дәрһәԛа чәрхед әʹрәбе, дайә һʹәму менещеред дькʹана чәрха. Әԝи ӧса жи тʹәви жьна хԝә, журнала бь рʹеза готара, дәрһәԛа ԛимәткьрьна шьхӧле һʹәкима, 100 зедәтьр нәхԝәшханед мьһала хԝәда бәла кьрьнә. Әԝ гьли дькә: «Бь сайа даннасинкьрьна ӧса, гәләк мәрьв һьн дәрһәԛа шьхӧле мә, һьн жи дәрһәԛа әʹдәбйәтед мә пеһʹәсийанә. Ӧса жи бь сайа һәләԛәтийа һәвалти, мәрʹа мәщал чебу кӧ диса рʹасти ԝан мәрьва бен».

Мәсәла сьсийа, әԝ һәйә дәрһәԛа даннасинкьрьна пе тʹеле. Хушк бь наве Щуди, Бәйтʹәла Америкайерʹа нәʹмәк ньвиси, ԝәки нишан кә рʹазибуна хԝә дәрһәԛа ԝе һеланкьрьне кӧ пе тʹеле даннасин кьн. Әԝ дьбежә кӧ дийа ԝе 86 сали йә у гәләк нәхԝәшийе ԝе һәнә, ле тʹьме пе тʹеле даннасин дькә. У әԝ шабунәкә гәләк мәзьн дьстинә, чьмки тʹәви жьнәкә 92 сали һинбуна Кʹьтеба Пироз дәрбаз дькә.

Ширәтед кӧ дь әʹдәбйәтед мәда һәнә, гәләк керһати нә. Әԝан ширәта бьдә хәбате. Әԝ йәк дькарә али тә бькә ԝәки дь даннасинкьрьнеда шабун у хирәта хԝә хԝәй ки.

НЕТЕД АԚЬЛ ДАЙНЬН ПЕШИЙА ХԜӘ

Пешдачуйин дь даннасинкьрьнеда бь ԝе йәке найе чапкьрьне, һәла әм чьԛас журнал бәла дькьн, чьԛас һинбуна Кʹьтеба Пироз әм дәрбаз дькьн, йан жи чьԛас мәри бь сайа мә дьбьнә ԛӧльхкʹаре Йаһоԝа. Ԝәрен әм дьшьрмиш бьн һәла хенщи малбәта Нӧһ, диса кʹе бь сайа даннасинкьрьна ԝи, бу ԛӧльхкʹаре Йаһоԝа. Ԛә тʹӧ кәс, ле йәкә Нӧһ даннасинкʹарәки баш бу. Йа лапә фәрз әԝ ә, кӧ әм амьн ԛӧльх кьн Йаһоԝарʹа (1 Корьнтʹи 4:2).

Гәләк ԛӧльхкʹара тʹәхмин кьрьн, кӧ сәва кӧ әԝана даннасинкьрьнеда шабуна хԝә ӧнда нәкьн, ԝанарʹа лазьм ә нетед аԛьлайи дайньн пешийа хԝә. Мәсәлә әм чь нете дькарьн дайньн пешийа хԝә? Дәрһәԛа һьнәк жь ԝан нета ньвисар ә дь чаргошеда сәр ве рʹупʹеле.

Бь аликʹарийа Йаһоԝа даннасинкьрьна ԝә ԝе керһати у бь бәре баш бә. Чахе тӧ бьгьһижи нетед хԝә, тӧйе шабун у рʹьһʹәтийе тʹәхмин ки, чьмки тӧ зани кӧ һʹәму тьшти дьки, сәва кӧ мьзгинийа хере даннасин ки.

Бәле, даннасинкьрьна мьзгинийа хере һеса нинә. Ле, һәрге тӧ әԝан ширәта бьди хәбате, тӧйе бькарьби бьби даннасинкʹаре бь хирәт. Ԝәʹде даннасинкьрьне тʹәви һәвалԛӧльхкʹаре хԝә хәбәрдә, хԝәрʹа бькә хәйсәт һинбуна шәхси дәрбаз ки, бьдә хәбате ширәтед хӧламе амьн, у нетед аԛьлайи дайнә пешийа хԝә. Бира хԝәда хԝәй кә, кӧ Хԝәде ԛәдьр дайә тә кӧ бьби шәʹде ԝи у даннасин ки мьзгинийа хере (Ишайа 43:10). Әме шабунәкә чьԛас мәзьн бьстиньн, һәрге әм бь хирәт бәрдәԝан кьн даннасин кьн!

ЧЬРʹА ӘМ ГӘРӘКЕ ДАННАСИНКЬРЬНЕДА ХИРӘТА ХԜӘ ӦНДА НӘ КЬН?

  • Бь сайа даннасинкьрьне, пʹехәмбәртийа жь Кʹьтеба Пироз те сери (Марԛос 13:10).

  • Чахе әм шьхӧле һазьркьрьна шагьрта дькьн, әм гӧһдарийа хԝә нишан дькьн (Мәтта 28:19, 20).

  • Йаһоԝа дьхԝазә пешда бежә мәрьвед зӧлм, ԝәки әԝана жь жийина хԝәйә нәрʹаст ԝе бәред хьраб бьчьньн (Һәзәԛел 3:19).

  • Әм борщдар ьн кӧ мьзгинийа хере әʹлами мәрийа кьн (Кʹаред Шандийа 20:26, 27; Рʹомайи 1:14, 15).

  • Даннасинкьрьн мә хԝәй дькә, ԝәки хуна мәрьва нәкʹәвә стийе мә (Һәзәԛел 3:18).

  • Даннасинкьрьна Хәбәра Хԝәде, һьн дькарә мә хьлаз кә, һьн жи мәрьвед дьн (1 Тимотʹейо 4:16).

  • Хәбәрдана дәрһәԛа Хԝәде у рʹумәткьрьна ԝи бәр мәрьва, әԝ һәйә пʹарәк жь ԛӧльхкьрьна мә (Ибрани 13:15).

  • Бь шьхӧле даннасинкьрьне, әм һьндава Йаһоԝа у Иса һʹьзкьрьна хԝә дьдьнә кʹьфше (Йуһʹәнна 14:15; 1 Йуһʹәнна 5:3).

  • Бь сайа даннасинкьрьне әм әʹйан дькьн дәрәԝед Шәйтʹан дәрһәԛа Йаһоԝа (Ишайа 43:10-12; 2 Корьнтʹи 4:4).

НЕТЕД АԚЬЛ ДАЙНӘ ПЕШИЙА ХԜӘ

  • Бәрнама даннасинкьрьна һәр һʹәфти саз кә, у ԛәԝате бьдә хәбате ԝәки пәй ԝе бәрнаме һәрʹи.

  • Һʹәму мәщала бьдә хәбате ԝәки һинбуна Кʹьтеба Пироз дәстпеки.

  • Һәрге дәст дьдә, ԝәʹде хәбәрдане хԝәйе малерʹа, гоне рʹезәкә жь Кʹьтеба Пироз бьхунә.

  • Бьхәбьтә кӧ һе зедә журнал бәла ки.

  • Сәрледана дӧбарә бькә ԝанрʹа, кʹе гӧһ да мьзгинийа Пʹадшатийе.

  • Шьхӧлкʹарийе бькә дь щурʹә-щурʹә ԛӧльхкʹарийеда.

  • Хԝәха мәщале чекә ԝәки нәформал даннасин ки.

    Әʹдәбйәтед Кʹӧрди Кӧрманщи (2011-2025)
    Дәрк′әвьн
    Бьк′әвьн
    • К′öрди Кöрманщи (Кирили)
    • Бьшиньн
    • Бьqәйдәкьрьн
    • Copyright © 2025 Watch Tower Bible and Tract Society of Pennsylvania
    • Qәйде Хәбьтандьне
    • Политика Конфиденсийалийе
    • Гöһастьна Конфиденсийалийе
    • JW.ORG
    • Бьк′әвьн
    Шандьн