Һин бә ԝәки дь Ԛӧльхкьрьнеда Һе Щерʹьбанди би; Аликʹарийе Бьдә Йед Тʹәзә
Әв Йәк Чьрʹа Фәрз ә: Йед тʹәзә гәрәке һин бьн «һʹәму тʹәмийед» кӧ Иса данә, бьԛәдиньн. Мәсәлә нава ве йәкеда дькʹәвә әԝ, кӧ йед дьнена рʹастийе һин кьн (Мәт. 28:19, 20). Гәләка жь йед тʹәзә ида щерʹьбанди бунә у дь Мәкʹтәба Даннасинкьрьнеда кʹар дькьн. Әԝана ӧса жи ида дькарьн нәфәред мала хԝәрʹа у һәвалед хԝәрʹа, нәформал шәʹдәти бьдьн. Хенщи ԝе йәке чахе әԝана дьԛәдиньн әԝе йәке чь кӧ һин дьбьн у педьһʹәсьн ԝәки Йаһоԝа дьхԝазә кӧ мәрьвед жь һʹәму мьләта мьзгинийа хере бьбьһен, һьнге әԝана хԝәха жи дьхԝазьн дәркʹәвьн даннасинкьрьне (Рʹом. 10:13, 14). Паши ԝе йәке чахе әԝана дьбьнә ԛӧльхкʹаред нәньхӧманди, һьнге һинкьрьна баш дькарә али ԝан бькә һе хирәт бьн у рʹӧһʹанида пешда һәрʹьн (Луԛа 6:40).
Әве Йәке ве Мәһеда Бьдә Хәбате:
Тʹәви шагьрте хԝә мал бь мал дәркʹәвә даннасинкьрьне, у паше тʹәви ԝи жи һәрʹә ль сәр сәрледане йан һинкьрьна Кʹьтеба Пироз. Һәрге шагьрте тә тʹӧнә, дькари кәсәки тʹәви хԝә тʹәглиф ки, йе кӧ рʹӧһʹанида щерʹьбанди нинә, у тʹәви ԝи шьхӧлкʹарийе бькә.