Wана Һин кә Нәсәкьньн у Тʹьме Йаһоwаʹра Хьзмәт кьн

Чаwа һатә кʹьфше, хьзмәткʹаред ну кʹижана кö сәре-серида һин кьрьн бь хирәт хьзмәт кьн, ль ахьрийе бунә хьзмәткʹаред щерʹьбанди (Мтʹл. 22:6; Флп. 3:16). Жере тенә дайине чәнд ширәт, кö чаwа тö дькари аликʹарийе бьди шагьрт, wәки һʹиме хьзмәтийа хwә, баш кә:

• Чахе шагьрт дәстур станд бьбә мьзгинван, һьнгева дәстпекә wи һин кә (km 8/15 1). Wирʹа бьдә кʹьфше кö чьqас фәрз ә һәр һʹәфтийе әw дәре хьзмәте (Флп. 1:10). Чахе гьли дьки дәрһәqа шәʹдәтикьрьне, гәрәке тьштед баш гьли ки (Флп. 4:8). Öса жи әw һелан кә шьхöлкʹарийе бькә тʹәви бәрпьрсийаре кʹоме у хьзмәткʹаред дьн, сәва кö жь wана һин бә у кʹаре бьстинә (Мтʹл. 1:5); (km 10/12 6 ¶3).

  

• Чахе шагьрт һатә ньхöмандьне, диса жи нәсәкьнә у бәрдәwам кә wи һелан кә у һин кә хьзмәтеда, илаки һәрге әwи һе хьлаз нәкьрийә һинкьрьна кʹьтебе «Хwә Нава Һʹьзкьрьна Хwәдеда Хwәй кә» (km 12/13 7).

  

• Чахе тö тʹәви хьзмәткʹарәки ну дәрдькʹәви хьзмәте, пешанинед һеса бьдә хәбате. Чахе әw пешанина дькә, бь дьл у щан пʹайе wи бьдә. Дькари öса жи дина wи бьди ль сәр wе йәке, кö чь дькарә али wи бькә даһа щерʹьбанди бә (km 5/10 7).