Гәло Чәтьнайед Алийе Пʹәра ԝе Кʹәнге Кʹӧта бьн?
Щурʹә-щурʹә ԝәлатада мәрьв дәрдькʹәвьн мәша, чьмки алийе аборийеда һʹале ԝәлате ԝан хьраб ә. Әв проблемед аборийева гьредайи жь бо пандәмийа COVID-19 дьһа хьраб бун, чьмки жь бо карантине, щурʹә-щурʹә кемасийа тьштед лазьм у медисина хьраб, мәрьв дьһа дьлтәнг бун. Әван һʹәму тьшта фьрԛийа ортʹа мәрьвед дәԝләти у кʹәсиб дьһа мәзьн кьр.
Гәло проблемед аборийева гьредайи, чь кӧ мә гәләк дьлтәнг дькьн, ԝе бенә сафикьрьне? Бәле. Кʹьтеба Пироз шьровәдькә, кӧ Хԝәде ԝе чь бькә, сәва кӧ ԝан проблема сафи кә.
Проблемед аборийева гьредайи, кʹижан кӧ Хԝәде ԝе сафи кә
Проблем: Тʹӧ системәкә аборийейә ӧса тʹӧнә, кʹижан кӧ һʹәԝщед һʹәму мәрийа рʹази кә.
Сафикьрьн: Хԝәде ԝе дәԝса сәрԝертийед мәрьва, сәрԝертийа хԝә кʹьфш кә, демәк Пʹадшатийа Хԝәде. Әԝ ԝе жь әʹзмен сәр әʹрдерʹа сәрԝертийе бькә (Данийел 2:44; Мәтта 6:10).
Ахьри: Пʹадшатийа Хԝәде, сәрԝертийа һʹәмдьнйайе йә, ләма жи әԝ ԝе бь щурʹе дьһа баш проблемед һʹәму мәрийа сафи кә. Мәрьв ԝе тʹӧ щар кʹәсибийеда нәжин у жь бо проблемед аборийе нәчәрчьрьн (Зәбур 9:7-9, 18). Дәԝсе әԝана ԝе жь кʹәда дәсте хԝә ләзәте бьстиньн, жийина ԝан у нәфәред ԝан ԝе бь бәхтәԝарийе тʹьжә бә. Кʹьтеба Пироз соз дьдә: «Ԝе мала чекьн у ле рʹунен, ԝе рʹәза дайньн у фекийе ԝан бьхԝьн. Ԝе кәсед дьн ль малед кӧ ԝан чекьрьнә рʹунәнен, ԝе кәсед дьн жь рʹәзед кӧ ԝан данийә нәхԝьн» (Ишайа 65:21, 22, ИМ).
Проблем: Мәрьв нькарьн хԝә жь ԝан ԛәԝьмандьна хԝәй кьн, йед кӧ кӧл-дәрда у кʹәсибийе пешда тиньн.
Сафикьрьн: Хԝәде бь сайа Пʹадшатийа хԝә ԝе һәр тьштед кӧ тьрсе пешда тиньн, бьдә һьлдане.
Ахьри: Бьн сәрԝертийа Пʹадшатийа Хԝәде мәрьв ԝе кемасийа тʹӧ тьшти сәр хԝә тʹәхмин нәкьн. Мәсәлә, шәрʹ, кемасийа хԝарьне, у пандәмийа ԝе ида тʹӧнә бьн (Зәбур 46:9; 72:16; Ишайа 33:24). Хԝәде дьбежә: «Ԝе гәле мьн ль ԝаре аштийе, ль авайед әԝлә у ль дәред рʹьһʹәт у бехәм рʹуне» (Ишайа 32:18, ИМ).
Проблем: Гәләк щар мәрьвед хԝәһʹьз у тьма мәрьвед дьн бона кʹара хԝә дьдьнә хәбате.
Сафикьрьн: Бьнәлийед Пʹадшатийа Хԝәде ԝе һин бьн һʹьзкьрьна рʹаст бьдьнә кʹьфше у бәри пешьн бона һʹалхԝәшийа мәрьва бьфькьрьн (Мәтта 22:37-39).
Ахьри: Бьн сәрԝертийа Пʹадшатийа Хԝәде һәр кәс ԝе һʹьзкьрьна рʹаст әʹйан кә, кʹижан кӧ «йа хԝә нагәрʹә» (1 Корьнтʹи 13:4, 5). Кʹьтеба Пироз дьбежә: «Ԝе тʹӧ кәс ль сәр тʹәвайа чʹийайе мьни пироз, хәсаре [зьраре] нәдә у ԝеран нәкә. Чьмки чаԝа ав дәрйайа [бәʹр] тʹьжә дькә, дьнйа жи ԝе бь занина Хӧдан [Йаһоԝа, ДТʹ]a тʹьжә бьбә» (Ишайа 11:9, ИМ).
Кʹьтеба Пироз шьровәдькә, кӧ әм рʹожед ахьрийейә ве дьнйа нәһәԛда дьжин, у кӧ зутьрәке Хԝәде ԝе созе хԝә бинә сери у проблемед аборийева гьредайи сафи кәb (Зәбур 12:5). Ле һʹәта һьнге, принсипед Кʹьтеба Пироз ида ньһа дькарьн али мә бькьн, кӧ проблемед аборийева гьредайи сафи кьн. Мәсәлә, бьньһерʹә готар «Ча пе Пʹәре Һьндьк Әʹбура Хԝә Бькьн?» у «Ньһерʹандьна Рʹаст сәр Пʹәра».
a Йаһоԝа наве Хԝәде йә, кʹижан кӧ Кʹьтеба Пироз әʹйан дькә (Зәбур 83:18).
b Сәва кӧ пебьһʹәсьн, кӧ чьма һун дькарьн итʹбарийа хԝә Кʹьтеба Пироз биньн, бьньһерʹьн готар «Кʹьтеба Пироз; Канийа Рʹастийе йә».