Русйа Украине Зәфт Дькә

Рʹаст ә гәләк сәрԝеред дьнйайе дьхԝәстьн, ԝәки шәрʹ дәстпенәбә, ле йәкә шәбәԛе зу, 24 Сьбате, сала 2022, ордийа Русйайе дәстпекьр Украине зәфт кә. Гәло әԝ шәрʹ ча дькарә сәр дьнйайе һʹӧкӧм кә? Секретаре сәрәкә йе тʹәшкиләта Мьләтед Йәкбуйи, Антонйо Гӧтеррес, чәнд рʹож пешда ӧса готьбу: «Чәрчьрандьна мәрьва, ԝеранкьрьн, зьрардайина мәрьвед Әԝропайерʹа у бехофийа һʹәмдьнйайе, ԝе ӧса гьран бә, кӧ әм нә жи дькарьн бьдьнә бәр чʹәʹве хԝә».

Гәло ль гора Кʹьтеба Пироз ԛәԝьмандьнед ӧса чь тенә һʹәсабе?

• Иса пʹехәмбәрти кьрьбу, ԝәки «мьләте рʹабә ль сәр мьләт, пʹадшати ль сәр пʹадшатийе» (Мәтта 24:7). Бьхунә готар бь наве «Гәло Чь йә ‹Нишана Рʹожед Ахьрийе›?», сәва кӧ пебьһʹәси һәла Кʹьтеба Пироз ча нишан дькә, ԝәки шәрʹед иройин пʹехәмбәртийа Иса тиньн сери.

• Кʹьтеба Әʹйанти шәрʹед дьнйайе бь симболик бәрамбәри «һәспәки ... рʹәнге зәр» дькә, йе кӧ «әʹдьлайийе жь дьнйайе» һьлдьдә (Әʹйанти 6:4). Бьхунә готар бь наве «Чар Сийар бь Рʹасти Кʹи нә?», сәва кӧ пебьһʹәси чаԝа әв пʹехәмбәрти шәрʹед иройинва гьредайи йә.

• Кʹьтеба Данийелда шәрʹе ортʹа «пʹадше бакӧре» у «пʹадше башуре» һатьбу пʹехәмбәртикьрьне (Данийел 11:25-45, ИМ). Бьньһерʹә видео бь наве «Пʹехәмбәртийа жь Данийел Сәре 11 кӧ Һатә Сери», у пебьһʹәсә кӧ чьрʹа әм дькарьн Русйа у пьштгьред ве һʹәсаб кьн ча «пʹадше бакӧре».a

• Кʹьтеба Әʹйанти ӧса жи бәʹса шәрʹе «Рʹожа Мәзьнә Хԝәдейе Һʹәму Зорайийе» дькә (Әʹйанти 16:14, 16). Ле әв шәрʹ, нә мина шәрʹе ортʹа мьләтада йә. Бьхунә готар бь наве «Һармәгәдон Чь йә?», сәва кӧ һе зедә пебьһʹәси дәрһәԛа ве ԛәԝьмандьне, йа кӧ ԝе ахьрийеда бьԛәԝьмә.

Чьрʹа Һун Дькарьн Ахьрийе Нәтьрсьн?

• Кʹьтеба Пироз дьбежә, ԝәки Хԝәде ԝе «шәрʹа» бьдә сәкьнандьне (Зәбур 46:9). Бьхунә готар бь наве «Һевийа Баш бона Рʹожа Сьбе», сәва кӧ дәрһәԛа созед Хԝәде һе зедә пебьһʹәси.

• Иса шагьртед хԝә һин дькьр, ԝәки бона һатьна Пʹадшатийа Хԝәде дӧа бькьн (Мәтта 6:9, 10). Әв Пʹадшати сәрԝертийа әʹзмани йә, йа кӧ ԝе ԛьрара Хԝәде һьндава әʹрде бинә сери у әʹдьлайа сәр әʹрде жи дькʹәвә нава ве йәке. Сәва кӧ һе зедә дәрһәԛа Пʹадшатийа Хԝәде пебьһʹәси, бьньһерʹә видео бь наве «Чь йә Пʹадшатийа Хԝәде?».

Украинеда 129 000 зедәтьр Шәʹдед Йаһоԝа дьжин. Мина Шәʹдед Йаһоԝа жь ԝәлатед дьн, әԝана жи чʹәʹв дьдьнә Иса ве йәкеда, кӧ һьндава политике тʹәвнәбуйине хԝәй дькьн у тʹӧ щар начьнә шәрʹ (Йуһʹәнна 18:36). Нава тʹәмамийа дьнйайеда Шәʹдед Йаһоԝа бәрдәԝам дькьн «Мьзгинийа Пʹадшатийе» бәла кьн у дьбежьн кӧ тʹәне Пʹадшатийа Хԝәде ԝе проблемед инсанәте сафи кә, демәк шәрʹа жи бьдә һьлдане (Мәтта 24:14). Әм тә тʹәглиф дькьн, ԝәки тʹәви мә текли би у дәрһәԛа һевийа кӧ Кʹьтеба Пироз дьдә һе зедә пебьһʹәси.