Чаԝа Хԝәде сәва Мәрьвед Кәрʹ Хәм Дькә
Нав тʹәмамийа дьнйайеда ԝәкә 70 милйон мәрьвед кәрʹ һәнә у зедәтьри 200 зьманед кәрʹ-лала һәнә. Мәрьвед кәрʹ гәләк щар хԝә дьлтәнг тʹәхмин дькьн. Әв йәк жь канийед кӧ жере һатьнә дайине әʹйан дьбә:
«Нав тʹәмамийа дьнйайеда мафе мәрьвед кәрʹ у йед гӧһада гьран, тенә тʹәрʹьбандьне»—National Association of the Deaf (U.S.).
«Һьнә ԝәлатед кʹәсибда мәрьвед лапи фәԛир, мәрьвед кәрʹ ьн. Әԝана нькарьн информасийайе, хԝәндьне у хәбата лайиԛ бьстиньн»—World Federation of the Deaf.
Ньһерʹандьна Хԝәде сәр мәрьвед кәрʹ чаԝа йә? Кʹьтеба Пирозда дәрһәԛа мәрьвед кәрʹ чь те готьне? Чаԝа иро Шәʹдед Йаһоԝа али ԝан дькьн?
Чаԝа Хԝәде Сәр Мәрьвед Кәрʹ Дьньһерʹә
Кʹьтеба Пироз дьдә кʹьфше, ԝәки Йаһоԝаa Хԝәде сәва мәрьвед кәрʹ хәм дькә. Әԝ дьхԝазә ԝәки мәрьв һьндава ԝанда ԛәнщ бьн у кӧ мәщала ԝан һәбә ԝәки занәбуне дәрһәԛа Хԝәде бьстиньн.
Рʹез: «Ньфьрʹа ль йе кәрʹ нәки» (Ԛануна Кʹаһинтийе 19:14).
Әв чь те һʹәсабе: Ԛануна Йаһоԝа бона Исраела бәре мафе мәрьвед кәрʹ дьпʹараст.
Рʹез: «Хԝәде рʹасти жи фьрԛийе накә нава мьләта» (Кʹаред Шандийа 10:34).
Әв чь те һʹәсабе: Йаһоԝа хәм дькә бона мәрьвед жь һʹәму мьләт, бәрәк у зьмана, нав ԝанда мәрьвед кәрʹ жи дькʹәвьн.
Рʹез: «Иса һʹәму гӧнда у бажара дьгәрʹийа, . . . мьзгинийа Пʹадшатийе бәла дькьр» (Мәтта 9:35).
Әв чь те һʹәсабе: Иса һатә сәр әʹрде ԝәки мәрьварʹа дәрһәԛа Пʹадшатийа Хԝәде гьли кә у шьровәкә, кӧ әве чь бькә бона инсанәте, нава кʹижане мәрьвед кәрʹ ьн жи (Мәтта 6:10).
Рʹез: «Әԝ [Иса] һʹәта кәрʹа жи дьдә бьһистьне у лала дьдә хәбәрдане» (Маркос 7:37).
Әв чь те һʹәсабе: Иса да кʹьфше ԝәки бьн сәрԝертийа Пʹадшатийа Хԝәдеда мәрьвед кәрʹ ԝе бьбьһен у йед лал ԝе хәбәр дьн. Дәрәщәкеда Иса ԛәнщийа хԝә һьндава мәрьвәки кәрʹ-лал да кʹьфше бь ве йәке, кӧ пешийе бь жеста жерʹа хәбәр да, паше жи ԝи ԛәнщ кьр у әԝ мәрьв карьбу бьбьһе у хәбәр дә (Маркос 7:31-35).
Рʹез: «Ԝе гаве ԝе . . . гӧһед кәрʹа жи вәбьн» (Ишайа 35:5, ИМ).
Әв чь те һʹәсабе: Йаһоԝа соз да ԝәки мәрьвед кәрʹ ԝе бьбьһен (Ишайа 29:18).
Чаԝа Шәʹдед Йаһоԝа Иро Али Мәрьвед Кәрʹ Дькьн
Шәʹдед Йаһоԝа нав тʹәмамийа дьнйайеда мьзгинийа Хԝәде дәрһәԛа ахьрийе мәрьвед кәрʹрʹа гьли дькьн. Әм чь дькьн сәва кӧ әв шьхӧл биньн сери? Әм Кʹьтеба Пироз у видеойед бона һинбуна Кʹьтеба Пироз сәр 100 зьмана зедәтьр йед зьманед кәрʹ-лала дәрдьхьн. Әм ӧса жи һинбуна Кʹьтеба Пироз у щьвата сәр зьманед кәрʹ-лала дәрбаз дькьн. Әм әв һәр тьшт бона мәрьвед кӧ һʹәԝще аликʹарийа Хԝәде нә бепʹәрә дькьн. Гәло чьма? Чьмки Иса тʹәми да: «Ԝә беһәԛ стандийә, беһәԛ жи бьдьн» (Мәтта 10:8).
Һун дькарьн ԝан әʹдәбйәта жь ԝан канийа бь онлайн интернетеда бьньһерʹьн йан жи ль сәр һащәта хԝәйә електроник бькʹьшиньн:
JW.ORG. Ль сәр нишана зьман бьтькиньн, йе кӧ ль жора һʹәму рʹупʹелед малпәре йә, сәва кӧ бьньһерʹьн кʹижан әʹдәбйәт ль сәр зьманәки конкрет йа кәрʹ-лала һәйә.
JW Library Sign Language апликасийа. Әве апликасийайе сәр һащәта хԝәйә електроник бькʹьшиньн.
Кʹижан Әʹдәбйәтед бона Һинбуна Кʹьтеба Пироз Әм Дәрдьхьн?
Кʹьтеба Пироз ль сәр зьмане кәрʹ-лала. Нав тʹәмамийа дьнйайеда Кʹьтеба Пирозә пешьн кӧ бь тʹәмами ль сәр зьмане кәрʹ-лала һатьбу дәрхьстьне, Кʹьтеба Пирозә Ԝәлгәрʹандьна Дьнйа Тʹәзә бу йа сәр зьмане кәрʹ-лала йе Америки. Кʹьтеба Пирозә Ԝәлгәрʹандьна Дьнйа Тʹәзә бь тʹәмами йан жи пʹаред ве, ньһа ида ль сәр гәләк зьманед кәрʹ-лала һатьнә ԝәлгәрʹандьне. (Һун дькарьн чаргошеда «Кʹьтеба Пирозә Ԝәлгәрʹандьна Дьнйа Тʹәзә ль сәр Зьмане Кәрʹ-Лала» ԝан зьмана бьвиньн йан жи бь онлайн Кʹьтеба Пироз бьньһерʹьн).
Сәва кӧ бькарьбьн Кʹьтеба Пироз бьхуньн, хԝәрʹа JW Library Sign Language апликасийайе бькʹьшиньн. Бь сайа ве апликасийайе һуне бькарьбьн рʹезед конкрет жь Кʹьтеба Пироз ль сәр зьмане кәрʹ-лала бьжберьн.
Дмитро у Вита кәрʹ-лал ьн, ле зарʹед ԝан дькарьн бьбьһен. Бьньһерʹьн кӧ әв малбәт һәр рʹож жь ньһерʹандьна Кʹьтеба Пирозә ль сәр зьмане кәрʹ-лала чь кʹаре дьстинә.
Видеойед кӧ Кʹьтеба Пироз һин дькьн. Шәʹдед Йаһоԝа видеойед сәр зьмане кәрʹ-лала дәрдьхьн, йед кӧ али мәрьва дькьн ширәтед Кʹьтеба Пироз фәʹм бькьн у әʹмьре хԝәда бьдьнә хәбате, мәсәлә бона . . .
Курса һинбуна Кʹьтеба Пироз бь шәхси. Ль гора дәрәща хԝә бь сайа аликʹарийа дәрсдарәки шәхси занәбуне жь Кʹьтеба Пироз бьстинә. Бьхԝазә кӧ тәрʹа нишан кьн кӧ чаԝа әв курса һинбуна Кʹьтеба Пироз дәрбаз дьбә, йа кӧ бепʹәрә йә.
Щейсон Сенаһоньн Филипинеда дьминә. Пебьһʹәсьн кӧ чаԝа курса Кʹьтеба Пироз али ԝи кьр һәләԛәтийа баш тʹәви Хԝәде саз кә.
Марио Антунес, кʹәшише дерәки жь Һондурасе бу. Пебьһʹәсьн кӧ чаԝа әԝи карьбу щабед пьрсед хԝәйә сәр һʹиме Кʹьтеба Пироз бьстинә. Ве йәке әԝ сәрһатийа хԝәда гьли дькә, наве кʹижани ӧса нә, «Пьрсед Мьн Һе Зәʹф бун, нә кӧ Щаб».
Щьват у щьватед мәзьн. Нав тʹәмамийа дьнйайеда кʹом у щьватед мәйә ль сәр зьмане кәрʹ-лала дәрбаз дьбьн. Әм ӧса жи һәр сал бона лекʹолина Кʹьтеба Пироз щьватед мәзьн ль сәр зьмане кәрʹ-лала дәрбаз дькьн. Ль сәр ԝан щьват у щьватед мәзьн, готар бона ԝан мәрьва жи тенә ԝәлгәрʹандьне, йед кӧ һьм кор һьм жи кәрʹ ьн, демәк дәсте мәрьве кор у кәрʹ дьгьрьн у ӧса ԝәлдьгәрʹиньн. Хенщи ве йәке, әм бепʹәрә әʹдәбйәта бь ньвисара Браиле дәрдьхьн.
Щьвата незики хԝә бьвиньн.
Пебьһʹәсьн кӧ кʹәнге щьватен мәйә мәзьн дәрбаз дьбьн.
Ԝәрьн ль сәр щьвина мәйә мәхсус, йа кӧ сале щарәке дәрбаз дьбә, ль сәр Евара Биранина Мьрьна Иса Мәсиһ.
Хосе Луис Айала Мексикайеда дьминә. Әв кәрʹ һатә буйине у паше жи кор бу. Пебьһʹәсьн кӧ чь али ԝи кьр, ԝәки әԝ бьбә дәрсдарәки һостә йа Кʹьтеба Пироз.
a Йаһоԝа наве Хԝәдейи шәхси йә (Зәбур 83:18). Бьньһерʹә готара бь наве «Йаһоԝа Кʹи йә?»