Проблемед Економики—Пʹадшатийа Хԝәде ԝе Чь Бькә

Иро гәләк мәрьварʹа чәтьн ә әʹбура хԝә бькьн у әв йәк чьԛас дьчә дьһа чәтьн дьбә.

•  Ль гора һʹәсабәке йа кӧ ван пашԝәхтийа һатьбу кьрьне,a һатә кʹьфше кӧ ԛимәта пʹәра кʹәтийә. Лекʹолинкʹар дьбежьн, кӧ һәрге тьштәк нәйе сафикьрьне, ԝе проблем пешда бе һьндава мәрьвед дәԝләти у кʹәсиб, у хенщи ве йәке гәләк малбәт у хәбатчи ԝе нькарьбьн чаԝа бәре бь жийина комфорт бьжин.

Гәло сәрԝер ԝе бькарьбьн проблемед економикайе сафи кьн?

Кʹьтеба Пирозда те готьне, ԝәки ԝе һәбә сәрԝерти йа кӧ ԝе һʹәму проблемед економики у фьрԛийа ортʹа дәԝләмәнд у кʹәсиба сафи кә. Теда ӧса жи те готьне кӧ «Хԝәдайе әʹзмана ԝе пʹадшатийе кʹьфш кә,» демәк сәрԝертийа, кӧ ԝе һʹәму проблемед сәр әʹрде сафи кә (Данийел 2:44). Бьн ве сәрԝертийеда, тʹӧ кәс ԝе нәйе биркьрьне у һиштьне (Зәбур 9:18). Пʹадшатийа Хԝәде ԝе бона бажарванед хԝә хәм бькә у ԝе ԝанрʹа һәр тьшт бьдә, сәва кӧ әԝана бәхтәԝар бьн. Һәр кәс ԝе жь кʹаре дәсте хԝә шабуне у хәлате бьстинә (Ишайа 65:21, 22).