Проблемед Еколожийайе—Пʹадшатийа Хԝәде ԝе Чь Бькә

«Жь бо гӧһастьна климате гәләк проблем пешда тен, чь кӧ зийане дьдьнә мәрийа, бажара у екосистемайе. Фьртонед мәзьн кʹижан кӧ жь бо гӧһастьна климате дьһа ԛәԝи дьбьн, гәләк малед мәрьва һьлдьшиньн, у набә кӧ ԝедәре бьжин. Еколожийа бинбәред окйануседа жи зәʹф хьраб дьбә, жь бо чь жи дьбәкә гәләк жь ԝан кʹӧта бьн».—Ингер Андерсен, ԝәкʹила секретаре сәрәкәйә Мьләтед Йәкбуйи у директоре сәрәкә йе UN Environment Programme, 25 Тирмәһе, сала 2023.

Гәло сәрԝер ԝе бькарьбьн тʹәвайи ԝан проблема сафи кьн, кʹижан кӧ сәр тʹәмамийа әʹрде һʹӧкӧм дькьн? Ле гәло ԝе ԛәԝата ԝан бьгьһиже, кӧ бь тʹәмами ԝан проблема бьдьнә һьлдане?

Кʹьтеба Пироз дәрһәԛа сәрԝертикә ӧса хәбәр дьдә, кʹижан кӧ дькарә һʹәму проблемед әʹрдейә еколожийайе бьдә һьлдане у ԝе әʹсәйи ве йәке бькә. Әԝ дьбежә ԝәки «Хԝәдайе әʹзмана ԝе пʹадшатийе кʹьфш кә», демәк сәрԝертийе, кʹижан кӧ ԝе сәр әʹрдерʹа сәрԝертийе бькә у проблемед тʹәмамийа әʹрде сафи кә (Данийел 2:44, ДТʹ). Бь сайа ве сәрԝертийе мәрьв ԝе зийане нәдьнә һәв у нә жи әʹрде (Ишайа 11:9).