Сала 2023: Саләкә Хәмгинийе—Кʹьтеба Пироз Дәрһәԛа Ве Йәке Чь Дьбежә?

Сала 2023, ԛәԝьмандьнед нав тʹәмамийа дьнйайеда, әʹйан дьдьнә кʹьфше, кӧ әм дьжин «рʹожед ахьрийеда», чаԝа кӧ Кʹьтеба Пирозда те готьне (2 Тимотʹейо 3:1). Дина хԝә бьдьнә ве йәке, кӧ Кʹьтеба Пирозда пешда һатьбу пʹехәмбәртикьрьне дәрһәԛа ԛәԝьмандьнен, кӧ рʹожа иро дьԛәԝьмьн.

Кʹьтеба Пироз у ԛәԝьмандьнед һʹәмдьнйайе

«Дәнге шәрʹа у бәʹса шәрʹа» (Мәтта 24:6).

• «Шәрʹ-дәʹԝ нав тʹәмамийа дьнйайеда чьԛас дьчә, дьһа зедә дьбьн».a

«Щи-щийа ԝе әʹрдһʹәж» бьн (Маркос 13:8).

• «Жь дәстпека сала 2023, 13 әʹрдһʹәж нав тʹәмамийа дьнйайе бь 7 магнитуда ԛәԝьмин. Жь һʹәму һʹәсаба, әв һәжмарәкә лапә мәзьн ә нава саләкеда».b

«Тьштед хоф у тьрс» (Луԛа 21:11).

• «Дәԝрана гәрмбуна гәрдуне хьлаз бу; дәԝрана ԛьжә-ԛьжа гәрдуне һат»—Антонйо Гӧтеррес, Секретаре сәрәкә йе Мьләтед Йәкбуйи.c

«Хәлайи-щәлайе» (Мәтта 24:7).

• «Сала 2023: Саләкә бегӧман бона ԝан, кʹе әʹбура малбәта хԝә дькә».d

«Зәманед хьраб ԝе бен» (2 Тимотʹейо 3:1).

• «Йәк жь һʹәйшт мәрьва жь бо нәхԝәшийа емосийали дьчәрчьрә».e

Гәло сала 2024 ԝе чь бьԛәԝьмә?

Тʹӧ кәс ньзанә сала 2024 ԝе чь бьԛәԝьмә. Ле ԛәԝьмандьнед дьнйайе избат дькьн, кӧ зутьрәке Пʹадшатийа Хԝәде, демәк сәрԝертийа әʹзмани, ԝе дәԝса сәрԝертийед мәрьва бьгьрә у һʹәму кӧл-дәрда у хәмгинийе бьдә һьлдане (Данийел 2:44; Әʹйанти 21:4).

Ле һʹәта кӧ әм һивийа ве рʹоже нә, әм дькарьн аликʹарийе жь Хԝәде бьхԝазьн чахе хәмгин дьбьн. Кʹьтеба Пирозда те готьне:

«Гава әз тьрседа мә, әз Тәда гӧман ьм» (Зәбур 56:3).

Әм ча дькарьн бьдьнә кʹьфше, кӧ итʹбарийа хԝә Хԝәде тиньн? Әм ԝә тʹәглиф дькьн һе зедә пебьһʹәсьн дәрһәԛа соза Кʹьтеба Пироз бона ахьрийе, кӧ әме ида нәчәрчьрьн. Дәстпекьн курса Һинкьрьне йа бепʹәрә, сәва кӧ бьвиньн ча һун у малбәта ԝә дькарьн кʹаре бьстиньн жь созед Кʹьтеба Пироз.