Лейед кӧ Зьраре Дьдьн—Кʹьтеба Пироз Чь Дьбежә?

Нав тʹәмамийа дьнйайеда гәләк мәрьв зийане дьстиньн жь бо лейед мәзьн. Дина хԝә бьдьнә ԝан һʹәсаба:

• «Нава чәнд рʹожада пʹайтʹәхте Чинеда лейа мәзьн рʹабу, кӧ нава 140 салада йа мина ԝе тʹӧнә бу. Нава рʹожа Шәми у Чаршәмеда бьльндайа ве лейе 744.8 милиметр бу»—AP News, 2 Тʹәбахе, сала 2023.

•  «Пешәме рʹожа дӧда бу чахе Тайфуна бь наве Ханун, Жапонйа башуреда ба у баранәкә ԛәԝи ани, жь бо чь жи дӧ мәрьв мьрьн . . . Әв фьртонә дькарә лейа бь бьльндайа 0.6 метра пәй хԝә бинә чʹийайед Тәуԝана навәндда»—Deutsche Welle, 3 Тʹәбахе, сала 2023.

•  «Фьртонә кӧ ль Нова Скотийайеда һʹәфтек дькʹьшанд, баранед ԛәԝи ани һәрема Канадайа Атлантики. Нава 50 салада йа ӧса тʹӧнә буйә»—BBC News, 24 Тирмәһе, сала 2023.

Гәло Кʹьтеба Пироз дәрһәԛа ԛәԝьмандьнед ӧса чь дьбежә?

Нишана «рʹожед ахьрийе»

Кʹьтеба Пироз әʹйан дькә ԝәки әм ԝәʹдәки ӧсада дьжин, кӧ те навкьрьне «рʹожед ахьрийе» (2 Тимотʹейо 3:1). Иса пʹехәмбәрти кьр ԝәки ԝәʹде мәда әме «тьштед хоф у тьрс у нишанед мәзьн ԝе» бьвиньн (Луԛа 21:11). Гӧһастьна һәԝайе ньшкева дьԛәԝьмә у тьштед хоф пәй хԝә тинә, чь кӧ нав тʹәмамийа дьнйайе бәлабуйи йә.

Мәʹни бона гӧмане

Ль гора Кʹьтеба Пироз, әԝ тьштед хоф кӧ рʹожа иройин сәр әʹрде дьԛәԝьмьн, бь рʹасти гәрәке гӧмане бьдьнә мә. Чьрʹа? Иса гот: «Гава һун бьбиньн кӧ әв йәк дьԛәԝьмьн, бьзаньбьн кӧ Пʹадшатийа Хԝәде незик ә» (Луԛа 21:31; Мәтта 24:3).

Тьштед кӧ иро дьԛәԝьмьн нишан дькьн, ԝәки Пʹадшатийа Хԝәде ԝе зутьрәке әʹрде у тʹәбйәте бь тʹәмами контрол бькә, мәсәлә зьвьрʹока аве (Ибо 36:27, 28; Зәбур 107:29).

Сәва кӧ һе зедә пебьһʹәсьн кӧ чаԝа Пʹадшатийа Хԝәде ԝе һʹале сәр әʹрде баш кә, бьньһерʹьн готар «Кʹи ԝе Әʹрде Хьлаз кә?»