Гӧман бона Сала 2024—Кʹьтеба Пироз Чь Дьбежә?

Гәләк мәрьв дьфькьрьн кӧ чʹарә бона проблемед сала 2024 тʹӧнә. Йәкә гӧман һәйә, кӧ һәр тьшт ԝе баш бә. Ле гәло ча әве гӧмане бьвиньн?

Кʹьтеба Пироз гӧмане дьдә

Кʹьтеба Пироз соз дьдә, ԝәки Хԝәде ԝе чәтьнайед мәйә иро сафи кә, йед кӧ әʹмьре мә гьран дькьн. Зутьрәке, Хԝәде ԝе «жь чʹәʹвед [мә] һʹәму һесьред [мә] паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (Әʹйанти 21:4).

Сәва кӧ һе зедә пебьһʹәсьн дәрһәԛа созед Кʹьтеба Пироз бона ахьрийе, бьхуньн готар «Һевийа Баш бона Рʹожа Сьбе».

Ча ида иро Кʹьтеба Пироз дькарә али ԝә бькә

Кʹьтеба Пироз гӧмана бона ахьрийе дьдә ԝә, кӧ дькарә али ԝә бькә ньһерʹандьна позитив хԝәй кьн (Рʹомайи 15:13). Ӧса жи, Кʹьтеба Пироз дькарә ширәта бьдә ԝә, йед кӧ ԝе али ԝә бькьн чәтьнайед иройин сафи кьн, мәсәлә ча кʹәсиббун, нәһәԛи, у нәхԝәши.

Пебьһʹәсьн кӧ чаԝа гӧмана жь Кʹьтеба Пироз али мәрьвәки кьр, ԝәки нава кʹәсибийеда дьлрʹьһʹәтийе бьстинә у бәхтәԝар бә. Бьньһерʹьн видео Хуан Пабло Зермено: Йаһоԝа Нета Жийине Да Мьн.
Ӧса жи пебьһʹәсьн кӧ чаԝа Кʹьтеба Пироз дькарә али ԝә бькә, гава һун хԝә сущдар дькьн, дьлтәнг ьн, хәмгин ьн, йан мәрьвәки хԝәйи незик ӧнда кьрьнә. Бьхуньн готар «Әз Дькарьм жь Кʹьтеба Пироз Бәрдьлийе Бьстиньм?»
Пебьһʹәсьн дәрһәԛа кʹӧлфәтәке, йа кӧ әскәрийеда ԛӧльх дькьр у хԝә һʹәсаб дькьр ча йәкә дьлкәвьр у бетʹалаш, у чаԝа әԝ бь сайа Кʹьтеб Пироз гӧман дит. Бьньһерʹьн видео Мьн Тʹьвьнга Хԝә Авит.

Хирәт бькьн ԝәки сала 2024 бона ԝә у малбәта ԝә саләкә баш бә. Пебьһʹәсьн кӧ чаԝа Кʹьтеба Пироз дькарә ве йәкеда али ԝә бькә. Бьщерʹьбиньн курса Кʹьтеба Пироз тʹәви кәсе кӧ дькарә али ԝә бькә. Ӧса жи пебьһʹәсьн кӧ чаԝа Хԝәде дькарә дьлрʹьһʹәтийе бьдә ԝә, ча ньһа ӧса жи бона ахьрийе (Йерәмйа 29:11).