Беԛануни Дьнеда Зедә Дьбә—Кʹьтеба Пироз Чь Дьбежә?

Һаитеда зордари алийе кʹома ԛачаха зедә дьбә. Мәрьвед жь Африкайа Башуре, Мәксике у ӧса жи ԝәлатед Америкайа Латини жь бо зордарийе дьчәрчьрьн. Һәла һе ԝан щийа кʹидәре зордари кем буйә, диса жи мәрьв хԝә бехофийеда тʹәхмин накьн у бәрхԝә дькʹәвьн, гава дәрһәԛа ԛачахтийе дьбьһен.

Кʹьтеба Пироз чь дьбежә дәрһәԛа беԛанунийа кӧ дьнеда дьԛәԝьмә?

Кʹьтеба Пирозда дәрһәԛа беԛанунийе чь һатьбу пʹехәмбәртикьрьне

Кʹьтеба Пироз пʹехәмбәрти кьрьбу, кӧ беԛануни ԝе бьбуйа пʹара нишана «рʹожед хьлазийейә ве дьнйайе» (Мәтта 24:3). Чахе Иса шьровәдькьр дәрһәԛа ԛәԝьмандьнед кӧ пʹара ԝе нишане нә, әԝи гот:

•  «Жь бо зедәбуна беԛанунийе, һʹәзкьрьна гәләка ԝе сар бә» (Мәтта 24:12).

Кʹьтеба Пироз ӧса жи пʹехәмбәрти кьрьбу, «кӧ рʹожед ахьрийеда» мәрьв ԝе бьбьнә «тәʹмсьст, зӧлмкʹар, нәйаред ԛәнщийе» (2 Тимотʹейо 3:1-5). Әԝ һʹәму һʹӧнӧр йа кӧ иро әм пе чʹәʹве хԝә дьвиньн, дьбьнә бәрбь беԛанунийе.

Ле мәʹнийед бона гӧмане һәйә. Кʹьтеба Пироз соз дьдә, кӧ зутьрәке беԛануни ԝе тʹӧнә бә.

•  «Бәле һьнәки шунда нәпʹаке бәтавәбә, те ль щийе ԝи бьгәрʹи у ԝи нәбини. Ле бәле мьлуке әʹрде ԝар бьн, хер-хԝәшийева ԝе хьне бьн у ша бьн» (Зәбур 37:10, 11).

Һе зедә пебьһʹәсьн дәрһәԛа гӧмана жь Кʹьтеба Пироз у чьма әм дькарьн баԝәр бьн, ԝәки ԛәԝьмандьнед кӧ әм иро пе чʹәʹве хԝә дьвиньн пʹехәмбәртийед жь Кʹьтеба Пироз ьн, йед кӧ тенә сәри. Бьньһерʹьн ԝан готара.

«Һевийа Баш бона Рʹожа Сьбе»

«Гәло Чь йә ‹Нишана Рʹожед Ахьрийе›?»

«Гәло Кʹьтеба Пирозда Һатийә Пʹехәмбәртикьрьне, кӧ Ԝәʹде Мәда Мәрьв ԝе Чь Щурʹәйи бьн?»