Гәло Әʹсә йә кӧ Баԝәрмәнд Әндәме Тʹәшкиләта Религи бә?

Щаба Кʹьтеба Пироз

Әре, чьмки Хԝәде дьхԝазә ԝәки мәрьв бона һʹәбандьне тʹәвайи тʹоп бьн. Кʹьтеба Пироз дьбежә: «Бьра әм бона һәвдӧ хәм бькьн, ԝәки һʹьзкьрьне у ԛәнщикьрьнеда һелана бьдьнә һәв. Бьра әм дәст жь льһәвщьвине нәкʹьшиньн» (Ибрани 10:24, 25).

Чаԝа Иса готьбу, шагьртед ԝи ԝе кʹомәкә бь организә бьн. Әԝи гот: «Бь ве йәке һʹәмуйе заньбьн һун шагьртед мьн ьн, һәгәр һун һәвдӧ һʹьз бькьн» (Йуһʹәнна 13:35). Йа пешьн, әԝ һʹьзкьрьн гәрәке нав ԝанда бьһата кʹьфше, демәк һәләԛәтийа ортʹа һәвда. Әԝана гәрәке щьватада бь организә буна у тʹьме щьвинед бона һʹәбандьне дәрбаз кьрана (1 Корьнтʹи 16:19). Жь ԝан һʹәму щьвата, гәрәке бьратийа һʹәмдьнйайе саз буйа (1 Пәтрус 2:17).

Бәс нинә кӧ тʹәне әндәме тʹәшкиләта религи бьн

Рʹаст ә Кʹьтеба Пирозда те готьне кӧ мәрьв гәрәке бона һʹәбандьна Хԝәдерʹа тʹәвайи тʹоп бьн, ле теда найе готьне кӧ әԝ йәк бәс ә ԝәки дьле Хԝәде ша кьн. Һʹәбандьн гәрәке сәр жийина мәрьвайә һәррʹожи һʹӧкӧм кә. Мәсәлә, Кʹьтеба Пирозда ньвисар ә: «Ль бәр Бав Хԝәдейе мә хԝәденасийа рʹаст у беԛӧсур әв ә: Тәʹли-тәнгийада дәст бавежьнә сеԝийа у жьнәбийа у һʹәвза хԝә жи жь ләкʹед дьне бькә» (Аԛуб 1:27).