Мьзгини дәрһәqа чь?

1. Мьзгинийа Хwәде чь йә?

Хwәде мәрийа һʹәз дькә. Әwи дьне у һʹәму тьшт сәва wе йәке әʹфьранд, wәки мәрьв ль сәр әʹрде дь бәхтәwарийеда бьжин. Зутьрәке Хwәде wе һʹале мә рʹаст кә у ахьрийа мә wе баш бә. Әw wе һʹәму мәʹнийед бебәхтийа мә, бьдә һьлдане. Бьхунә Йерәмйа 29:11.

Тʹӧ сәркʹартийе нькарьбуйә зӧлмийе, нәхwәшийе у мьрьне бьдә һьлдане. Ле мьзгинийа Хwәде әw ә, кӧ зутьрәке әw wе дәwса һʹәму сәркʹартийед дьнйайе, сәркʹартийа хwә кʹьфш кә. Бьн пʹадшатийа wи, мәрьв wе ләзәте бьбиньн, wе сьһʹәт-qәwат бьн у дь әʹдьлайийеда бьжин. Бьхунә Ишайа 25:8; 33:24; Данийел 2:44.

2. Чьрʹа мьзгинийа Хwәде иро гәләк лазьм ә?

Һʹәму кӧл-дәрдед мә тʹәне wи чахи wе хьлаз бьн, чахе Хwәде әʹрде жь мәрийед хьраб тʹәмьз кә (Сефанийа 2:3). Ле әв йәк wе кʹәнге бьqәwьмә? Дәрһәqа һʹале дьнйа иройин, дь Кʹьтеба Пирозда пешда һатьбу пʹехәмбәрти кьрьне. Әв тьштед хьраб кӧ иро дьqәwьмьн избат дькьн, кӧ зутьрәке Хwәде wе һʹәму кӧл-дәрда бьдә һьлдане. Бьхунә 2 Тимотʹейо 3:1-5.

3. Чь әм гәрәке бькьн?

Әм гәрәке пебьһʹәсьн дәрһәqа Хwәде жь Хәбәра wи, демәк Кʹьтеба Пироз. Кʹьтеба Пироз мина нәʹмәке йә, йа кӧ бав бь һʹәзкьрьне зарʹед хwәрʹа шандийә. Кʹьтеба Пироз мә һин дькә, ча бькьн wәки ирода бь әʹмьрәки баш бьжин у дь ахьрийеда жи ль сәр әʹрде һʹәта-һʹәтайе бьжин. Бь рʹастийе wе һьнәка хwәш нәйе, wәки тӧ аликʹарийе дьстини, сәва кӧ рʹьнд Кʹьтеба Пироз фәʹм бьки. Әм гәрәке изьне нәдьнә тʹӧ кәси рʹийа мә бьгьрьн, сәва һе зедә пебьһʹәсьн дәрһәqа Хwәде, чьмки созед Хwәде әw ьн, кӧ әме ахьрикә баш бьстиньн. Бьхунә Мәтʹәлок 29:25; Әʹйанти 14:6, 7.