Һин бә wәки дь Хьзмәтеда һе Щерʹьбанди би​—Сәрледана Дöбарә

ӘВ ЙӘК ЧЬМА ФӘРЗ Ә: Әw мәрьвед кö дьхwазьн һе зедә пебьһʹәсьн дәрһәqа мьзгинйа Пʹадшатийе, дьгәрʹьн рʹастийе дәрһәqа Хwәде (Иш. 55:6). Сәва кö wана керһати һин кьн, әм гәрәке диса у диса бенә щәм wан. Мәрьв рʹасти щурʹә-щурʹә чәтьнайа тен, ләма жи щурʹе һинкьрьна мә жи wе щар-щар щöдә бә. Öса һʹәwаса wан һе пешда те. Һәрге әм хwә рʹьнд һазьр кьн у ньһерʹандьна рʹаст хwәй кьн сәр һәр сәрледанәки, әме бьбьнә хьзмәткʹаред баш. Нета мә гәрәке әw бә, кö һинкьрьна Кʹьтеба Пироз дәстпекьн.

ЧАWА БЬКЬН:

• Әʹглә нәбә у нава чәнд рʹожада сәрледане бькә (Мт. 13:19).

• Һәвалһʹьз у мәрифәт бә. Хwә рʹьһʹәт тʹәхмин кә

• Пешийе бь дьл мәрьв сьлав кә. Wәʹде хәбәрдане наве мәрьв һьлдә. Бькә бира хwайе мале, кö чьма тö һати. Мәсәлә дькари бежи кö тö һати, wәки щаба пьрсе бьди, журнала тʹәзә бини, малпәре нишан ки, видео вехи, йан нишан ки кö чаwа һинбуна Кʹьтеба Пироз дәрбаз дьбә. Һәрге wәʹде хәбәрдане мәрьв дьдә кʹьфше, тʹемәкә дьн wирʹа һʹәwас ә, һьнге хәбәрдана хwә бьгöһезә (Флп. 2:4).

• Авдә тʹöхьме рʹастийе кʹижан кö гьһиштьнә дьле мәрьв, бь сайа фькьрәки жь Кʹьтеба Пироз, йан бь wе йәке кö wә журнал жерʹа һишт (1 Кр. 3:6). Öса бькә кö мәрьв итʹбарийа хwә тә бинә.

• Һим дайинә сәва сәрләдана дöбарә